1 Dzipfhumu 2:5 - Bhibhiliya Nya Guage

⁵ Uwe gambe u ngu dziti gwadi idzo a nyi giredego Jowabhi, mwamana wa Zeruwa, niso a giridego ga vathangeli vavili nya nyimbi ya Israyeli, a gu Abhineri, mwamana wa Neri, ni Amasa, mwamana wa Jeteri, avo a nga va songago, a vbaladza novba nya nyimbi khu gikhati nya gurule, a dzi gira gukhwatshi womo vbanyimbitunu, khu novba wule, a di nyenyezisa khuwo giwunu gyaye ni masandrazi ya migondroni gwaye.

1 Dzipfhumu 2:5 Iomraidhean Croise

2 Samuweli 17:25

Abhisalamo a di emisa Amasa gu khala wulangani ga Jowabhi gu thangela nyimbi. Amasa a diri gyanana nya gikhwathana gya mwama moyo nya gupwani khu Itara nya Muismayeli a nga bani a dzegide Abhigali nyamahegyane wa Nahasi, ndruye wa Zeruwa, mayi wa Jowabhi.

2 Samuweli 18:12

Mwama wule a di mu hakha, khuye: “Ambari nari pwani u di vega mandzani gwangu likhumi mazana (1.000) singerengere nya parata, eni gima nya sa khusa mandza yangu nyi handzega vbatshani ga mwamana wa mufumeli, kholu ethu hi pwide gikhati mufumeli a nga leletelago uwe, Abhisayi ni Itayi, khuye: Vegedzani gwadi mwamana wangu Abhisalamo.”

2 Samuweli 18:14

Khavbo avbo, Jowabhi a di mu hakha, khuye: “Kha nyi vbweti gu luza gikhati khu mahungu yago avba.” Khu guralo, a di dzega matshari mararu aya paya khayo monyo wa Abhisalamo, na nga gu vbanya vbatshani nya nguhu.

2 Samuweli 18:5

Mufumeli a di leletela Jowabhi, Abhisayi ni Itayi, khuye: “Mu nga girini guvivba ga lidzaha Abhisalamo.” Vathu vatshavbo va pwide avbo mufumeli a nga ningago sileletelo ga vathangeli vaye vatshavbo khu mahungu ya Abhisalamo.

2 Samuweli 2:13

Jowabhi, mwamana wa Zeruwa, ni valandreli va Dhavhidhe, va di duga va va khinga vaya tshangana navo vbafuvbi ni lidhamo la Gibheyoni, ava kheno, vambe khisikheyi nya lidhamo la Gibheyoni.

2 Samuweli 2:18

Vbale gu diromo sanana siraru sa Zeruwa, a gu Abhisayi, Jowabhi ni Asayeli; Asayeli a diri ni migondro nya guvbevbuge kha nga yisya ya khabini.

2 Samuweli 20:10

Amasa kha nga khedza gwadi litshari li nga bani liri mandzani ga Jowabhi, uye a di mu paya khilo girumbu mahembe yaye ma vbalaga vbavbatshi. Kha nga engedza gu mu paya gambe nya wuvili, a di dzegela gufa. Khavbo avbo, Jowabhi ni ndriyaye Abhisayi, va di lundra Sebha, mwamana wa Bhikiri.

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

2 Samuweli 3:39

Gasi a gu bani ari eni, muhuno nyi vbede tshivba, ambari olu nyi wumbedwego gu khala mufumeli. Gasi vama vava nya sanana sa Zeruwa, va na ni tshivba nya gu nyi vbindre. Pfhumu Nungungulu a na ninge tshatshazelo gighohi khu tsayiso nya gighoho gyaye.”

1 Dzipfhumu 1:7

A di pwanana ni Jowabhi mwamana wa Zeruwa, gumogo ni muphasi nya mhamba Abhiyatari, va nga bani vari va tsawa waye.

1 Dzipfhumu 2:32

Khu kharalo, Pfhumu Nungungulu a na gira novba waye wu thega hungoni gwaye abune, kholu, songide vama vavili nya gululame guvbindra uye, a va songa khu litshari nyamba tidwa khu babe wangu Dhavhidhe, a gu Abhineri, mwamana wa Neri, muthangeli nya nyimbi ya Israyeli; ni Amasa, mwamana wa Jeteri, muthangeli nya nyimbi ya Judha.

Jeremiya 2:34

Mudzitshokani nya dzingandzu dzago gwa gu manega ni novba nya sisiwana esi si gu mwalo nandru, avo u ngamba va mana na va gu phanga. Ambari khu satshavbo soso,

Jeremiya 6:15

Ina va na dzipwa dzitshoni, khu gu bani va giride gihoso nyi gi nyenyago, gani? Ahihi! Avo va mwalo dzitshoni. Gambe kha va giti gilo gi va thelago dzitshoni; khu guralo, va na thega gumogo ni vambe, va mbembiswa muphelo litshigu nya gulamudwe. A ngu ganela Pfhumu Nungungulu.

Matewu 3:4

Guambala gwa Johane gu diri gwa mawoya nya ngameriya; libhandri a nga bani a gu hunga mugiwununi gwaye a diri lidowo; guhodza gwaye a diri dzimbera ni wulombe nya likhabi.

Dhewuteronome 27:24

Libango ga wule a songago muakelane waye gusihalani. Vathu vatshavbo va na hakha, khavo: “Amen!”