1 Dzipfhumu 18:42 - Bhibhiliya Nya Guage

⁴² Akabi a di gwela aya hodza ni gu sela, aholu Eliya a di gwela tshokatunu nya gigomo gya Karimelo, aya noga vbavbatshi, khovbe yaye a yi thela mazoloni gwaye.

1 Dzipfhumu 18:42 Iomraidhean Croise

Genesi 24:52

Avbo gi ngapwa magana yaya, githumi gya Abrahama gi di noga mbeli ga Pfhumu.

2 Samuweli 12:16

Dhavhidhe a di lombelela khu gyanana ga Nungungulu, a hala a si hodzi gilo, a bela nyumbani gwaye a lala vbavbatshi wutshigu watshavbo.

1 Dzipfhumu 18:41

Khavbo avbo, Eliya a di embela Akabi, khuye: “Khuga u gwele u ya hodza u sele, kholu gu ngu pwala gudzuma nya ndzadzi nya yingi.”

1 Dzipfhumu 18:43

A di embela githumi gyaye, khuye: “Gwela olu u khedza phuvbo ga phwani.” Githumi gi di gwela gi ya khedza, gi mu embela, khigyo: “Kha nyi woni gilo!” Eliya a di gi embela, khuye: “Bwelela gambe livbandre na dzimbili dzinyondro.”

1 Dzipfhumu 19:13

Gikhati Eliya a pwidego gupepa, a di fenengedza khovbe khu libhadzi; khavbo avbo, a di duga a khala vbamwanyatunu nya phago. Gu dita lito li ngata mu wudzisa, khilo: “Eliya, ginani u thumago avba.”

Ezira 9:6

Nyi ganela, kheni: “Nungungulu wangu! Nyi womo gugaradzegani ni mudzitshonini, nya gu khusa khovbe yangu nyi khedza uwe, Nungungulu wangu! Kholu sighoho sathu si dandride guvbindra pimo vbatshani nya mihungo yathu, ni milandru yathu yi litide kala ndzadzini.

Joba 37:11

A ngu rwega gambe mapfhi khu ndzadzi, a ma phalalegisa khu mabara.

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Isaya 38:2

Khavbo avbo, Ezekhiya a di thendregedza a khighela ndzari a lomba ga Pfhumu Nungungulu,

Isaya 6:2

Vbatshani gwaye gu di emide dziserafini; mweyo ni mweyo nya idzo, yi diri ni livbandre na limwedo mambapi; mambapi mavili ma di fenengedza khovbe, mambe mavili ma di fenengedza mawundru, dzi vbuvba khu mambapi mavili.

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Dhaniyeli 9:3

Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Dhaniyeli 9:7

Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.

Matewu 14:23

Na vbanganide gidzemo, a di gwela gigomoni, gasi guya lombelela enga. A di pfoledwa khu lidambo vbale, nari uye enga.

Marko 14:35

Na thangide vbadugwana, a di khidzima a neredza khovbe vbavbatshi, a lomba ga Nungungulu khuye sa gu kodzega a vbuluga ga gikhati gile nya wuvi.

Luka 6:12

Khu matshigu yale, Jesu a di gwela mugigomoni, gasi guya gira nombelo. A di pilekelana wutshigu watshavbo na gu lombelela ga Nungungulu.

Mithumo 10:9

Gandra ni dzimindru, na vari vbakari nya ndzila, vbafuvbi ni gu vboha, dhoropani ga Jope, Pedro a di lita vbatshani nya nyumba, khu gikhati nya midiya, gasi guya gira nombelo.

Josuwa 7:6

Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni.

1 Samuweli 12:18

Khavbo avbo, Samuweli a di lombelela ga Pfhumu Nungungulu, ni Pfhumu Nungungulu litshigu lile a di resa ndzadzi ni mabara; avbo vathu vatshavbo va nga ninga githawo nya gikhongolo ga Pfhumu Nungungulu ni ga Samuweli