1 Dzipfhumu 20:34 - Bhibhiliya Nya Guage

³⁴ Bheni-Hadhadhi a di mu embela, khuye: “Nyi na bweledza gwago madhoropa ma wandridwego ga babe wago khu babe wangu, gu diga isoso, u na vega wulanga nya wugwewo wago dhoropani ga Dhamasiko, kha nga babe wangu a nga bani nari nawo dhoropani ga Samariya.” Akabi a di phindrula, khuye: “Ha gu gira gidzumeledzwano gyogyo, eni nyi na gu diga u hongola.” Akabi a di gira gidzumeledzwano naye a mu diga a hongola.

1 Dzipfhumu 20:34 Iomraidhean Croise

1 Dzipfhumu 15:20

Bheni-Hadhadhi a di yingisa magana ya Asa, a gu rumela dzindruna dzaye nya nyimbi dzi ya dhumela madhoropa ya Israyeli; va di phanga madhoropa ya Ijoni, Dhani, Abheli-Bheti-Mahaka ni gipandre gyatshavbo gya Kinereti, gumogo ni litigo la Nafitali.

1 Dzipfhumu 20:33

Vama vale va di hakha mahungu yaya kha nga magana nya gutsakise. Avbo Akabi a ganedego khuye i ndriyangu, va di dzegela gulondrola magana yoyo, va ganela, khavo: “Ina pfhumu, Bheni-Hadhadhi i ndriyago!” Akabi a di khuye: “Mu reseni avba gwangu Bheni-Hadhadhi!” Gikhati Bheni-Hadhadhi a vbohidego, mufumeli a di mu embela a bele karetani gwaye.

1 Dzipfhumu 20:42

Uye a di embela mufumeli, khuye: “Pfhumu Nungungulu a ngu ganela kharati, khuye: Kha nga olu uwe u digidego mwama yoyu nyi nga bani nyi layide gukheni a songwe, uwe u na mu livba khu womi wago, ni vathu vago, va na mbembiswa wulangani ga vathu vaye.”

1 Dzipfhumu 22:31

Mufumeli wa Siriya a di leletela vathangeli vaye nya dzikareta, va nga bani vari magumararu na vavili, a va embela, khuye: “Mu nga dwani ni mumbe muthu, ambari nari khongolo mwendro nari dugwana, vbavbandze basi ga mufumeli wa Israyeli.

2 Dzikoronika 16:4

Bheni-Hadhadhi a di yingisa magana ya Asa, a rumela vathangeli vaye nya dzinyimbi guya wugela madhoropa ya Israyeli; va sasela madhoropa ya Ijomi, Dhani, Abheli-Mayimi ni madhoropa yatshavbo nya sisangala ya Nafitali.

2 Dzikoronika 18:30

Khu guralo, mufumeli wa Siriya, a di leletela vathangeli nya dzikareta dzaye, khuye: “Mu nga dwanini ni mumbe muthu, gani dugwana mwendro khongolo, aholu, dwanani basi ni mufumeli wa Israyeli.”

Isaya 26:10

Muthu nya guvivbedwe khu monyo, ambari a gu tsetseledwa, kha hevbuli gululama, ambari a gu khala tigoni la va nya gululama, uye a gu gira ugo nya guvivbe, kha woni wugulu wa Pfhumu Nungungulu.

Isaya 8:12

“Mu nga ganeli gukhenu ghudzeghudze ga satshavbo esi vathu vava va gukhavo, ghudzeghudze, gambe mu nga thusedzedwi khu esi avo va si thavago.”

Dhewuteronome 7:2

avbo Pfhumu Nungungulu wago, a na va ningelago mandzani gwago u va khozisa, u na va mbembisela muphelo. U nga giri navo pwanano, ambari gu va pwela gisiro.

1 Samuweli 11:1

Nahasi, nya Muamoni, a di wusa nyimbi aya dhumela lidhoropa la Jabhesi-Gileyadhi; khavbo avbo, vama vatshavbo va Jabhesi va di embela Nahasi, khavo: “Hongole hi gira gidzumeledzwano nago, ethu hi na gu thumela.”

1 Samuweli 15:8

A di mola Agagi na nga gu vbanya, mufumeli wa Vaamaleki, a songetela vathu vatshavbo khu matshari.

1 Samuweli 15:9

Aholu, Sawule gumogo ni masotshwa yaye, va di diga Agagi nyamba mu songa, gumogo gambe ni mitshambi yaye nya dzinvuta ni dzimombe nya migadzi, sifuyo nya guene, sinvutana ni satshavbo si nga bani si romo nya sadi, ni gimwegyo nya iso kha va nga vbweta gu si mbembisa. Va di pfhungumula basi iso nyamba khalega ni gumba na lisima.