1 Dzipfhumu 17:6 - Bhibhiliya Nya Guage

⁶ Vanyamahigonganye vadi mu resela guhodza ni nyama vbadzimindrutunu ni vbasilambotunu, a sela mati nya gitsongwana.

1 Dzipfhumu 17:6 Iomraidhean Croise

1 Dzipfhumu 13:28

Khavbo avbo, uye a di hongola aya mana girumbi na gi di tshandzala vbakari nya ndzila, buru ni nghala na si emide vbafuvbi ni girumbi; nghala kha ya nga hodza mili nya muthu, ambari buru gu vbadzuledwa khu nghala.

1 Dzipfhumu 17:5

Khu kharato, uye a di hongola, kha nga guleletela ga Pfhumu Nungungulu, aya khala bambe nya gitsongwana gya Keriti, gi guromo vbafuvbi ni Joridhani.

1 Dzipfhumu 17:7

Na ma vbindride matshigwana, tsongo wu divbwa; kholu kha ga ngawa ndzadzi tigoni.

1 Dzipfhumu 19:6

Eliya a di khedzisa maphuvbo yatshavbo, a wona gibaba nya guvawudwe vbatshani nya magala ni khokho nya mati mihungotunu gwaye. Uye a di hodza ni gu sela, a lala gambe.

1 Dzipfhumu 19:8

Eliya a di wuga a hodza ni gu sela. Guhodza gule gu di mu ninga tshivba nya yikhongolo gasi gu gimbila magumana matshigu ni magumana wutshigu, kala guya vboha Horebhi, gigomoni gya Nungungulu.

Dzindzimo 33:18

Maho ya Pfhumu Nungungulu, ma gu khedza vale va mu ningago githawo, ni ga vale va tumbago wuhindzi waye,

Dzindzimo 37:19

Kha va na khala dzitshoni matshiguni nya sigaradzo, matshiguni nya ndzala avo va na khuriswa.

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Ekisodha 16:35

Sanana sa Israyeli si hodzide manaha gipimo nya magumana myaga, kala va gu vboha tigoni va vbanyago vathu. Va hodzide manaha kala va gu vboha vbinganoni nya litigo la Khanani.

Isaya 33:16

Khuye oyu a na khalago wulanga nya gukhugege; makhokhola nya siwindri ma na bani mari wuthavelo waye nya gutiye, a na ningwa guhodza gwaye, a sela mati khu gikhati gi vbwetegago.

Jeremiya 37:21

Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.

Jeremiya 40:4

Gasi olu eni, nya gu vbweta gu gu tshula makhetshe u hungidwego mawogoni gwago, wa gu dzina hongole hatshavbo Bhabhiloni, eni nyi na khala musayisi wago; aholu wa gumba dzina, tshala. Wona! Litigo latshavbo lomo mandzani gwago, u hongola ni evbini u gunago, u gira iso u si wonago nari sadi mbeli gwago.”

Mitengo 11:23

Khu guralo, Pfhumu Nungungulu a di phindrula Mosi, khuye: “Ina tshivba ya Pfhumu Nungungulu yi di vbunguga, gani? Olu u na wona wabune gukhuwe esi nyi gu embelago si na girega mwendro kha si na girega.”

Matewu 19:26

Jesu a di khedzisa gwadi vatshavbo, a va embela, khuye: “Ga vathu kha si kodzegi, aholu ga Nungungulu satshavbo si ngu kodzega.”

Luka 22:35

Jesu a di engedza gambe, khuye: “Gikhati nyi nga mi rumelani nyambana gipatsi, nyambana rava, nyambana silato, gyomo gi nga mi kenelelago, gani?” Vapostoli va di hakha, khavo: “Gi mwalo gi hi keneledego.”

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

Valamuli 14:14

Khavbo avbo, a di va embela, khuye: “Khu ga muhodzi, gu di duga guhodza, khu ga nya dzitshivbe gu dugide gulombela.” Gu di vbindra matshigu mararu nyamba kodza gu ninga phindrulo nya tekatekane.