1 Dzipfhumu 20:21 - Bhibhiliya Nya Guage

²¹ Mufumeli wa Israyeli, a di duga aya songa dzikavalu ni gukhungumulela dzikareta nya nyimbi; a padzisa guralo muphelo Vaasiriya.

1 Dzipfhumu 20:21 Iomraidhean Croise

1 Dzipfhumu 20:20

Moyo ni moyo a di songa uye a nga mu mana mbeli gwaye; Vaasiriya va di thava, na va gu lundrwa khu hwane khu va na Israyeli. Bheni-Hadhadhi, mufumeli wa Siriya, a thava khu kavalu ni vambe vakhileli nya gukari nya dzikavalu.

1 Dzipfhumu 20:22

Khu hwane nya ugo, muprofeti a di hongola aya ganela ni mufumeli wa Israyeli a mu embela, khuye: “Bwelela u ya wusedza tshivba yago, u pimisa gwadi esi u yelago gu gira, kholu khu mwaga wutago mufumeli wa Siriya a nata gu dhumela nyaluphye.”

2 Dzipfhumu 3:18

Aholu khandri iso basi mahoni ga Pfhumu Nungungulu, a na mi ningani gambe mandzani gwanu Mowabhi.

2 Dzipfhumu 3:24

Avbo va nga vbohago lizumboni ga va na Israyeli, va na Israyeli va di khuga va dwana ni va na Mowabhi, va na Mowabhi va di tutuma mbeli ga va na Israyeli. Va na Israyeli va di bela tigoni gwawe va sasela va na Mowabhi.

Josuwa 10:20

Avbo Josuwa gumogo ni va na Israyeli, va nga va palago ni gu va songetela kala va va mbembisa, vambe va nga vbulugago, va di tutuma va thavela madhoropani nya makhokhola,

Valamuli 11:33

A di va sasela, gukhugela Aroweri kala gu vboha Miniti, magumavili madhoropa, a vbindra kala Abheli-Keramimi; khu guralo, va na Amoni va di khoziswa khu va na Israyeli.

Valamuli 3:28

A di va embela, khuye: “Nyi landreni, kholu Pfhumu Nungungulu, ningede mandzani gwanu valala vanu.” Va di mu landra va relela, vaya dzega wulanga va nga bani na va guvbindra khavbo va na Mowabhi tsongoni wa Joridhani, va si dzumedzisi ni moyo gu vbindra khavbo.

1 Samuweli 17:52

Khavbo avbo, vama va na Israyeli ni va na Judha, va di khuga va kulungela, va lundra Vafilisitiya, kala Gati ni dzinyangwani ga Ekroni. Sirumbi sa Vafilisitiya, si di mbambamela khu ndzila, gukhugela Saharayimi, Gati, kala Ekroni.

1 Samuweli 19:8

Gu di simama gu manega nyimbi, Dhavhidhe aya dwana ni Vafilisitiya a va sasela ngudzu, va thava va tutuma mbeli gwaye.