1 Dzipfhumu 18:21 - Bhibhiliya Nya Guage

²¹ Eliya a di hidzimela a ema mbeli ga vathu vatshavbo, khuye: “Kala lini mu na ndzodolago khu mipimiso mivili? Pfhumu a gu bani ari uye, mu landreleni; aholu, a gu bani nari Bhahali, landrelani uye.” Aholu, vathu kha va nga mu hakha.

1 Dzipfhumu 18:21 Iomraidhean Croise

Genesi 24:50

Khavbo avbo, Laboni ni Bhetuweli va di hakha, khavo: “Satshavbo sesi sa guta khiyo ga Pfhumu Nungungulu, ethu hi mwalo gilo nya gu gu embele nya gyadi mwendro nya guvivbe.

Genesi 44:16

Khavbo avbo, Judha a di hakha, khuye: “Hi na ganela khethu ginani ga pfhumu yangu? Hi na ganela kharini ni gu dzi vhikela kharini? Nungungulu wonegiside guvivba ga ethu sithumi sago. Olu hi na khala dzikhumbi dzago ethu hatshavbo gumogo ni wule a nga manwago ni gikombe.”

1 Dzipfhumu 18:20

Khavbo avbo, Akabi a di ramba va na Israyeli; vaya tshangana gumogo ni vaprofeti gigomoni gya Karimelo

1 Dzipfhumu 18:39

Avbo vathu vatshavbo, va si wonego esi, va di thega va tsitsa khu dzikhovbe, va ganela, khavo: “Pfhumu basi khuye a gu Nungungulu! Pfhumu basi khuye a gu Nungungulu!”

2 Dzipfhumu 17:41

Khu guralo, mayigo yale, ma di thava Pfhumu Nungungulu, bwelo khavbo ma khozela sifananiso nya guvatwe; ni sanana sawe; ni vatugulu vawe gambe va di gira kha nga vababe vawe, va nga gu gira isoso kala na muhuno.

1 Dzikoronika 17:26

Olu uwe Pfhumu Nungungulu, uwe kamwe U Nungungulu u ningidego magana yaya nya yadi ga githumi gyago ni wuhindzi wowu.

2 Dzikoronika 33:13

avbo a nga mu lombelelago, Nungungulu a di yingisa nombelo waye a mu pwela gisiro a mu bweledza nyaluphye mufumoni gwaye Jerusalema. Khu guralo, Manasi khavbo a dzitidego gukhuye Pfhumu Nungungulu, khuye Nungungulu nya lisine.

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Dzindzimo 119:113

Nyi ngu vengana ni wukanganyisi aholu nyi gola nayo wago.

Hoseya 10:2

Myonyo yawe khya wudambane; khu guralo, va na rwala nandru wawe; Pfhumu Nungungulu a na kokelela sihuru sawe nya miphaso, a pandrelela sithombe sakone.

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Matewu 22:12

A di mu wudzisa, khuye: ‘Ama sawu, u bede kharini omu nyambana gipani nya buzo nya dzegano?’ Uye a di degula, nyamba hakha gilo.

Matewu 22:34

Vafarisi, na va pwide nya gupwani Jesu a di degudza vasadhusi khu dziphindrulo dzaye, va di gira tshangano;

Matewu 22:36

“Muhevbudzi, khu wevbini nayo a gu koma ga milayo yatshavbo?”

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Luka 6:13

Na gugide, a di rana vapizane, gasi gu hatha, vbakari gwawe, likhumi na vavili, avo a nga va ranago vapostoli:

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

Dhewuteronome 4:35

Uwe u yeyedzidwe gasi u dziti nya gukhuwe Pfhumu, khuye Nungungulu; ni gukhuwe mwalo mumbe vbavbandze Gwaye.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”