1 Dzipfhumu 21:13 - Bhibhiliya Nya Guage

¹³ Khavbo avbo, gu dita vama vavili nya guvivbedwe khu monyo, va ta ema mbeli ga Nabhoti. Va di gira wufakazi nya malipha va mu rwega nandru mbeli ga vathu, khavo: “Nabhoti vade Nungungulu ni mufumeli.” Va di mu dzega va mu dusa vbavbandze nya lidhoropa va mu pfara khu siwindri kala afa.

1 Dzipfhumu 21:13 Iomraidhean Croise

1 Dzipfhumu 21:14

Khavbo avbo, va di rumela mwango ga Jezabheli, khavo: “Nabhoti va mu pfaride khu siwindri, fude.”

2 Dzipfhumu 6:32

Elizewu a di khade nyumbani gwaye gumogo ni madhota. Mufumeli a di rumela moyo nya sithumi saye aholu na wu si gu vbohi mwango, Elizewu a di embela madhota, khuye: “Kha mu dziti nya gukhenu mwamana wa gighevenga rumede muthu nya gukari gasi guta nyi pila hungo, gani? Mu ngupwani, wa gu vboha mwango, segani lidimba, mu rindrividzeni khu lidimba a duga vbavbandze, kha mu sipwi sikingo sa mufumeli waye a mu landrago khu hwane gwaye?”

2 Dzipfhumu 9:26

Khu lisine, a ngu ganela Pfhumu Nungungulu, kha nga vbanova nyi wonidego novba wa Nabhoti, u na wu livba idzosaye mahangeni momu, a ngu ganela Pfhumu Nungungulu. Olu mu khuse u mu dzudzuga mahangeni momu, kha nga idzo a ganedego khidzo Pfhumu Nungungulu.”

2 Dzikoronika 24:21

Va di hunga gikungu nya gu mu songe; va mu pfara khu siwindri, khu guruma ga mufumeli mulikupakupani nya Nyumba ya Pfhumu Nungungulu.”

Joba 1:11

Aholu, wa gu khusedza libogo lago u kuha iso a gu naso, wona gwadi nya gukhuwe a na gu vala nu gu mu wona.”

Joba 1:5

Gikhati va vbedzago matshigu nya buzo, Joba a di ranisa sanana saye gasi guta si agisa; a wuga ni dzimindru dzakone aya ningela phaso nya guvbiswe maningano khu vatshavbo, kholu a di gu alakanya gukhuye: “Hage saye, sanana sangu si ghohide, si vala Nungungulu khu myonyoni gwawe.” Joba a di gira kharato gikhati gyatshavbo.

Joba 2:9

Mwangadzi waye a di mu embela, khuye: “Gwa gu phasa ginani gu simama gululamani? Vala Nungungulu, ufe.”

Joba 31:39

nya gu bani nyi hodzide mahala mihandro yaye, nya gu bani nyi vbedzide tshivba vamune vaye,

Dzindzimo 27:12

u nga nyi ningeli ga valala vangu, va gira kheni guhaladza gwawe, kholu va nyi wugede va nyi singedza malipha, va tade khu wughevenga.

Dzindzimo 35:11

Dzi ngu khuga dzifakazi nya malipha, dzi nyi singedza khu silo nyi si sitigo.

Ekisodha 20:16

U nga singedzi malipha muthu kwanu.

Mavingu 19:28

Fakazi nya malipha ya gu ghoha malamulelo nya yadi, ni maganani ga vathu nya guvivbedwe khu myonyo gwa gu duga silo nya gunyenyeze basi.

Mavingu 19:5

Fakazi nya malipha gima kha yi na hamuga tsayiso, ni wule a ganelago malipha kha na vbuluga.

Mavingu 19:9

Fakazi nya malipha yi na mana tsayiso, ni uye a ganelago malipha kha na vbuluga.

Mavingu 25:18

Muthu a fakazago malipha, a wugela muakelane waye, a gu fanana ni litshari, gighomba ni giholoma nya gulodzwe si songago.

Mavingu 6:19

fakazi nya gukanganyise yi phalalegisago malipha ni uye a wusago mayunga vbakari ga vandriyaye.

Muhevbudzi 10:20

U nga lembi mufumeli, ambari khu mahingigedzoni, gambe u nga lembi gitetema, ambari na wu lade makhuvini gwago; kholu sinyoni si nga rwala mahungu yago, si ma phalalegisa kala ma vboha dzindzeveni gwawe.

Muhevbudzi 4:1

Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Isaya 8:21

Vathu va na legalegiswa ni litigo na va gu tshaniswa ni gupwa ndzala; gikhati va na rerekago khu ndzala, va na vala mufumeli ni Nungungulu wawe, na va gu khedza vbatshani.

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 9:3

Va di manega vahevbudzi nya Nayo va nga alakanya mapimoni gwawe, khavo: “Oyu mwama a ngu hembulula Nungungulu.”

Luka 23:2

Va di phela gu mu ketsari, khavo: “Hi mane oyu mwama na gu kutsedzela vathu gu wugela mufumo, khuye: Mu nga livbini khupho ga Sezari, ni gukhuye uye kamwe khuye mufumeli Kristo.”

Johane 19:12

Gukhugela avbovbo, Pilato a di vbweta gu mu tshula; aholu, Vajudha va di gulumela, khavo: “Wa gu mu tshula, khuri pari ya Sezari; kholu muthu watshavbo a dzi girago pfhumu a gu yeyisa Sezari.”

Mithumo 24:5

Hi wonide gukhethu oyu mwama vivbide. Khuye a wusago pfilupfilu ga Vajudha va mayigo yatshavbo. Khuye khongolo nya tsawa nya Vanazarenu.

Mithumo 6:11

Va di renga vathu nya gukari va gu va livba dzitsapawu, va va ruma gu mu singedza khavo va di mupwa na gu hembulula Mosi ni Nungungulu.

Dhewuteronome 13:10

U na mu pfara khu siwindri kala afa, kholu a gu hambaniside ni Pfhumu Nungungulu wago, a gu dusidego khu tigoni ga Egipito, nyumbani nya wugumbi.

Dhewuteronome 21:21

Khavbo avbo, vathu vatshavbo va dhoropani gwaye, va na gi pfara khu siwindri kala gifa; khu guralo, u na vbedza guvivba vbakari gwago; va na Israyeli vatshavbo va na sipwa va khala hwanga.

Dhewuteronome 22:21

va na mu dzega va gu hongola naye nyangwatunu nya ndranga ya babe waye, vama va dhoropani gwaye va na mu pfara khu siwindri kala afa, kholu giride dzitshoni tigoni ga Israyeli, a dzi gira libhemba ndrangani ga babe waye; khu guralo, u na vbedza guvivba vbakari gwago.

Dhewuteronome 22:24

khavbo avbo, mu na va dzega vatshavbo mu hongola navo nyangwatunu nya lidhoropa lile, mu ya va pfara khu siwindri kala vafa; kholu nyamahegyane kha womba huwa dhoropani, ni mwama, kholu a poyide mwangadzi wa ndriyaye; khu guralo, u na vbedza wuvivbi vbakari gwago.

Dhewuteronome 5:20

U nga giri wufakazi nya malipha u lumbedza muthu kwanu.

Vahebheru 11:37

Va di pfarwa khu siwindri, vambe va pidwa khu vbakari, vambe va songwa khu matshari. Va di legalega na va ambade malowo nya dzinvuta ni dziphongo. Va diri sisiwana, va saniswa ni gu poyidwa.