1 Dzipfhumu 20:1 - Bhibhiliya Nya Guage

¹ Bheni-Hadhadhi, mufumeli wa Siriya, a di tombanisa dzitshivba dzaye dzatshavbo; a diri ni magumararu na vavili vafumeli, ni dzikavalu, ni dzikareta nya nyimbi. A di gwela a ta randrela ni gu dhumela lidhoropa la Samariya.

1 Dzipfhumu 20:1 Iomraidhean Croise

1 Dzipfhumu 15:18

Khavbo avbo, Asa a di dzega parata yatshavbo ni ndralama yi nga bani na yi tshade nyumbani nya thomba ya Nyumbani ga Pfhumu Nungungulu ni ya nyumbani nya thomba ya mufumeli, a si ningela mandzani ga dzindruna dzaye; mufumeli Asa, a di va rumela ga Bheni-Hadhadhi, mwamana wa Tabirimoni, mwamana wa Heziyoni, mufumeli wa Siriya, a nga bani na gu khala Dhamasiko, khuye:

1 Dzipfhumu 15:20

Bheni-Hadhadhi a di yingisa magana ya Asa, a gu rumela dzindruna dzaye nya nyimbi dzi ya dhumela madhoropa ya Israyeli; va di phanga madhoropa ya Ijoni, Dhani, Abheli-Bheti-Mahaka ni gipandre gyatshavbo gya Kinereti, gumogo ni litigo la Nafitali.

1 Dzipfhumu 16:24

A di renga gigomo gya Samariya ga Semeri khu dzitaleta dzimbili nya parata. A di vbaha lidhoropa mugigomoni momo, a li rana khuye Samariya, khu kotani nya lina la Semeri, a nga bani ari mune nya gigomo gyogyo.

1 Dzipfhumu 20:16

Nyimbi yi di phela ni mihani, gikhati Bheni-Hadhadhi ni vafumeli vaye nya magumararu na vavili va nga bani na va gu sela mawadwa ni gu leva mitshatshani gwawe.

1 Dzipfhumu 20:2

A di rumela myango dhoropani ga Akabi, mufumeli wa Israyeli,

1 Dzipfhumu 20:24

Khu guralo, uwe gira, kharati: Dusa vafumeli vatshavbo, u vega vathangeli nya nyimbi wulangani gwawe.

1 Dzipfhumu 22:31

Mufumeli wa Siriya a di leletela vathangeli vaye nya dzikareta, va nga bani vari magumararu na vavili, a va embela, khuye: “Mu nga dwani ni mumbe muthu, ambari nari khongolo mwendro nari dugwana, vbavbandze basi ga mufumeli wa Israyeli.

2 Dzipfhumu 6:8

Mufumeli wa Siriya a di soma nyimbi a dwanisa Israyeli; a di gira gikungo ni vathu vaye, khuye: “Lizumbo langu nyi na li vega wulanga nya gukari.”

2 Dzipfhumu 8:5

Geyazi a di mu embeledzela idzo a wusidego khidzo lidzaha li nga bani na li fude; mayi wa lidzaha lile, a di laledza a lomba ndranga yaye ni marembwe yaye; Geyazi a di ganela ga mufumeli, khuye: Mune wangu, khuye oyu nyamayi wakone, ni gyanana gyakone gambe khigyo egi, gi nga vbanyiswago khu Elizewu.

Ezira 7:12

“Aritasesi, mufumeli nya vafumeli, ga uwe Ezira muphasi nya mhamba ni mulovi a vbeledego nya Nayo wa Nungungulu wa ndzadzini.

Ekisodha 14:7

A di dzega livbandre na limwedo mazana (600) dzikareta nya guhathwe ni dzimbe dzikareta dzatshavbo nya nyimbi dza tigoni ga Egipito, gu di khilede dzindrena umo nya idzo.

Isaya 10:8

Kholu uye a di wudzisa, khuye: “Ina vafumeli vatshavbo khandri dzindruna dzangu, gani?

Isaya 37:24

Khu magana ya sithumi sago, u vade Pfhumu, khuwe: Khu gutala nya dzikareta dzangu nyi gwede dzitshokhani nya sigomo, ni dzibambe dza Libhanoni; nyi pilela ni misimbo yawe nya gulaphe nya misena, ni misimbo nya wumburi nya mikiperesi u yi hathedego, nyi na vboha kala dzitshokhani gwaye nya gigomo, ni khabini gwaye nya gunone.

Jeremiya 49:27

Nyi na khondrisa nilo, nyi vbisedzela libhiyo la Dhamasiko, uwo wu na dagaredzisago ni dzinyumba nya wufumu dza Bheni-Hadhadhi.

Ezekiyeli 26:7

Khu guralo, Mune Pfhumu Nungungulu, a ngu ganela kharati, khuye: “Gwago uwe Tiro, nyi na rumela gukhugela phuvbo ga Wuronga, mufumeli wa Bhabhiloni, Nabhukodhonosori, mufumeli nya vafumeli, nari ni dzikavalu ni dzikareta, ni vakhileli nya dzikavalu, gumogo ni masotshwa nya mangi.”

Dhaniyeli 2:37

Uwe pfhumu, mufumeli nya khongolo guvbindra vafumeli vatshavbo, Nungungulu wa ndzadzini a gu ningide mufumo, gufuma, tshivba ni wugulu.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Amosi 1:4

Khu guralo, nyi na rotha nilo ndrangani ga Hazayeli, wu na gu vbisago makhokhola ya Bheni-Hadhadhi

Dhewuteronome 20:1

Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe.

Dhewuteronome 28:52

Va na gu randrela madhoropani gwago gwatshavbo, kala ma thega mabhiyo yago nya gulaphe tigoni gwatshavbo ni makhokhola u na bani u gu ma tumba, a na gu randrela ga litigo latshavbo eli Pfhumu Nungungulu wago a nga gu ningago.

Valamuli 1:7

Khavbo avbo, Adhoni-Bhezeki a di ganela, khuye: “Livbandre na mavili magumi vafumeli va nga pidwago dzinyala nya vanyaghonwe va mandzani ni migondroni, va di gu roledzela dzitsheta dzi nga bani dzi thega khu vbamezatunu gwangu; iso nyi nga girago ga vambe, Nungungulu a nyi bweledzede esi nyi giridego.” Va di mu dzega va hongola naye Jerusalema, aya fela iyoyo.

Valamuli 4:3

Va na Israyeli, va di lila ga Pfhumu Nungungulu, kholu Jabhimi a diri ni livbandre na mana mazana (900) dzikareta nya dzisimbi, a di tshanisa khu dzitshikhwi va na Israyeli ndrani nya magumavili myaga.

1 Samuweli 13:5

Vafilisitiya va di tombanisa magumararu mazana (3.000) dzikareta ni livbandre na limwedo magumi mazana (6000) vakhileli ni vathu nya gidzemo nya nga mafu ya funguni, gasi vaya dwana ni Israyeli; va di khuga vaya zumba dhoropani ga Makimasi, Khugadambo wa Bheti-Avheni.