1 Dzipfhumu 2:35 - Bhibhiliya Nya Guage

³⁵ Khu guralo, mufumeli a di vega Bhenaya, mwamana wa Joyadha, wulangani gwaye, kha nga muthangeli nya nyimbi; a gu vega Sadhoki, gu khala muphasi nya mhamba wulangani ga Abhiyatari.

1 Dzipfhumu 2:35 Iomraidhean Croise

1 Dzipfhumu 1:26

Aholu eni nyi gu githumi gyago, ni muphasi nya mhamba Sadhoki, ni Bhenaya mwamana wa Joyadha, ni githumi gyago Solomoni, kha hi rana.

1 Dzipfhumu 1:33

Mufumeli a di va embela, khuye: “Indrani mu ya dzega sithumi sa mune wanu mu ya naso gumogo, mu ya khiledza mwanangu Solomoni vbamulatunu gwangu, mu mu reledza Giyoni.

1 Dzipfhumu 1:38

Khavbo avbo, muphasi nya mhamba Sadhoki, muprofeti Natani, Bhenaya, mwamana wa Joyadha, Vakereti ni Vapeleti va di relela vaya khiledza Solomoni vbamulatunu ya mufumeli Dhavhidhe, vaya naye Giyoni.

1 Dzipfhumu 2:27

Khu guralo, Solomoni a di dusa Abhiyatari, thumoni nya wuphasi nya mhamba ya Pfhumu Nungungulu, gasi gu tadzisega kharati magana ya Pfhumu Nungungulu a ganedego khu mahungu nya ndranga ya Eli, tigoni ga Silo.

1 Dzipfhumu 4:4

Bhenaya, mwamana wa Joyadha, muthangeli nya nyimbi; Sadhoki ni Abhiyatari, va diri vaphasi nya mhamba;

1 Dzikoronika 15:11

Dhavhidhe a di rana vaphasi nya mhamba, a gu ava: Sadhoki ni Abhiyatari ni va na Levhi; Uriyeli, Asaya, Joyeli, Semaya, Eliyeli ni Aminadhabhi,

1 Dzikoronika 24:3

Dhavhidhe ni Sadhoki, situgulwana sa Eliyazari, ni Ayimeleki, gitugulwana gya Itamari, va di kavedzedwa mithumo mayelano ni fanelo nya mithumo yawe.

1 Dzikoronika 27:5

Mugimbidzisi nya nyimbi nya wuraru a nga emiswago guta thuma khu ngima nya wuraru a diri Bhenaya, mwamana wa muphasi nya mhamba Joyadha; uye nuye umo nya gikwata gyaye gu diri ni magumavili na mana magumi mazana (24.000) vama.

1 Dzikoronika 29:22

Va di hodza ni gu sela khu litshigu lile mbeli ga Pfhumu Nungungulu, khu gunengela nya gukhongolo ngudzu; khu gu landrela va di pharisa ndronga nya wufumu Solomoni, mwamana wa Dhavhidhe, gu khala muthangeli, va mu todza khu mafura mbeli ga Pfhumu Nungungulu, va todza gambe Sadhoki gu khala muphasi nya mhamba.

Ezira 7:2

mwamana wa Salumi, mwamana wa Sadhoki, mwamana wa Ayitubhi,

Joba 34:24

A gu fuvisa va nya dzitshivba nyamba wudzisa muthu, vbawulangatunu gwawe, a vega vambe.

Dzindzimo 109:8

A na vbanye matshigwana madugwana, dzithomba dzaye dzi na hodzwe khu nombo.

Ezekiyeli 40:46

Aholu likhuvi li guromo khu phuvbo ga Wuronga la gu lumba vaphasi nya mhamba va thumelago vbagiluvelotunu; a gu avo sanana sa Sadhoki, vbakari nya sanana sa Levhi, va yelago gu hidzimela vbafuvbi ga Pfhumu Nungungulu gasi gu mu thumela.

Ezekiyeli 43:19

Vaphasi nya mhamba va na Levi, nya linyumba la Sadhoki, khavo va dzi kodzago gu hidzimela avbo gwangu, gasi gu nyi thumela, a ngu ganela Mune Pfhumu Nungungulu. U na ningela gwawe gimombyana gasi gu gira phaso nya guhandze sighoho.

Mithumo 1:20

Kholu gu lovidwe libhukuni nya Dzindzimo gupwani: ‘Yi na khale giwula ndranga yaye ni muthu moyo a nga vbanyi avbo.’ Gu engedzwa gambe pwani: ‘Wulanga waye wu na tshikedzwa khu mumbe!’

1 Samuweli 2:35

Eni nyi na emisa muphasi nya mhamba a tumbegidego, a na girago satshavbo si na godwago khu monyo wangu ni hefemulo wangu; nyi na mu girela nyumba nya gutiye, uye a na vbanya gikhati gyatshavbo mbeli ga uye a todzidwego khu mafura yangu kala gupindruga.