1 Dzipfhumu 21:25 - Bhibhiliya Nya Guage

²⁵ Aholu, mwalo ni moyo a nga girago kha nga Akabi, a nga dzi rengisago khu silo nya guvivbe si nyenyezidego mahoni ga Pfhumu Nungungulu; kholu a di kutsedzedwa khu mwangadzi waye, Jezabheli.

1 Dzipfhumu 21:25 Iomraidhean Croise

1 Dzipfhumu 16:25

Oniri, a di gira ugo guvivbidego mbeli ga Pfhumu Nungungulu, a di gira silo nya guvivbe ngudzu guvbindra vatshavbo va mu thangedego gufuma.

1 Dzipfhumu 18:18

Eliya a di mu hakha, khuye: “Khandri eni nyi vhilinganyisago va na Israyeli, aholu uwe ni nyumba ya babe wago, kholu mu digide milayo ya Pfhumu Nungungulu, mu landrela Vabhahali.

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

1 Dzipfhumu 19:2

Khavbo avbo, Jezabheli a di rumela mwango guya embela Eliya, khuye: “Vanungungulu va na nyi songe, gya gu vboha gikhati gegi mindru na nyi si gu giri womi wago nya nga edzi uwe u giridego uwo wa vaprofeti.”

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

1 Dzipfhumu 21:7

Khavbo avbo, mwangadzi waye Jezabheli, a di mu embela, khuye: “Gasi olu khandruwe mufumeli wa Israyeli, gani? Wuga u hodza guhodza, u nengela monyoni gwago. Eni nyi na gu ninga lithembwe la Nabhoti wa Jezireyeli.”

1 Dzipfhumu 22:52

Akazi, mwamana wa Akabi, phede gu fumela va na Israyeli, khu mwaga nya likhumi na livbandre na mivili nya gufume ga Josafati, mufumeli wa Judha; fumede myaga mivili dhoropani ga Samariya.

1 Dzipfhumu 22:53

A di gira silo nya guvivbe mahoni ga Pfhumu Nungungulu; kholu a di gimbila khu dzindzila dza babe waye, gumogo ni dzindzila dza mayi waye, nidzo dza Jerobhowamo, mwamana wa Nebhati, a nga gira a ghohisa va na Israyeli.

2 Dzipfhumu 17:17

Va di vbisa gambe sanana sawe nya sikhwathana niso nya sagadzyana niloni, va dzi ningedzela dzisoloni ni wuloyi, va gira silo nya guvivbe mbeli ga Pfhumu Nungungulu, va mu gorogisa.

2 Dzipfhumu 23:25

Vbakari ga vafumeli avo va nga hegulago khavo, mwalo a godzanego naye khu guvbindrugedza a wuya ga Pfhumu Nungungulu, khu monyo waye watshavbo, ni hefemulo waye watshavbo, ni tshivba yaye yatshavbo kha nga idzo wu lombago khidzo Nayo wa Mosi; khu hwane gwaye, mwalo a dugeledego nya gu gufanana naye.

2 Dzipfhumu 9:22

Avbo Joramo a nga wonago Jewu, a di khuye: “Jewu, gwadi, gani?” A di mu hakha, khuye: “Gu na manega kharini gurula na wu nga wu simama wubhayi wa mayi wago Jezabheli ni wuloyi waye na wu ngari khu talo?”

2 Dzipfhumu 9:34

Hwane nya gu bani na hodzide ni gu sela, a di bela nyumbani a ganela, khuye: “Sayisani muyuyuteli yoyu, mu mu dzinga kholu nyamahegyane wa mufumeli.”

Nehemiya 13:26

Khandriso esi si nga ghohisa Solomoni mufumeli wa na Israyeli, gani? Vbakari nya mayigo yatshavbo yi mwalo pfhumu yi nga bani yi fanana naye. A di godwa ngudzu khu Nungungulu waye, a mu wumbela gu khala mufumeli wa Israyeli watshavbo. Khu guralo uye a di ghohiswa khu vanyamayi nya mambe mafumbo.

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Mavingu 22:14

Khanani ga nyamayi nya gibhayi, liphala nya guete, uye a gorogedwago khu Pfhumu Nungungulu a na thegela umo.

Muhevbudzi 7:26

Khu guhegisa nyi di wona gukheni: Egi gi pwisago ngudzu wuvi guvbindra lufu khu gu mana nyamayi nya vbiyaku. Kholu a gu sihalela vama nga musoti: Monyo waye i naphwi, mwama a gu hungwa khu dzingomondro nya mawogo yaye. Aholu avo va thavago Nungungulu va gu mu ndreyela, gasi sighohi sa gu modwa khuye.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 52:3

Kholu Pfhumu Nungungulu a ngu ganela kharati, khuye: “Mu rengisidwe mahala, mu na tshudziswa gambe mahala nyambana dzitsapawu.”

Mithumo 14:2

Aholu, Vajudha vale va nga bomba gukhodwa, va di kutsedzela mahedheni gu wugela vandruye.

Mithumo 6:12

Va di kutsedzela vathu, madhota ni vahevbudzi nya Nayo, va ta mu mola va mu yisa Phathani.

Varoma 6:19

Nya gu ganela kharati khu maganelelo nya wuthu khu gu dziti gukheni si ngu mi garadzela gu si pima silo sesi. Gale mu di dzi ningela gu khala dzikhumbi nya wubhayi ni guvivba gwatshavbo mu fela guthuma mithumo nya guvivbe. Olu dzi ningeleni gambe khu monyo watshavbo gu thumela gululama, mu fela gu agiswa.

Varoma 7:14

Kholu hi ngu dziti gukhethu Nayo khwa liphuvbo, aholu eni nyi gu muthu nyambana tshivba, nyi rengisidwe nga khumbi ga gighoho.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.