1 Dzipfhumu 19:12 - Bhibhiliya Nya Guage

¹² Khu hwane nya girevareva nya mafu, gu dita nilo, aholu Pfhumu Nungungulu a diri mwalo ndrani nya nilo. Khu hwane nya nilo, gu di pwala gufurugedza nya gupepe gwadi ni gurula.

1 Dzipfhumu 19:12 Iomraidhean Croise

Genesi 15:17

Na li pfode lidambo, gu manega gidema nya gikhongolo, wu di wonega wutshi ni nilo na wu gu vbindra khu vbakari ni vbakari nya sirengo sile si nga piledwago.

1 Dzipfhumu 18:38

Khavbo avbo, khu githugedza wu di thega nilo wa Pfhumu Nungungulu wu ta vbisa nyama yatshavbo wu tsagamisa phaso, dzikhuni, siwindri, bwelo khavbo wu minya ni mati ya umo nya sele.

2 Dzipfhumu 1:10

Eliya a di va hakha, khuye: “Nya gu bani nyiri muthu wa Nungungulu, wu na tshige nilo khu ndzadzini, wu ta gu mbembisa gumogo ni vathu vago nya livbandre magumi.” Khu guralo, wu di tshiga nilo khu ndzadzini wu ta mbembisa muthangeli ni vathu vaye nya livbandre magumi.

2 Dzipfhumu 2:11

Gikhati va nga bani va longoloka gumogo ni gu bhula, gu di wonega kareta nya nilo ni dzikavalu nya nilo, dzi ta va hambanisa va vavili, Eliya a di khusedzedwa ndzadzini khumo nya gipupwane.

Joba 33:7

Khu kharato, u nga nyi thavi u ndrendremela, kha nyi na gu lemedza khu gilo.

Joba 4:16

Li di emide mbeli gwangu, aholu kha nya pima gifananiso gyaye; githusa gi di ema mbeli gwangu higyo hwe; hugo kape, nyipwa lito nya gukari, khilo:

Ekisodha 3:2

Avbovbo, Ngilozi ya Pfhumu Nungungulu yi di dzi wonegisa gwaye vbakari nya malavbelavbe nya nilo mugipopwanani. Mosi a di ema a khedzisela gipopo gi nga bani gi khondra, aholu gi di si tsagami.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Mithumo 2:2

Khu githugedza, gu di gira ligwaha na li gu tshiga khu Ndzadzini, gu di pwala gufurugedza liphuvbo nya tshivba li gu tadza nyumba va nga bani vari umo.

Dhewuteronome 4:15

Dzi woneleni gwadi enu va mune, kholu gimwalo ni gimwegyo gifananiso mu gi wonidego litshigu lile Pfhumu Nungungulu wanu a ganedego nanu gigomoni ga Horebhi, nari vbakari nya nilo;

Dhewuteronome 4:33

Mwendro ga litigo nya gukari gu di nga pwala na gu ganela lito la mumbe nungungulu vbakari nya nilo, kha nga edzi uwe u li pwidego, u wuya u vbanya;

Vahebheru 12:29

Kholu, khu lisine, Nungungulu wathu, nilo nya gupfhungumule.