1 Dzipfhumu 21:19 - Bhibhiliya Nya Guage

¹⁹ U na mu embela, khuwe: Pfhumu Nungungulu wari, khuye: “Guhegula u songide, olu wa gu vbweta gu dzega thomba ya muthu a gu mwalo nandru, gani? U engedza gambe u mu embela, khuwe: Pfhumu Nungungulu a ngu ganela, khuye: Wulangani wu dandzedwego novba wa Nabhoti khu dzimbwa, dzi naya dandzela gambe novba wago.”

1 Dzipfhumu 21:19 Iomraidhean Croise

Genesi 3:11

Nungungulu a di mu wudzisa, khuye: “Khu mani a nga gu tivisa gukhuye u wumbwiri? Ina khandri u di hodza handro nya simbo nyi nga gu himbedzela gu wu hodza, gani?”

2 Samuweli 12:11

Khu guralo, Pfhumu Nungungulu a ngu ganela kharati, khuye: “Nyi na wusa libango nya likhongolo nyumbani gwago. Nyi na gu dzegela vagadzi vago nu gu va wona, nyi va ningela ga vambe vama va lala navo vbakari nya mihani.

2 Samuweli 12:9

Khu ginani u nga yeyisago magana ya Pfhumu Nungungulu, u gira esi si vivbidego mahoni gwaye? U songide Uriya, Muhiti khu litshari, khu gufela gu dzega mwangadzi waye a khala wago, hwane nya gu bani u mu songide khu litshari la na Amoni.

1 Dzipfhumu 22:38

Gikhati va nga handza kareta yaye lidhamuni ga Samariya, umo gu hambago vanyamayi nya maphuphulu, dzimbwa dzi diya dandzela novba wa mufumeli. Gu di tadzisega kharati magana ya Pfhumu Nungungulu.

2 Dzipfhumu 10:10

Olu, gu vbweta mu mati gwadi magana ya Pfhumu Nungungulu aya a ganedego khu mahungu nya ndranga ya Akabi. Gimwalo gi na thegago vbavbatshi, kholu Pfhumu Nungungulu tadziside iso a ganedego khavbo ga githumi gyaye Eliya.”

2 Dzipfhumu 10:7

Avbo li nga vboha gwawe lidangalila, va di dzega sanana nya vama sa mufumeli, nya livbandre na mavili magumi va si songa va pila mihungo yawe va thela miravani va yi rumela ga Jewu, dhoropani ga Jezireyeli.

2 Dzipfhumu 6:32

Elizewu a di khade nyumbani gwaye gumogo ni madhota. Mufumeli a di rumela moyo nya sithumi saye aholu na wu si gu vbohi mwango, Elizewu a di embela madhota, khuye: “Kha mu dziti nya gukhenu mwamana wa gighevenga rumede muthu nya gukari gasi guta nyi pila hungo, gani? Mu ngupwani, wa gu vboha mwango, segani lidimba, mu rindrividzeni khu lidimba a duga vbavbandze, kha mu sipwi sikingo sa mufumeli waye a mu landrago khu hwane gwaye?”

Joba 31:39

nya gu bani nyi hodzide mahala mihandro yaye, nya gu bani nyi vbedzide tshivba vamune vaye,

Dzindzimo 68:23

Mu na hamba migondro yanu novbani wa valala vanu, dzimbwa dzanu dzi na dandzela novba wawe.”

Dzindzimo 9:13

Nyi pwele wuhindzi, Pfhumu Nungungulu; wona wusiwana nyi giredwago khu vale va nyi vengago! Nyi wuse u nyi dusa kanani nya lufu.

Dzindzimo 9:16

Pfhumu Nungungulu a dzi yeyedzide, khu gulamula gwaye nya gululame; oyu nya guvivbe monyo, a di konwa khu malipha yaye.

Jeremiya 34:6

Muprofeti Jeremiya, a diya tivisa yatshavbo magana yaya ga Zedhekiya, mufumeli wa Judha;

Ezekiyeli 46:18

Mufumeli mwalo fanelo nya gudzege dzithomba dza vathu, kha yedwi khu gu va tutumisa dzithombani gwawe; thomba yawe va na tshiyela sanana sawe, gasi vathu vangu, ni moyo a si duswi ga thomba yaye.”

Habhakuka 2:12

Libango ga wule a vbahago lidhoropa khu novba a li tiyisa khu wughevenga!

Habhakuka 2:9

Libango ga wule a wungedzelago nyumbani gwaye dzithomba nya gube, gasi gu vega gihaga gyaye vbatshani, gasi a kodza gu dzi vbanyisa ga gyandza nya guvivbe!

Matewu 7:2

Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Valamuli 1:7

Khavbo avbo, Adhoni-Bhezeki a di ganela, khuye: “Livbandre na mavili magumi vafumeli va nga pidwago dzinyala nya vanyaghonwe va mandzani ni migondroni, va di gu roledzela dzitsheta dzi nga bani dzi thega khu vbamezatunu gwangu; iso nyi nga girago ga vambe, Nungungulu a nyi bweledzede esi nyi giridego.” Va di mu dzega va hongola naye Jerusalema, aya fela iyoyo.