1 Dzipfhumu 2:2 - Bhibhiliya Nya Guage

² Eni nyi ngu hongola khu ndzila va belago khiyo vathu vatshavbo. Khu guralo, tiya longo u khala mwama.

1 Dzipfhumu 2:2 Iomraidhean Croise

2 Samuweli 10:12

Tiya longo hi dwanela vathu ni madhoropa ya Nungungulu wathu; Pfhumu Nungungulu, a na gire iso a si wonago nari sadi mbeli gwaye.

2 Samuweli 12:23

Gasi olu gi fudego nyi na halela gambe ginani? Ina nyi na kodza gu gi wusa gambe gi vbanya, gani? Eni kheni nyi na gi landrelago; igyo gima kha gi na wuya gambe avbo gwangu.”

1 Dzipfhumu 3:7

Gasi olu, uwe Pfhumu Nungungulu wangu, khuwe u giridego githumi gyago gi fuma wulangani ga babe wangu Dhavhidhe; aholu, eni nyi ngari gyanana gidugwana nyambana wugengeli, kha nyi dziti gukheni nyi na bela ni gu duga kharini.

1 Dzikoronika 22:13

Khavbo avbo, u na andra, wa gu landrisa ni gu sayisa milayo ni sileletelo, esi Pfhumu Nungungulu a si leletedego ga Mosi khu kotani ya Israyeli; tiya longo u nga tedwi khu hwanga u khala rerema.

1 Dzikoronika 22:16

Ndralama, parata, sugu ni simbi nyamba sayedwa tengo somo mandzani gwago, phara thumo, Pfhumu Nungungulu a na khale ni uwe!

1 Dzikoronika 28:10

Olu, wona, kholu Pfhumu Nungungulu, a gu hathide gasi u mu vbahela nyumba ni Wulanga nya guage; olu tiya longo, u dzi ningela u phela thumo.

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

Joba 16:22

Kholu hwane nya gu bani yi vbindride, myaga yidugwana, nyi naya khu ndzila nyi na gumba wuya gambe khiyo.”

Joba 30:23

Nyi ngu dziti gukheni U ngu nyi yisa lufutunu. Wulanga wu dongisedwego vathu vatshavbo va vbanyago.

Dzindzimo 89:48

Ina khu mani a na gu vbanyago, nyamba fa? Mwalo muthu a dzi kodzago guya tshula hefemulo waye tshivbani nya gufe.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

1 Vakorinto 16:13

Khendzugani mu tiya gukhodwani, mu gira nga vama, mu dzi ninga tshivba.

Vaefeso 6:10

Khu guhegisa nyi ngu mi lomba gukheni tiyani linani ga Pfhumu, mu tumba tshivba yaye nya yikhongolo.

Dhewuteronome 31:23

Khavbo avbo, Pfhumu Nungungulu a di leletela Josuwa, mwamana wa Nuni, a mu embela, khuye: Tiya longo u si vbeli tshivba; kholu khuwe u na vbohisago sanana sa Israyeli ga litigo nyi sambanyidego gu va ninga; gasi eni nyi na bani nyiri nago.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

2 Thimoti 2:1

Uwe, mwanangu, tiya gukhodwani ni wuhigo wutago khu ga Kristo Jesu.

Vahebheru 9:27

Muthu ni muthu emede gufa gumogo basi, khu hwane nya ugo, a lamudwa khu Nungungulu.

Josuwa 23:14

Olu, wonani nya gukhenu, muhuno mu ngu landra ndzila ya vatshavbo va tigoni momu; gasi enu mu ngu dziti khu monyo wanu watshavbo ni hefemulo wanu watshavbo gukhenu gi mwalo ni gimwegyo gitumbiso gi thegidego ga magana yatshavbo nya yadi aya Pfhumu Nungungulu wanu a ganedego khu kotani gwanu ma ngamba girega; aholu yatshavbo ma tadzisegide, gu mwalo ni limwedo basi li tandregidego.