1 Dzipfhumu 18:43 - Bhibhiliya Nya Guage

⁴³ A di embela githumi gyaye, khuye: “Gwela olu u khedza phuvbo ga phwani.” Githumi gi di gwela gi ya khedza, gi mu embela, khigyo: “Kha nyi woni gilo!” Eliya a di gi embela, khuye: “Bwelela gambe livbandre na dzimbili dzinyondro.”

1 Dzipfhumu 18:43 Iomraidhean Croise

Genesi 32:26

Muthu wule a di embela Jakobe, khuye: “Nyi dige nyi hongole kholu wu ngu khuga Wuronga.” Jakobe a di mu hakha, khuye: “Gima kha nya na nga gu diga u hongola nyamba phela khu gu nyi kategisa.”

1 Dzipfhumu 18:42

Akabi a di gwela aya hodza ni gu sela, aholu Eliya a di gwela tshokatunu nya gigomo gya Karimelo, aya noga vbavbatshi, khovbe yaye a yi thela mazoloni gwaye.

1 Dzipfhumu 18:44

Avbo githumi gi nga bwelelago khu gikhati nya livbandre na guvili, gi dita, khigyo: “Gu ngu wonega lipfhinyana li dugwana nya nga mandza nya muthu, na li gu khuga khu matini.” Khavbo avbo, Eliya a di khuye: “Indra u ya embela Akabi, khuwe: Ambagisa kareta yago khu gu vbiredza gasi u siti manwa khu ndzadzi yi gu segela avba.”

2 Dzipfhumu 4:35

Khu hwane a di khuga a ema, a dzundrulugela nyumbani eno ni eno, a engedza gu lita ata dzi ladza vbatshani nya gyanana; khavbo avbo, gyanana gi di watshimula livbandre na dzimbili dzinyondro, gi tula maho gi wona.

Dzindzimo 5:3

Pfhumu Nungungulu, vbadzimindrutunu u napwa lito langu, vbadzimindrutunu, nyi ngu gu bikela nombelo wangu, nyi khevisela phindrulo yago.

Habhakuka 2:3

Kholu giwoniso gi na vbedza gikhati nya gukari, gya gu ganela khu matshigu nya guhegise, gima kha gi na lipha; ambari gya gu hwela, gi lindrele, kholu gi nata, kha gi na hwela.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.