1 Dzipfhumu 19:4 - Bhibhiliya Nya Guage

⁴ A di gimbila gipimo nya litshigu rumba giwulani, aya khala mutsani nya simbo a lomba gufa. Khavbo avbo, a di lomba kharati, khuye: “Olu basi, Pfhumu Nungungulu! Dusa womi wangu, kholu kha nyi sizi gilo guvbindra vavelegi vangu.”

1 Dzipfhumu 19:4 Iomraidhean Croise

1 Dzipfhumu 13:14

A di landra muthu wa Nungungulu, aya mu mana na khade vbavbatshi nya nguhu, a mu embela, khuye: “Khuwe muthu wa Nungungulu u dzudego khu tigoni ga Judha, gani?” Uye a di hakha, khuye: “Kheni.”

1 Dzipfhumu 19:3

Eliya a di tedwa khu hwanga, a duga khu vbale gasi gu vbulugisa womi waye. A vboha Bherisebha wa Judha, aya tshiya iyoyo githumi gyaye.

1 Dzipfhumu 19:5

Eliya a di lala vbavbatshi nya simbo, a gu wongomedwa khu ligovbe. Khu githugedza ngilozi ya Nungungulu yi di mu kuha yi mu embela, khiyo: Wuga u hodza.

2 Dzipfhumu 2:11

Gikhati va nga bani va longoloka gumogo ni gu bhula, gu di wonega kareta nya nilo ni dzikavalu nya nilo, dzi ta va hambanisa va vavili, Eliya a di khusedzedwa ndzadzini khumo nya gipupwane.

Joba 6:8

Nari pwani Nungungulu a ngu yingisa nombelo wangu, a nyi girela iso nyi si lirelago!

Joba 6:9

Nari pwani Nungungulu si ngu mu nengedzisa a nyi pfara, a thawuludza mandza yaye a nyi vbedzisa!

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Amosi 6:2

Vbindrani khu dhoropani ga Kaline, mu li wona; khu vbale indrani kala Hamati nya gukhongolo; mu relela kala Gati, nya Vafilisitiya. Ina madhoropa yaya ma mburide guvbindra mifumo yanu, gani? Mwendro litigo lawe likhongolo guvbindra lanu, gani?

Jona 4:3

Khu guralo, uwe Pfhumu Nungungulu, nyi ngu gu lomba u nyi songe, kholu i tshukwana gufa guvbindra guvbanya.”

Jona 4:8

Avbo li nga duga lidambo, Nungungulu a di rumela phuvbo nya guvbise nya gute khu Khugadambo, lidambo li di vbisa hungo wa Jona, uye a di titivala, a lomba gufa, khuye: “Avbo gwangu i tshukwana gufa guvbindra guvbanya.”

Nahume 3:8

Ina uwe u ngu vbindra No-Amomi, oyu a vbahidwego vbakari nya tsongo wa Nilo, a randredwego khu mati? A bhiyidwego khu linene, mati ma khala laba laye, gani?

Mitengo 11:15

A gu bani nari kharato, nyi ngu gu lomba u nyi songe, gasi nya gu bani na nyi manide wuhigo mahoni gwago, nyi nga woni tshanisa yeyi.”

Matewu 6:26

Nga wonani sinyoni sa damboni. Kha si yali, kha si vbweri, gambe kha si hengeledzeli gilo sisangalani. Aholu, Babe wanu a guromo Ndzadzini a ngu si hodzisa. Ina enu kha mu vbindri sinyoni, gani?

Johane 4:6

Avbo wu nga bani wu romo nambo wa Jakobe. Na garade khu ndzila, Jesu a di khala bambe nya nambo. Gu diri mihani gikhati nya midiya.

Varoma 3:9

Hi na khethu ginani olu? Ina ethu hi vathu nya wutshukwana guvbindra vambe, gani? Ahihi. Kha nga nyi ngari gu mi yeyedzago, Vajudha gumogo ni avo va si gu Vajudha, vatshavbo va fumedwe khu gighoho.