1 Dzipfhumu 19:16 - Bhibhiliya Nya Guage

¹⁶ Todza gambe Jewu, mwamana wa Nisi, a khala mufumeli wa Israyeli, ni Elizewu mwamana wa Safati, wa Abheli-Meyola, a khala muprofeti wulangani gwago.

1 Dzipfhumu 19:16 Iomraidhean Croise

2 Samuweli 21:8

Aholu mufumeli a di dzega Arinoni ni Mefibhoseti, sanana sa sivili sa Risipa, nyamahegyane wa Aya, a nga bani a velegide ni Sawule, gumogo ni livbandre sanana sa ndruye wa Mikali, nyamahegyane wa Sawule, a nga velegago ni Adhiriyeli, mwamana wa Bharizilayi, wa Meyola.

1 Dzipfhumu 1:34

Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

1 Dzipfhumu 4:12

Bhahana, mwamana wa Aliyudhi, ndruna nya gipandre gya Tahanaki, Migidhu ni litigo latshavbo la Bheti-Seyani li guromo vbafuvbi ni lidhoropa la Saritani, khogani ga Jezireyeli, gukhugela Bheti-Seyani kala Abheli-Meyola, khu tshatugo wa Jokimiyani;

2 Dzipfhumu 2:1

Avbo Pfhumu Nungungulu a nga vbweta gu dzega Eliya a mu yisa ndzadzini khu gipupwane, Eliya a di khuga khu Ghiligali nari ni Elizewu.

2 Dzipfhumu 2:15

Vapizane va vaprofeti va nga bani va khade thonono ni Jeriko, na va mu wone, va di khavo: “Liphuvbo la Eliya li mbakide vbatshani ga Elizewu.” Va di mu khinga va ya mu khidzimela va thega khu dzikhovbe mbeli gwaye.

2 Dzipfhumu 2:9

Hwane nya gu bani va tshatugide, Eliya a di embela Elizewu, khuye: “Nyi lombe igyo u gi vbwetago, gasi nyi gu girela olu na nyi si gu duswi avbo gwago.” Elizewu a di mu embela, khuye: “Nya gu vbweta gukheni nyi mana giningwa nya liphuvbo lago gi wuyedzedwago khu guvili.”

Luka 4:27

Va diromo gambe va nya sokono tigoni ga Israyeli matshiguni ya muprofeti Elizewu. Aholu mwalo a nga hawulugiswago vbavbandze ga Nahamani wa Siriya.” 2 Dzipf 5:1-14.

Valamuli 7:22

Avbo vatshavbo va na Israyeli nya mazana mararu va nga womba mipundru, Pfhumu Nungungulu a di hambanisa mapimo Vamedhiyani, va phela gu payana khu gyawe ndrani nya lizumbo lawe latshavbo; masotshwa ma di tutuma ma thavela Zerera, kala Bheti-Sita, va vboha kala mivbinganoni ya Abheli-Meyola, vbafuvbi ni Tabhati.

1 Samuweli 18:19

Aholu avbo gi nga vboha gikhati Merabhi nyamahegyane wa Sawule, a nga vbweta gu ningedwa Dhavhidhe, Merabhi a di ningedwa a khala ngadza Adhiriyeli, Mumeyoli.