1 Dzipfhumu 19:14 - Bhibhiliya Nya Guage

¹⁴ Uye a di hakha, khuye: “Eni nya gu vbisega khu ligolo ga Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumulede siluvelo sago, gambe si songetede vaprofeti vago, kheni basi nyi vbulugidego; aholu eni neni si ngu nyi piga, si vbweta gu nyi songa.

1 Dzipfhumu 19:14 Iomraidhean Croise

1 Dzipfhumu 18:22

Khavbo avbo, Eliya a di engedza gu embela vathu, khuye: “Wonani, kheni nyenga nyi tshadego muprofeti wa Pfhumu Nungungulu, gasi vaprofeti Vabhahali mazana mana ni livbandre magumi vama.

1 Dzipfhumu 18:30

Khavbo avbo, Eliya a di embela vathu vatshavbo, khuye: “Hidzimelani eno gwangu.” Vathu vatshavbo va di hidzimela gwaye. Uye a di vbahedza giluvelo gya Pfhumu Nungungulu gi nga bani gi khungumugide.

Dzindzimo 78:37

Kholu myonyo yawe yi di si namareli gwaye, ambari gutumbega ga gidzumeledzwano gyaye.

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Isaya 62:1

Khu kotani nya lihaladzo nyi gu nalo ni Siyoni, kha nyi na degula, khu lihaladzo langu ga Jerusalema, gima kha nyi na hefemula, kala gululama gwago gu duga kha nga wuronga, guvbanyisa gwago, kha nga mwenge wu khondrago.

Jeremiya 22:9

Khavbo avbo, va na ningwa phindrulo, pwani: “Kholu va nga diga gidzumeledzwano va hungidego ni Pfhumu Nungungulu wawe, va ya khozela vambe vanungungulu ni gu va thumela.”

Dhaniyeli 11:30

Kholu vathu nya gute khu Kitimi, va nata khu dzingalava vata dwana naye, va mu vbedza tshivba, a thava. Aholu nari ndzilani, a na bwelo khavbo a wugela gidzumeledzwano nya gukatege, a gira iso si godwago khu monyo waye, a bwelo khavbo a pwanana ni vale va digidego gidzumeledzwano nya guage.

Dhaniyeli 3:18

Ambari a gumba hi vbulugisa, dziti gwadi uwe mufumeli, gukhuwe ethu gima kha hi na nga khozela vanungungulu vago, ambari gu khozela gifananiso nya ndralama u gi emisidego.”

Hoseya 6:7

Avo va pide gidzumeledzwano kha nga Adhamu, va si tumbegi avbo gwangu.

Varoma 11:3

Khuye: “Pfhumu, va songide vaprofeti vago, va pfhungumude siluvelo sago. Nyi tshade eni nyenga, gambe va ngu vbweta gu nyi songa.”

Dhewuteronome 29:25

va hongola va ya thumela vambe vanungungulu ni gu va khozela; vanungungulu va ngamba vati, avo va ngamba ningwa gu khala thomba yawe.

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Vahebheru 8:9

Egi kha gi fanani ni gidzumeledzwano nyi nga hungago ni vababe vawe, litshigu nyi nga va phara khu mandza nyi va dusa tigoni ga Egipito. Avo kha va tumbega ga gidzumeledzwano nyi nga girago navo. Khu guralo, eni nyi di va nyenya, a ngu ganela Pfhumu.