1 Dzipfhumu 2:27 - Bhibhiliya Nya Guage

²⁷ Khu guralo, Solomoni a di dusa Abhiyatari, thumoni nya wuphasi nya mhamba ya Pfhumu Nungungulu, gasi gu tadzisega kharati magana ya Pfhumu Nungungulu a ganedego khu mahungu nya ndranga ya Eli, tigoni ga Silo.

1 Dzipfhumu 2:27 Iomraidhean Croise

1 Dzipfhumu 2:35

Khu guralo, mufumeli a di vega Bhenaya, mwamana wa Joyadha, wulangani gwaye, kha nga muthangeli nya nyimbi; a gu vega Sadhoki, gu khala muphasi nya mhamba wulangani ga Abhiyatari.

1 Dzipfhumu 4:4

Bhenaya, mwamana wa Joyadha, muthangeli nya nyimbi; Sadhoki ni Abhiyatari, va diri vaphasi nya mhamba;

Dzindzimo 78:60

Kala a diga ni Tshatsha waye nya miphaso tigoni ga Silo, nyumba a nga bani a gu vbanyela umo vbakari nya vathu.

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Johane 12:38

gasi gu tadzisega magana ya muprofeti Isaya, nya gukhayo: “Pfhumu, khu mani a khodwago khu magana yathu? Tshivba yaye Pfhumu a yi wonegiside ga mani?”

Johane 19:24

Va di pwanana khu gyawe, khavo: “Hi nga yi pferuli, aholu, hongoleni hi gire nyatumbatumbane, gasi gu wona yi na khala ya mani.” Yi tadzisega kharati Milowo, yi nga, khiyo: “Va kabanede guambala gwangu, va gira nyatumbatumbane khu ngandzu yangu.” Khidzo kharato ma nga gira masotshwa.

Johane 19:28

Na wonide nya gukhuye satshavbo si vbede, ni guvbweta gukhuye yi tadzisege Milowo, Jesu a di khuye: “Nyi ngupwa lidora.”

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.

1 Samuweli 22:20

Aholu ga sanana sa Ayimeleki, mwamana wa Ayitubhi, a di vbuluga moyo basi a nga thavago ni Dhavhidhe, a ranwago khu lina la Abhiyatari;