1 Dzipfhumu 2:3 - Bhibhiliya Nya Guage

³ Vegedza ni gu landrisa milayo ya Pfhumu Nungungulu wago; gimbila khu dzindzila dzaye ni gu vegedza sileletelo saye, ni milayo yaye, gululama gwaye ni wufakazi waye, kha nga si lovidwego umo nya Nayo wa Mosi, gasi u kodza gugengela ni gudugelela ga satshavbo u na si girago, ni evbini avbo u na hongolago.

1 Dzipfhumu 2:3 Iomraidhean Croise

2 Samuweli 8:14

A di vega sikwata nya masotshwa nya gu ghadhi tigoni ga Edhomi, vatshavbo va na Edhomi va di khala sithumi sa Dhavhidhe, ni Pfhumu Nungungulu a di ninga tshivba Dhavhidhe nya gupale gwatshavbo umo a nga bani na gu vbindra khumo.

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

1 Dzipfhumu 3:3

Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

2 Dzipfhumu 18:7

Pfhumu Nungungulu a diri gumogo naye; a mu gira a dundruga satshavbo a nga girago; uye a di wugela mufumeli wa Asiriya, a si mu thumeli.

1 Dzikoronika 29:19

Mwamana wangu Solomoni, mu ninge monyo wu vbeledego gasi a kodze gu sayisa milayo yago, magana ni sileletelo sago, a gira satshavbo gasi a kodza gu vbaha nyumba yeyi yago nyi yi dongisedego.

Dzindzimo 119:111

Milayo yago yi khade thomba yangu kala gupindruga, kholu yi ngu tsakisa monyo wangu.

Dzindzimo 119:138

U hi ningide sileletelo sago khu gululama, ni gutumbega nya gukhongolo.

Dzindzimo 119:2

Va kategide avo va girago guhaladza gwaye, avo va mu vbwetago khu monyo wawe watshavbo.

Dzindzimo 19:7

Nayo wa Pfhumu Nungungulu wu lulamide, wu ngu hefemudza monyo; wufakazi wa Pfhumu Nungungulu wu tiyide, gihevbudzo ga oyu nyambati gilo.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Levhi 8:35

“Khu guralo, mu na khalani livbandre na mavili matshigu nyangwani nya Tshatsha nya Tshangano, wutshigu ni mihani, mu landrisa kharato sileletelo sa Pfhumu Nungungulu, gasi mu sifi; kholu khidzo nyi nga leletedwago khidzo.”

Dhewuteronome 29:8

Khu guralo, vegisani magana yaya nya gidzumeledzwano gegi, mu ma landrisa, gasi mu kodza gu dugelela ga satshavbo mu na si thumago khu mandza yanu.

Dhewuteronome 29:9

Enu mwatshavbo, vathangeli vanu, mahundzu yanu, madhota yanu, dzindruna dzanu, vavbanyi vatshavbo va Israyeli, mu womo muhuno mbeli ga Pfhumu Nungungulu wanu,

Dhewuteronome 4:1

Gasi olu, uwe Israyeli, yingisa milayo ni sileletelo, esi nyi mi hevbudzago, gasi mu si landrisa, mu kodza guvbanya ni gu bela, gumogo ni gu dzega litigo eli Pfhumu Nungungulu wa vababe vanu, a mi ningago.

Dhewuteronome 4:45

Khuwo owu wufakazi, ni milayo, ni sileletelo esi Mosi a nga embela sanana sa Israyeli, gikhati va dugidego khu Egipito,

Dhewuteronome 4:5

Wonani nya gukhenu nyi hevbudzide milayo ni sileletelo kha nga edzi nyi rumidwego khidzo khu Pfhumu Nungungulu wangu, gasi mu girani kharato vbakari nya litigo mu na li dzegago li khala thomba yanu.

Dhewuteronome 4:8

Ni gu gambe, khu levbini litigo nya likhongolo li gu na ni milayo ni sileletelo nya gululame kha nga nayo yoyu watshavbo nyi mu ningago muhuno?

Dhewuteronome 5:1

Mosi a di ramba va na Israyeli vatshavbo a ta va embela, khuye: “Yingisa, uwe Israyeli, milayo ni sileletelo muhuno nyi ganelago dzindzeveni gwanu, gasi mu si hevbula, mu si vegedza ni gu si landrisa.

Josuwa 22:5

Gasi olu dzi woneleni mu zama gu landrisa khu gutumbega sileletelo ni milayo eyi Mosi githumi gya Nungungulu a mi leletedego, mu gola Pfhumu Nungungulu wanu, mu gimbila khu dzindzila dzaye, mu dzi ningela gwaye ni gu mu khozela khu monyo wanu watshavbo ni hefemulo wanu watshavbo.”

Josuwa 23:6

Gasi olu, dzi garadzeni ngudzu khu gu vegedza ni gu landrisa satshavbo esi si lovidwego umo nya Libhuku nya Nayo wa Mosi, gasi mu si hambani nawo, mu si ndreyi guya nyamudye mwendro nyambade;

1 Samuweli 18:14

Dhavhidhe a di dugelela ga satshavbo a nga bani na gu gira, kholu uye a diri ni Pfhumu Nungungulu.

1 Samuweli 18:30

Gikhati gyatshavbo vathangeli nya dzinyimbi dza Vafilisitiya va nga bani va duga vata dwanisa Israyeli, Dhavhidhe a di dugelela mulitungani guvbindra vathangeli vatshavbo va Sawule; khu guralo lina laye li di zundzega ngudzu.

1 Samuweli 18:5

Dhavhidhe a di gira satshavbo khu ndruda iso a nga bani na gu leletedwa khu Sawule; avbo Sawule a nga mu vega kha nga moyo nya vathangeli nya dzinyimbi dzaye. Uye a di nengedzisa vathu vatshavbo gumogo ni vathumegeli va Sawule.