1 Dzipfhumu 21:4 - Bhibhiliya Nya Guage

⁴ Khavbo avbo, Akabi a di bwelela gaya gwaye na vbisegide ngudzu khu kotani nya magana a nga embedwago khu Nabhoti wa Jezireyeli, a nga khuye: “Gima kha nyi na gu ninga thomba ya vababe vangu.” A diya lala vbadawutunu gwaye, a thendregedza khovbe yaye, a khedza ndzaritunu, a si vbweti gu hodza gilo.

1 Dzipfhumu 21:4 Iomraidhean Croise

2 Samuweli 13:2

Amoni a di vbisega ngudzu khu kotani ya ndriyaye Tamari, gu kala a dwala khu kotani yaye, kholu uye a di bani na ngari likendzi gu di si kodzegi gu Amoni a gira gilo avbo gwaye.

2 Samuweli 13:4

Uye a di mu embela, khuye: “Khu ginani matshigu yatshavbo u khalago na wu wondride nuri mwamana wa mufumeli? Wa gumba nyi embela khu ginani?” Khavbo avbo, Amoni a di mu hakha, khuye: “Nya gu dogorela Tamari ndruye wa ndriyangu Abhisalamo.”

1 Dzipfhumu 20:43

Khavbo avbo, mufumeli wa Israyeli a di bwelela gaya gwaye Samariya, na swihade gumogo ni guvbisega ngudzu.

1 Dzipfhumu 21:1

Wonani esi si nga dugelela hwane nya sigiro satshavbo sesi, Nabhoti wa Jezireyeli a diri ni lithembwe nya miuvha vbafuvbi ni nyumba nya wufumu ya Akabi, mufumeli wa Samariya.

1 Dzipfhumu 21:3

Aholu, Nabhoti a di embela Akabi, khuye: “Pfhumu a na nyi tsetselele, kholu eni kha nyi dzi kodzi gu gu ninga thomba ya vababe vangu.”

1 Dzipfhumu 21:5

Aholu, mwangadzi waye a dita gwaye a ta mu wudzisa, khuye: “Khu ginani u khalago nu vbisegide nyamba vbweta ni guhodza gilo?”

Joba 5:2

Gipumbu gi nafa khu giviti gyaye, ni ngara a na mbemba khu gumbana mapimo.

Muhevbudzi 6:9

Nya sadi khu gu wona silo khu maho, guvbindra gu si dogorela khu monyo. Aholu esi niso gu dzi pfhadza, kha si phasi gilo, gututuma hwane nya phuvbo yi vbindrago.

Jona 4:1

Khu kotani nya isoso, Jona kha nga tsaka, a di swihala a vbisega.

Jona 4:4

Pfhumu Nungungulu a di mu embela, khuye: “Ina u na ni fanelo nya gugoroge kharato, gani?”

Jona 4:8

Avbo li nga duga lidambo, Nungungulu a di rumela phuvbo nya guvbise nya gute khu Khugadambo, lidambo li di vbisa hungo wa Jona, uye a di titivala, a lomba gufa, khuye: “Avbo gwangu i tshukwana gufa guvbindra guvbanya.”

Jona 4:9

Khavbo avbo, Nungungulu a di embela Jona, khuye: “Ina wa gu pimisa gukhuwe u na ni fanelo nya gugoroge khu khungu yoyu, gani?” Uye a di hakha, khuye: Nyi ngu yela nyi manega ni giviti kala nyifa.

Vaefeso 4:27

Mu nga ningi wulanga Sathane a fuma myonyoni gwanu.

Jakobe 1:14

Aholu muthu ni muthu a gu lingwa khu gudogolela nya monyo waye, wu mu ndrindrago, wu mu senga.

1 Samuweli 28:23

Aholu uye a di bomba a mu embela, khuye: “Kha nyi na hodza gilo.” Aholu sithumi saye gumogo ni nyamayi va di mu khongotela; uye a di dzumela. Uye a di khuga vbavbatshi a khala vbadawutunu.