1 Dzipfhumu 18:6 - Bhibhiliya Nya Guage

⁶ Khu guralo, va di kabanelana litigo khu sipandre gasi va fela gu gimbila va khedza; Akabi a di bela khu yaye ndzila, Obhadhiya nuye khu yimbe ndzila.

1 Dzipfhumu 18:6 Iomraidhean Croise

1 Dzipfhumu 18:5

Akabi a di embela Obhadhiya, khuye: “Indra u dzundrulugela litigo latshavbo, ni milamboni gwatshavbo nya mati, ni mitsongo yatshavbo; mwendro saye u na mana mwasi nya guvbanyise khuwo dzikavalu ni dziburu dzathu, hi nga fedwa khu sifuyo sathu.”

1 Dzipfhumu 18:7

Avbo Obhadhiya, a nga bani nari ndzilani, a di tshangana ni Eliya; na mutide, a di noga a thega khu khovbe yaye, a mu wudzisa, khuye: “Khuwe mune wangu Eliya, gani?”

Jeremiya 14:3

Vathu vawe nya guthavisege va gu ruma sithumi sawe guya rega mati, aholu avo kha va ma mani kholu milamboni gu bangide; va bwelela ni dzikhali nya maphanga, va poyilega khu dzitshoni, va fenengedza mihungo.