1 Dzipfhumu 2:15 - Bhibhiliya Nya Guage

¹⁵ Uye a di ganela, khuye: “Uwe u ngu dziti gwadi gukhuwe wufumu a diri wangu. Va na Israyeli vatshavbo va di gu khevisela eni, gukhavo kheni nyi na gu fumago. Ambari olu wufumu wu nga ndreyago wu ya ga ndriyangu, wu khade waye kholu Pfhumu Nungungulu dzinide gu mu ninga.

1 Dzipfhumu 2:15 Iomraidhean Croise

2 Samuweli 12:24

Dhavhidhe a di tangadzisa mwangadzi waye Bheti-Sebha, a diya gwaye aya lala naye, a velega gyanana, va nga gi riyago lina la Solomoni; Pfhumu Nungungulu a di mu gola ngudzu.

2 Samuweli 15:13

Khu guralo, gu dita muthu ga Dhavhidhe ata mu embela mahungu yoyo, khuye: “Vatshavbo va na Israyeli va dzi emisede gu landrela Abhisalamo.”

2 Samuweli 15:6

Abhisalamo a di gira kharati ga vatshavbo va na Israyeli va nga bani va guta vata vbweta mufumeli gasi gu lamudwa khuye, khu kharati Abhisalamo a di ndrindra myonyo nya vathu nya vangi va na Israyeli.

2 Samuweli 16:18

Husayi a di hakha Abhisalamo, khuye: “Ahihi, eni nya gu vbweta gu ninga githawo ga wule a hathidwego khu Pfhumu Nungungulu ni vathu, ni Israyeli watshavbo nyi khala naye;

2 Samuweli 3:3

nya wuvili khu Kileyabhi, a nga velegwa khu Abhigayili ngadza mufi Nabhali, Mukarimeli; nya wuraru khu Abhisalamo, mwamana wa Mahaka, nyamahegyane wa Talimayi, mufumeli wa Gesuri;

2 Samuweli 3:4

nya wu na khu Adhoniya, mwamana wa Hagiti; nya livbandre khu Sefatiya, nya guvelegwe khu Abhitali;

2 Samuweli 7:12

Matshigu nya guvbanye gwago ma gu vbela, uya lala ni vavelegi vago, Eni nyi na emisa hwane gwago, mwanago oyu a na dugago khu mahembeni gwago, nyi na tiyisa mufumo waye.

1 Dzipfhumu 1:25

Kholu uye muhuno relede aya ningela miphaso a paya dzimombe ni simombyana nya gunone, ni dzinvuta nya gutale. Rambide satshavbo sanana sa mufumeli, ni vathangeli nya masotshwa, ni muphasi nya mhamba Abhiyatari, olu va gu hodza, va sela gumogo naye na va gu ganela, khavo: A na vbanye mufumeli Adhoniya!

1 Dzipfhumu 1:38

Khavbo avbo, muphasi nya mhamba Sadhoki, muprofeti Natani, Bhenaya, mwamana wa Joyadha, Vakereti ni Vapeleti va di relela vaya khiledza Solomoni vbamulatunu ya mufumeli Dhavhidhe, vaya naye Giyoni.

1 Dzipfhumu 1:39

Muphasi nya mhamba, Sadhoki, a di bela tshatshani aya dzega kheho nya mafura a todza Solomoni. Khu hwane va di womba pundru, vathu vatshavbo va di ganela, khavo: “A na vbanye mufumeli Solomoni.”

1 Dzipfhumu 1:5

Khavbo avbo, Adhoniya, mwamana wa Hagiti, a di khuga na tade khu matshandza a ganela, khuye: “Eni kheni nyi na fumago.” A di dongisela dzikareta ni vakhileli nya dzikavalu, ni livbandre magumi vama, gasi avo va tutuma mbeli gwaye.

1 Dzipfhumu 2:14

A di engedza, khuye: “Gyomo nyi vbwetago gu gu embela.” Bhate-Sebha a di hakha, khuye: “Ganela.”

1 Dzipfhumu 2:16

Olu nyi na ni gilombo, aholu nya gu lomba kheni nyi si bombedwi.” Bhate-Sebha a di khuye: “Ganela!”

1 Dzipfhumu 2:22

Mufumeli Solomoni a di hakha mayi waye, khuye: “Khu ginani u lombago basi Abhisagi nya Musumani gu khala ngadza Adhoniya? Lomba gambe ni mufumo wu khale waye, kholu khuye koma wangu, lombela gambe ni muphasi nya mhamba Abhiyatari ni Jowabhi, mwamana wa Zeruya.”

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Dhaniyeli 2:22

Uye a ngu tugudzisa silo nya guete niso si sihadego; khuye atigo iso si guromo gidemani guwonegela gwa gu khala avbo gwaye.