1 Dzipfhumu 2:4 - Bhibhiliya Nya Guage

⁴ Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

1 Dzipfhumu 2:4 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

2 Samuweli 7:25

Gasi olu Pfhumu Nungungulu, tadzisa gitumbiso u tumbisidego githumi gyago ni ga ndranga yaye, u gira kha nga idzo u ganedego khidzo.

1 Dzipfhumu 1:48

Mufumeli a di ganela gambe, khuye: A na bongwe Pfhumu Nungungulu wa Israyeli, a dzinidego gukhuye maho yangu muhuno nyi wone uye a tshinyidzago vbagikhalotunu gwangu nya wufumu.”

1 Dzipfhumu 11:36

Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

1 Dzipfhumu 3:14

Wa gu gimbila khu dzindzila dzangu, u sayisa sileletelo ni milayo yangu, kha nga babe wago Dhavhidhe, nyi na gu ninga guvbanya matshigu nya gulaphe.”

1 Dzipfhumu 3:3

Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

1 Dzipfhumu 6:12

“Mayelano khu nyumba yeyi u yi vbahago, wa gu landrisa sileletelo sangu, u gimbila khu milayo yangu ni gu sayisa sirumo sangu, u gimbila khiso, nyi na tadzisa gwago magana nyi tumbisidego babe wago Dhavhidhe.”

1 Dzipfhumu 8:23

a lombelela, khuye: “Pfhumu Nungungulu wa Israyeli, mwalo mumbe Nungungulu a fananago ni Uwe, vbatshani ndzadzini, ambari vbavbatshi mafuni, Uwe u vegedzago gidzumeledzwano nya wuhindzi ga sithumi sago, si tago mbeli gwago khu monyo wawe watshavbo.

1 Dzipfhumu 8:25

Gasi, olu, Pfhumu Nungungulu wa Israyeli, tadzisa iso u ganedego ga githumi gyago, babe wangu Dhavhidhe, u nga ganelago, khuwe: Gima kha gu na hamugega nyumbani gwago muthu nya livelego lago, a na gu fumelago va na Israyeli khu Lina langu, sanana sago sa gu dzi garadza khu gu landrisa dzindzila dzawe, va gimbila mbeli gwangu kha nga idzo uwe u nga gimbilago khidzo mbeli gwangu.

1 Dzipfhumu 9:5

khu guralo, nyi na tiyisa gikhalo nya wufumu wago, vbakari ga va na Israyeli kala gupindruga, kha nga nyi tumbisidego babe wago, kheni: Gima kha na hamugega muthu nya livelego lago, vbagikhalotunu nya wufumu wa na Israyeli.

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

2 Dzipfhumu 23:25

Vbakari ga vafumeli avo va nga hegulago khavo, mwalo a godzanego naye khu guvbindrugedza a wuya ga Pfhumu Nungungulu, khu monyo waye watshavbo, ni hefemulo waye watshavbo, ni tshivba yaye yatshavbo kha nga idzo wu lombago khidzo Nayo wa Mosi; khu hwane gwaye, mwalo a dugeledego nya gu gufanana naye.

2 Dzipfhumu 23:3

Mufumeli a di khuga a ema nyangwani, a wusedza gidzumeledzwano mbeli ga Pfhumu Nungungulu, gukhuye a na landrela Pfhumu Nungungulu a landrisa Milayo yaye, magana yaye ni sileletelo saye khu monyo waye watshavbo ni hefemulo waye watshavbo a tiyisa magana nya gidzumeledzwano gegi, ma nga bani ma lovidwe libhukuni mule; vathu vatshavbo va di hungega ga gidzumeledzwano gegi.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 17:3

Pfhumu Nungungulu a diri ni Josafati, kholu uye a di gimbila khu dzindzila nya guhegule dza babe waye Asa, kha nga vbweta vanungungulu nya Vabhahali.

2 Dzikoronika 6:16

Gasi olu, Uwe Pfhumu Nungungulu wa Israyeli, gira iso U si ganedego ga githumi gyago, babe wangu Dhavhidhe, U nga mu tumbisa gukhuwe: Gima ni litshigu limwedo kha gu na hamugega mbeli gwangu muthu a na khalago vbagikhalotunu nya wufumu wa na Israyeli, sanana sago sa gu sayisa dzindzila dzawe, va landrisa Milayo mbeli gwangu, kha nga idzo u gimbidego khidzo uwe.

2 Dzikoronika 7:18

Nyi na tiyisa gikhalo nya wufumu wago, kha nga gidzumeledzwano nyi giridego ni babe wago Dhavhidhe, Nyi nga, kheni: “Gima kha gu na hamugega muthu nya gudugele livelegoni gwago, gasi gu fumela Israyeli.”

Dzindzimo 119:9

Lidzaha li na dzi khodza karini gu agisa mavbanyelo yaye? Khu gu vegisa basi mahungu yago.

Dzindzimo 37:22

Avo va kategiswago khu Pfhumu Nungungulu, va na fumela litigo, avo va vadwago khuye va na mbemba.

Dzindzimo 37:9

Kholu va nya likhulo va na fuviswa, aholu oyu a tumbago Pfhumu Nungungulu a na fumela litigo.

Dzindzimo 39:1

Eni nyi di, kheni: Guvbanyani gwangu nyi na landra ndzila yangu, gasi nyi si ghohi khu lidimi langu; va nya guvivba va gu bani vari vbafuvbi gwangu, nyi na degula heni hwi.

Jeremiya 33:17

Kholu Pfhumu Nungungulu a ngu ganela kharati, khuye: “Gima kha gu na hamugega muthu a na gu khalago vbagikhalotunu nya wufumu wa Dhavhidhe nya gudugele nyumbani ga Israyeli,

Levhi 26:3

Mwa gu vegedzani milayo yangu, mu yingisa sileletelo sangu mu si landrisa,

Zakariya 14:2

Kholu nyi na tombanisa mayigo yatshavbo ma ta hengela gu dwanisa Jerusalema; lidhoropa li na wandrwa, dzinyumba dzi na pfhungumuledwa, vanyamayi va na pfinywa, gipandre nya vathu va dhoropani va na vbagedwa va yiswa wugumbini, aholu avo va na tshalago kha va na tutumiswa dhoropani.

Matewu 22:37

Jesu a di mu phindrula, khuye: “ ‘Haladza Pfhumu Nungungulu wago khu monyo wago watshavbo, khu hefemulo wago watshavbo ni mapimo yago yatshavbo.’

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Dhewuteronome 10:12

Olu uwe Israyeli, gasi ginani Pfhumu Nungungulu a gi vbwetago avbo gwago? Khandri a gu vbweta basi gukhuye u ninga githawo Pfhumu Nungungulu wago, u landrisa dzindzila dzaye dzatshavbo, u mu gola ni gu thumela Pfhumu Nungungulu wago, khu monyo wago watshavbo, ni hefemulo wago watshavbo,

Dhewuteronome 11:13

Khu kharato, mwa gu yingisa khu lisine milayo yangu muhuno nyi mi leletelago, nya guhaladzeni Pfhumu Nungungulu wanu, ni gu mu thumela khu monyo wanu watshavbo ni hefemulo wanu watshavbo,

Dhewuteronome 6:5

U na haladza Pfhumu Nungungulu wago, khu monyo wago watshavbo, ni hefemulo wago watshavbo, ni tshivba yago yatshavbo.

Dhewuteronome 7:12

Khu guralo, wa gu yingisa milayo yeyi, u yi vegedza ni gu yi landrisa, Pfhumu Nungungulu wago, a na sayisa gidzumeledzwano ni wuhindzi a tumbisidego khu gusambanya ga vababe vago.

Judha 1:24

Aholu, wule a gu na ni tshivba nya gu mi vhikele, gasi mu si dhedhereki; ni gu mi vbwelegedza a mi vbohisa na mu tsakide, na mu agide nyambana giwono mbeli nya wudhumo waye;