1 Dzipfhumu 2:37 - Bhibhiliya Nya Guage

³⁷ Kholu gani khu levbini litshigu u na gu khugago u gimbila u tshatuga gitsongwana gya Kedhroni, dziti nya gukhuwe khu lisine furi u nafa; ni novba wago wu na thegela hungoni gwago.

1 Dzipfhumu 2:37 Iomraidhean Croise

2 Samuweli 1:16

Khavbo avbo, Dhavhidhe a di mu embela, khuye: Novba wago, wu na thegele hungoni gwago, kholu likana lago li ngu gu fakazela, avbo u nga ganela, khuwe: “Kheni nyi nga songa uye a todzidwego wa Pfhumu Nungungulu.”

2 Samuweli 15:23

Litigo latshavbo li di womba dzihuwa li lila, ni vathu vatshavbo navo gumogo ni mufumeli; va tshatuga tsongo wa Kedhroni, va thonona khu ndzila ya giwulani.

1 Dzipfhumu 15:13

Ambari ni mayi waye Mahaka, a mu duside wulangani waye nya wupfhumugadzi, kholu a di giride gifananiso gya Asitaroti. Asa a di khungumula gifananiso gyaye nya gunyenyeze, aya gi vbisa bambe nya tsongo wa Kedhroni.

1 Dzipfhumu 2:31

Mufumeli a di embela Bhenaya, khuye: “Gira kha nga idzo a ganedego uye. Mu songe u mu dzinga, gasi novba wu vbaladzidwego nyambana nandru khu Jowabhi, wu ndreye mbeli gwangu ni ga nyumba ya babe wangu.

1 Dzipfhumu 2:33

Khu guralo, novba wawe wu na thegele hungoni ga Jowabhi, ni hungoni nya situgulwana nya livelego laye kala gupindruga. Aholu Pfhumu Nungungulu a na ninga gurula ga Dhavhidhe, ga livelego laye, ga ndranga yaye, ni ga mufumo waye kala gupindruga.”

1 Dzipfhumu 2:38

Simeyi a di embela mufumeli, khuye: Ayoyo mahungu nya yadi; kha nga idzo u ganedego khidzo mufumeli wangu, githumi gyago gi na gira kharato. Khu guralo, Simeyi, a di khala Jerusalema matshigu nya gutale.

2 Dzipfhumu 23:6

A di dusa gambe khu Nyumbani ga Pfhumu Nungungulu gifananiso nya simbo nya guvatwe, a gi yisa vbavbandze ga Jerusalema, kala gitsongwanani gya Kedhroni, aya gi vbisa bambe nya gitsongwana gya Kedhroni, nguma wakone a wu vbaladzela marowoni ya vathu va tigoni.

2 Dzikoronika 29:16

Vaphasi nya mhamba va di bela Nyumbani ga Pfhumu Nungungulu, gasi gu gu agisa, va dusa vbavbandze nya laba nya Nyumba ya Pfhumu Nungungulu, sombo satshavbo nya gunyenyeze va nga si manago Nyumbani ga Pfhumu Nungungulu; Valevhi va di si dzega va duga naso vbavbandze, vaya si dzudzuga gitsongwanani gya Kedhroni.

Jeremiya 31:40

Kova watshavbo wu dzudzugedwago sirumbi ni nguma, ni marembwe yatshavbo ni gitsongwana gya Kedhroni, kala matshanganoni nya Nyangwa nya Dzikavalu guya Khugadambo, gu na phasedwa Pfhumu Nungungulu. Gima kha wu na sasedwa mwendro gu khungumudwa kala gupindruga.

Ezekiyeli 18:13

A fiyarisa na gu lirela bhindzu ni guvelegisa. Muthu nya nga yoyo, a ngu yela guvbanya, gani? Ahihi, kha na vbanya! Khu kotani nya mithumo yatshavbo yoyo nya guvivbe, khu lisine a nafa, uye mune kamwe a na rwala nandru nya gufe gwaye.”

Levhi 20:9

Wule a valago babe mwendro mayi waye, a na songwa; kholu a hembulude babe ni mayi waye; novba waye wu na thegela vbatshani gwaye.

Johane 18:1

Na giride nombelo yoyu, Jesu a di duga ni vapizane a gu hongola khisikheyi nya gitsongwana gya Kedhroni, avbo li nga bani li romo lithembwe nya senge, umo a nga belago ni vapizane vaye.

Josuwa 2:19

Gani khu mani uye a na tulago lidimba a duga vbavbandze, uye novba waye wu na thegela hungoni gwaye; ethu hi na bani hiri mwalo nandru; aholu novba wa wule a na bani nari nago nyumbani momu wu na thegele mihungoni gwathu, a gu tshuka a songwa khu muthu.