1 Dzipfhumu 2:32 - Bhibhiliya Nya Guage

³² Khu kharalo, Pfhumu Nungungulu a na gira novba waye wu thega hungoni gwaye abune, kholu, songide vama vavili nya gululame guvbindra uye, a va songa khu litshari nyamba tidwa khu babe wangu Dhavhidhe, a gu Abhineri, mwamana wa Neri, muthangeli nya nyimbi ya Israyeli; ni Amasa, mwamana wa Jeteri, muthangeli nya nyimbi ya Judha.

1 Dzipfhumu 2:32 Iomraidhean Croise

Genesi 4:11

Khu guralo, u na vadwa khu mafu ma hamidego ma sela khu mandzani gwago novba wa ndriyago u mu songidego.

Genesi 42:22

Rubheni a di hakha vandriyaye, khuye: “Eni nyi di gu mi embelani gukheni: Mu nga gireleni guvivba gyanana! Aholu enu kha mwa nyi yingelani. Olu hi ngu livba nandru nya novba waye.”

Genesi 9:6

Oyu a vbaladzago novba nya muthu, novba waye nuwo wu na vbaladzwa khu muthu, kholu muthu wumbidwe khu mufananiso wa Nungungulu.

2 Samuweli 1:16

Khavbo avbo, Dhavhidhe a di mu embela, khuye: Novba wago, wu na thegele hungoni gwago, kholu likana lago li ngu gu fakazela, avbo u nga ganela, khuwe: “Kheni nyi nga songa uye a todzidwego wa Pfhumu Nungungulu.”

2 Samuweli 17:25

Abhisalamo a di emisa Amasa gu khala wulangani ga Jowabhi gu thangela nyimbi. Amasa a diri gyanana nya gikhwathana gya mwama moyo nya gupwani khu Itara nya Muismayeli a nga bani a dzegide Abhigali nyamahegyane wa Nahasi, ndruye wa Zeruwa, mayi wa Jowabhi.

2 Samuweli 3:29

Novba yoyu, wu na thegele hungoni ga Jowabhi ni valongo vaye! Gima gu nga tshuki gu hamugega muthu nyumbani ga Jowabhi nyamba dwala khu novba, nya sokono, gilima nya gugimbile khu dzindronga ambari gisiwana nya gulombe zomola.”

2 Samuweli 3:37

Khu litshigu lile, vathu vatshavbo ni va na Israyeli vatshavbo va di dziti gukhavo Abhineri, mwamana wa Neri, kha songwa khu guruma ga mufumeli.

2 Samuweli 3:39

Gasi a gu bani ari eni, muhuno nyi vbede tshivba, ambari olu nyi wumbedwego gu khala mufumeli. Gasi vama vava nya sanana sa Zeruwa, va na ni tshivba nya gu nyi vbindre. Pfhumu Nungungulu a na ninge tshatshazelo gighohi khu tsayiso nya gighoho gyaye.”

2 Samuweli 4:11

Nyi na gira kharini ga vathu nya guvivbedwe khu monyo, va songidego muthu nya gululame vbadawutunu gwaye; nyi na lomba novba waye mandzani gwanu nyi mi mbembisani, gani?”

1 Dzipfhumu 2:44

Mufumeli a di engedza gambe ga Simeyi, khuye: “Uwe u ngu guti gwadi khu monyoni gwago guvivba gwatshavbo u giredego babe wangu Dhavhidhe. Khu guralo, Pfhumu Nungungulu a na bweledzela hungoni gwago guvivba gwago.

1 Dzipfhumu 2:5

Uwe gambe u ngu dziti gwadi idzo a nyi giredego Jowabhi, mwamana wa Zeruwa, niso a giridego ga vathangeli vavili nya nyimbi ya Israyeli, a gu Abhineri, mwamana wa Neri, ni Amasa, mwamana wa Jeteri, avo a nga va songago, a vbaladza novba nya nyimbi khu gikhati nya gurule, a dzi gira gukhwatshi womo vbanyimbitunu, khu novba wule, a di nyenyezisa khuwo giwunu gyaye ni masandrazi ya migondroni gwaye.

1 Dzipfhumu 8:32

Uwe, mu yingise khu ndzadzini yoyo; thethisa, ni gulamula sithumi sago, u tsayisa uye a ghohidego, khu gu mu bweledzela guvivba gwaye gu thegela hungoni gwaye; U ditshedza oyu a lulamidego U yeyedza gululama ga oyu a giridego gululama.

2 Dzikoronika 21:13

aholu, u gimbila khu ndzila ya vafumeli va Israyeli, u kutsedzela vathu va na Judha ni vavbanyi va Jerusalema va bela wubhayini, gu fanana ni wubhayi wa nyumbani ga Akabi, ni gu gambe, u songide vandriyago u velegidwego navo, nari vathu nya vadi guvbindra uwe;

2 Dzikoronika 21:14

wona nya gukhuwe, Pfhumu Nungungulu, a na ninga tsayiso nya yikhongolo ga vathu, ga sanana sago, ga vagadzi vago ni ga satshavbo iso si gu lumbago.

Dzindzimo 7:16

Guvivba gwaye gu na thegela hungoni gwaye, a na pfarwa hungo khu wughevenga waye.

Dzindzimo 7:17

Nyi na bonga Pfhumu Nungungulu khu gululama gwaye, nyi na embelela nyi rungudza lina la Pfhumu Nungungulu a guromo vbatshani ngudzu.

Ezekiyeli 17:19

Khu guralo, Mune, Pfhumu Nungungulu a ngu ganela kharati, khuye: Nyi ngu sambanya khu guvbanya gwangu, kheni: Kha nga a yeyisidego ni gu pila gidzumeledzwano gyangu, esi nyi na mu bweledzela hungoni gwaye.

Mitengo 32:23

Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

Valamuli 9:24

Gasi ndrwadza yeyi yi nga girwa ga sanana sa Jerubhahali nya livbandre na mavili magumi, novba wawe wu phodzedwago khu gu thegela vbatshani ga Abhimeleki, ndriyawe, a nga va songago, ni ga vavbanyi va dhoropani ga Sikemi, va nga mu tiyisago mawogo, gasi a sasela vandriyaye.

Valamuli 9:57

Gumogo gambe ni gu bweledzela hungoni wuvivbi wa vathu va dhoropani ga Sikemi; ni guvivba a giredego Jothamo, mwamana wa Jerubhahali, gu di thegela hungoni gwawe.

1 Samuweli 15:28

Samuweli a di mu embela, khuye: “Muhuno Pfhumu Nungungulu pferude mufumo wago gasi gu a wu ningela ga mumbe nya wadi guvbindra uwe.