1 Dzipfhumu 18:41 - Bhibhiliya Nya Guage

⁴¹ Khavbo avbo, Eliya a di embela Akabi, khuye: “Khuga u gwele u ya hodza u sele, kholu gu ngu pwala gudzuma nya ndzadzi nya yingi.”

1 Dzipfhumu 18:41 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 18:1

Hwane nya gu bani na ma vbindride matshigu nya gutale, khu mwaga nya wuraru, Pfhumu Nungungulu a di ganela kharati ga Eliya, khuye: “Indra dzi wonegisa ga Akabi; kholu nyi na wisa ndzadzi mafuni.”

1 Dzipfhumu 18:40

Khavbo avbo, Eliya a di va embela, khuye: “Hungani vaprofeti vatshavbo Vabhahali, a nga tshali wa gu tshala!” Va di va mola Eliya a di relela navo gitsongwanani gya Khisoni, aya va songela iyoyo.

1 Dzipfhumu 18:42

Akabi a di gwela aya hodza ni gu sela, aholu Eliya a di gwela tshokatunu nya gigomo gya Karimelo, aya noga vbavbatshi, khovbe yaye a yi thela mazoloni gwaye.

1 Dzipfhumu 8:36

Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

Joba 37:13

Uye a gu resa mapfhi, a gu dzina guta tsayisa vathu, a gu dzina a ta nonisa litigo laye, mwendro gu resa makategwa ga vathu vaye.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Mithumo 27:34

Nyi ngu mi lomba mu hodze gilogyo, gasi mu kodze gu mana tshivba nya guvbuluge. Vbakari gwathu mwalo na moyo a na gu luzago, ambari khu ndzudzu wunene wa hungoni gwaye.”