1 Dzipfhumu 21:11 - Bhibhiliya Nya Guage

¹¹ Vama, vasingalagadzi ni manganagana ya dhoropani, va di gira kha nga idzo a nga leletelago khidzo Jezabheli, malangalilani a nga va lovelago.

1 Dzipfhumu 21:11 Iomraidhean Croise

1 Dzipfhumu 21:10

Mu emisani vama vavili nya guvivbedwe khu monyo mbeli gwaye, va singedza nandru Nabhoti, khavo: Vade Nungungulu ni mufumeli. Khu hwane mu duseni vbavbandze nya lidhoropa, mu mu pfara khu siwindri kala afa.”

1 Dzipfhumu 21:12

Va di vega litshigu nya guhale, Nabhoti va mu khadzisa mbeli wulangani nya wuzundzo.

2 Dzikoronika 24:21

Va di hunga gikungu nya gu mu songe; va mu pfara khu siwindri, khu guruma ga mufumeli mulikupakupani nya Nyumba ya Pfhumu Nungungulu.”

Ekisodha 1:17

Aholu vasingalagadzi va di gu thava Nungungulu, kha va nga gira esi va nga rumwago khu mufumeli wa Egipito, va di diga sanana nya sikhwathana si vbanya.

Ekisodha 1:21

Nungungulu a di kategisa mapango ya vasingalagadzi, kholu va nga yeyedza githawo gwaye.

Mavingu 29:12

Mufumeli a golago gu yingisa malipha, dzindruna dzaye dzatshavbo, dzi na khala vathu nya guvivbedwe khu monyo.

Mavingu 29:26

Vathu nya vangi va gu vbweta gukhavo va godwe khu vafumeli, aholu Pfhumu Nungungulu khuye basi a lamulago vathu vatshavbo.

Isaya 59:14

Kholu nayo wu thavide, ni gululama gu hidzimede hwindzo; lisine li thegede mitendrelani, ni gululama kha gu dzi kodzi gubela umo.

Hoseya 5:11

Efrayimi, tshanisidwe a gamwa khu gulamudwa, kholu a di gola gu landrisela sifananiso nyamba phasa gilo.

Levhi 19:15

Vbamahungutunu u nga hambanisi nayo, u lamula khu ndzila nyamba lulama. U nga khedzi khu khovbe, u kalavela gisiwana mwendro gu emela oyu nya gumanele. U na lamula muakelane wago khu nayo ni lisine.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Matewu 2:12

Na va layidwe khu ndroro gupwa va nga bweleli ga Herodhi, va di bwelela tigoni gwawe khu yimbe ndzila.

Matewu 2:16

Khavbo avbo, Herodhi, na wonide khuye pembidwe khu vagengeli vale, a di goroga ngudzu, a ruma gusongetedwa sanana satshavbo nya sikhwathana sa Bhetlehema ni mayigwana yaye yatshavbo, iso si nga bani si si gu vbindrisi myaga mivili, gu landrisa matshigu a nga embedwago khu vagengeli, gikhati a nga va wudzisago.

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

Mithumo 5:29

Aholu, Pedro ni vapostoli va di hakha, khavo: “Hi fanede gu yingela Nungungulu guvbindra gu yingela vathu.

1 Samuweli 22:17

Mufumeli a di embela dzighadhi a nga bani ari nadzo, khuye: “Gimbilani mu ya songetela vaphasi nya mhamba va Pfhumu Nungungulu, kholu avo navo va ngu pwanana ni Dhavhidhe; Va dzitide gwadi nya gukhavo Dhavhidhe a di thava, aholu kha va nyi tivisa gilo.” Aholu masotshwa yaye ma di bomba ma si dzumeli guya songa vaphasi nya mhamba va Pfhumu Nungungulu.

1 Samuweli 23:20

Khu guralo, olu, ama mufumeli, khu gugola gwago, u ngu dzi kodza gu relela; ethu hi dzi emisede gu mu ningela mandzani ga mufumeli.”