1 Dzipfhumu 18:18 - Bhibhiliya Nya Guage

¹⁸ Eliya a di mu hakha, khuye: “Khandri eni nyi vhilinganyisago va na Israyeli, aholu uwe ni nyumba ya babe wago, kholu mu digide milayo ya Pfhumu Nungungulu, mu landrela Vabhahali.

1 Dzipfhumu 18:18 Iomraidhean Croise

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

1 Dzipfhumu 16:32

A di emisa giluvelo gi lumbago Bhahali, nyumbani ga Bhahali, a yi vbahidego Samariya.

1 Dzipfhumu 21:25

Aholu, mwalo ni moyo a nga girago kha nga Akabi, a nga dzi rengisago khu silo nya guvivbe si nyenyezidego mahoni ga Pfhumu Nungungulu; kholu a di kutsedzedwa khu mwangadzi waye, Jezabheli.

1 Dzipfhumu 21:26

A di gira silo nya sikhongolo nya gunyenyeze, a khozela vanungungulu nya malipha, a landrela iso va girago vaamori, avo va nga tutumiswago khu Pfhumu Nungungulu, mbeli ga va na Israyeli.

1 Dzipfhumu 9:9

Va na va hakha, khavo: Kholu va nga digago Pfhumu Nungungulu wawe, uye a nga dusago vababe vawe khu tigoni ga Egipito, va gu landrela vambe vanungungulu, va va khidzimela, ni gu va khozela. Khu guralo, Pfhumu Nungungulu a va resedego gutshaniseka gwatshavbo gogu.”

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 28:19

Kholu Pfhumu Nungungulu, a di poyide Judha khu kotani nya sighoho sa Akazi, mufumeli wa Israyeli; kholu a di ndreyiside va na Judha, va hambana ni milayo yatshavbo, a gira guvivba nya guthise nya gu ghohele Pfhumu Nungungulu.

Mavingu 11:19

Avo va tiyidego gululamani, va gu mana guvbanya, aholu vale va gimbilago ndzilani nya guwegele, va gu dzi vangela lufu.

Mavingu 13:21

Wuvivbi wa gu landrisela sighohi, gasi wuwadi tshatshazelo wa va nya gululama.

Mavingu 28:4

Avo va hambanago ni Nayo, va gu zundza sighohi, aholu avo va sayisago Nayo, va gu dwana naso.

Mavingu 5:22

Muthu nya guvivbe a na modwa khu nandru waye, a hungwa khu ngodzi nya sighoho saye.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 23:13

Ga vaprofeti va Samariya nyi wonide gwadi wuphuguphugu wawe; avo va di gu profeta khu lina la Bhahali, va ndreyisa vathu vangu va na Israyeli.

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Ezekiyeli 3:8

Khu guralo, nyi na gu gira muthu nya gutiye ni gubanga hungo nga avo.

Matewu 14:4

Kholu Johane a di gu mu embela, khuye: “U mwalo fanelo nya gu mu dzege a khala mwangadzi wago.”

Mithumo 24:13

Kha va dzi kodzi gu tiyisa esi va nyi ningago khiso nandru.

Mithumo 24:20

Avo ava, va na ganele gighoho va gi manego gwangu gikhati nyi nga lamudwa phathani khu madhota.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

1 Samuweli 14:29

Khavbo avbo, Jonatane a di hakha, khuye: “Babe wangu vbedzide tshivba vathu va tigoni gwathu; wonani idzo maho yangu ma wonago khidzo gukhugela avbo nyi nga lingago gipandryana gidugwana nya wulombe wowu.