1 Dzipfhumu 19:11 - Bhibhiliya Nya Guage

¹¹ Pfhumu Nungungulu a di mu embela, khuye: “Duga vbavbandze, u simama gu khala gigomoni momu, mbeli ga Pfhumu Nungungulu, kholu Pfhumu Nungungulu a na vbindra.” Khavbo avbo, gu di vbindra phuvbo nya yikhongolo yi nga nwegisa sigomo ni gu khungumulela siwindri khu sipandre, aholu Pfhumu Nungungulu a diri mwalo ndrani nya phuvbo. Gikhati phuvbo yi nga emago gu furugedza, gi dita girevareva nya mafu, aholu Pfhumu Nungungulu a diri mwalo umo nya girevareva nya mafu.

1 Dzipfhumu 19:11 Iomraidhean Croise

Joba 38:1

Khavbo avbo, Pfhumu Nungungulu a di phindrula Joba, nari khu ndrani nya gipupwane, khuye:

Dzindzimo 50:3

Nungungulu wathu a nguta, kha nata degula; mbeli gwaye wu ngu dzura nilo nya guvbise; randredwe khu phuvbo nya gingulu.

Dzindzimo 68:8

litigo li di kutsungwa; ndzadzini gu di tulega guwa ndzadzi mbeli gwago, Gigomo gya Sinayi gi di ndrendremela mbeli gwago, uwe Nungungulu wa Israyeli.

Dzindzimo 68:9

Uwe Nungungulu, u wiside ndzadzi nya yingi; u wusedza litigo lago li nga bani li vbede tshivba.

Ekisodha 19:16

Khu litshigu nya wuraru, ni mambagugya, gu di dzuma mabara ni gulasa, vbatshani nya gigomo gu fenengedzwa khu lipfhi nya gusivbale, ni gudzuma nya gukhongolo nya pundru. Vathu vatshavbo va nga bani va romo lizumboni va di ndrendremela.

Ekisodha 19:20

Pfhumu Nungungulu a di tshiga vbatshani nya gigomo gya Sinayi, Pfhumu Nungungulu a di rana khu tshokatunu nya gigomo, Mosi a di lita.

Ekisodha 20:18

Va na Israyeli vatshavbo va dipwa gupandra nya mabara, ni gudzuma nya pundru, va wona gulasa ni gu tuviga nya wutshi. Avbo vathu va nga wonago esi, va di ndrendremela ngudzu va emela hwindzo.

Ekisodha 24:12

Pfhumu Nungungulu a di embela Mosi, khuye: “Lita u ta eno gwangu tshokatunu nya gigomo; u na khala iyo gasi nyi gu ninga sivatu nya siwindri nyi lovidego avbo milayo ni sirumo u fanedego gu va hevbudza.”

Ekisodha 24:18

Mosi a di bela vbakari nya lipfhi a gu lita vbatshani nya gigomo. Mosi a di ya khala gigomoni gipimo nya magumana matshigu, wutshigu ni mihani.

Ekisodha 34:2

Dzi dongisele gasi mindru vbadzimindrutunu, u gwela gigomotunu gya Sinayi. U na ta ema mbeli gwangu tshokatunu nya gigomo.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Isaya 30:30

Pfhumu Nungungulu a na pwadza lito laye nya wudhumo, ni gu wonegisa tshivba nya libogo laye. A na li reledza na tade khu giviti ni likhulo, ni nilo nya gumbembise, gulasa ni ndzadzi nya talo, ni phuvbo nya gingulu, ni siwindri nya maralala.

Ezekiyeli 1:4

Nyi di khedza nyi wona gingulu gi nga bani gi guta khu Wuronga; lipfhi nya likhongolo, na liri ni nilo nya wukhongolo wu nga bani wu wenengedza malangani gwatshavbo, gu duga khu vbakari gwaye, gilo nya dzisimbi nya gukhedzige gi nga bani gi duga khu vbakari nya nilo.

Ezekiyeli 37:7

Khavbo avbo, eni nyi di profeta kha nga idzo nyi nga rumwa khidzo. Avbo nyi nga bani nyi profeta, gu di pwala gudzuma, ligwaha nya marambo ma nga bani ma gu vetana, ma di gu patana, lirambo ni lirambo ga lirambo likwawe.

Nahume 1:3

Pfhumu Nungungulu a ngu hwela gu goroga, gambe khongolo khu Tshivba; kha na diga gu tsayisa gighohi. Ndzila yaye yomo omu nya gingulu numo nya gipupwane; mapfhi i kudzudzwane nya migondro yaye.

Zakariya 14:5

Enu mu na tutuma mu thava khu releloni vbakari nya sigomo sangu, kholu kova wu na relela kala Azeli, mu na thavani kharati kha nga idzo mu tutumidego khidzo gikhati nya girevareva gi manegidego matshiguni ya Uziya, mufumeli wa Judha; khavbo avbo, a na vboha Pfhumu Nungungulu wangu na randredwe khu sihathwa satshavbo.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Matewu 24:7

Mayigo ma na wugelana; ni mifumo yakone yi na wugelana niyo; dzi na manega dzindzala, mitungu ni sirevareva malangani nya gutale.

Matewu 28:2

Avbovbo, khu githugedza, gu di manega girevareva, kholu ngilozi ya Pfhumu, yi di tshiga khu Ndzadzini yita liginya giwindri, yi khala khu vbatshani gakone.

Vahebheru 12:26

Wule khu Lito laye a nga kutsungago mafu, olu tumbiside, gukhuye: “Eni nyi na engedza gambe gu kutsunga, nasiri mafuni basi, aholu, ni ndzadzini gambe.”

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.

Gutuledwa 16:18

Khavbo avbo, gu di lasa, gu pwala dzihuwa, gu dzuma mabara, gu handzamedza girevareva nya gu gima na gima gi di si gu wonwi khu muthu; a diri girevareva nya gikhongolo ngudzu.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.

1 Samuweli 14:15

Gu di manega hwanga nya wukhongolo lizumboni, wulangani nya litunga ni vbakari nya vathu vatshavbo; vbakari nya masotshwa ni vaphangi vatshavbo va di ndrendremela ngudzu gu bwelo khavbo gu tsekatseka ni mafu; satshavbo si di manega nari hwanga wutago khu ga Nungungulu.