1 Dzipfhumu 20:42 - Bhibhiliya Nya Guage

⁴² Uye a di embela mufumeli, khuye: “Pfhumu Nungungulu a ngu ganela kharati, khuye: Kha nga olu uwe u digidego mwama yoyu nyi nga bani nyi layide gukheni a songwe, uwe u na mu livba khu womi wago, ni vathu vago, va na mbembiswa wulangani ga vathu vaye.”

1 Dzipfhumu 20:42 Iomraidhean Croise

2 Samuweli 12:7

Khavbo avbo, Natane a di embela Dhavhidhe, khuye: “Khuwe kamwe muthu yoyo!” Pfhumu Nungungulu wa Israyeli a ngu ganela kharati, khuye: Nyi gu todzide khu mafura, nyi gu emisa gu khala mufumeli wa Israyeli, nyi gu vbulugisa mandzani ga Sawule;

1 Dzipfhumu 20:34

Bheni-Hadhadhi a di mu embela, khuye: “Nyi na bweledza gwago madhoropa ma wandridwego ga babe wago khu babe wangu, gu diga isoso, u na vega wulanga nya wugwewo wago dhoropani ga Dhamasiko, kha nga babe wangu a nga bani nari nawo dhoropani ga Samariya.” Akabi a di phindrula, khuye: “Ha gu gira gidzumeledzwano gyogyo, eni nyi na gu diga u hongola.” Akabi a di gira gidzumeledzwano naye a mu diga a hongola.

1 Dzipfhumu 20:39

Avbo a nga bani na guvbindra mufumeli, muprofeti a di laledza khu tshivba, khuye: “Githumi gyago gi diri litungatunu, musotshwa moyo a di nyi resela mwama nya gibotshwa a ta, khuye: Ghadha mwama yoyu. A gu tutuma khuwe u na livbago khu womi wago, mwendro gulivba khu taleta nya parata wulangani gwaye.

1 Dzipfhumu 20:41

Khavbo avbo, muprofeti a di dzegela gu funungula mwendra khovbeni gwaye; ni mufumeli wa Israyeli, a di dzegela gu tugula gukhuye moyo nya muprofeti.

2 Dzipfhumu 6:24

Khu hwane nya isoso, Bheni-Hadhadhi, mufumeli wa Siriya, a di tombanisa dzinyimbi dzaye dzatshavbo, a gwela ata dhumela Samariya.

2 Dzipfhumu 8:12

Khavbo avbo, Hazayeli, a di mu embela, khuye: “Mune wangu, khu ginani u lilago?” Uye a di mu hakha, khuye: “Kholu nyi ngu dziti gukheni u na girela guvivba va na Israyeli, u va vbisela makhokhola yawe, ni gu songa madzaha yawe khu matshari, u vbadzulela sanana sawe, u pferula sirumbu nya dzimimba dza vagadzi vawe.”

Levhi 27:29

Mwalo vbakari nya vathu uye a phasedwego Pfhumu Nungungulu a dzi kodzago gu dzi dzegisa; vbavbandze nya gusongwe basi.

1 Samuweli 28:18

Kholu uwe khwa yingisa gilo lito la Pfhumu Nungungulu, gambe khwa thuma iso a gu leletedego gikhati a gorogedego Vaamaleki, khu guralo, Pfhumu Nungungulu, a gu girede esi muhuno.