1 Dzipfhumu 17:4 - Bhibhiliya Nya Guage

⁴ U na sela umo mati; eni nyi leletede va nyamahigonganye gasi vata gu ninga guhodza.”

1 Dzipfhumu 17:4 Iomraidhean Croise

1 Dzipfhumu 13:28

Khavbo avbo, uye a di hongola aya mana girumbi na gi di tshandzala vbakari nya ndzila, buru ni nghala na si emide vbafuvbi ni girumbi; nghala kha ya nga hodza mili nya muthu, ambari buru gu vbadzuledwa khu nghala.

1 Dzipfhumu 17:3

“Khuga avba, u hongola Khugadambo, u ya dzi sihadza vbafuvbi ni gitsongwana gya Keriti, gi guromo khu tshatugo nya tsongo wa Joridhani.

1 Dzipfhumu 17:5

Khu kharato, uye a di hongola, kha nga guleletela ga Pfhumu Nungungulu, aya khala bambe nya gitsongwana gya Keriti, gi guromo vbafuvbi ni Joridhani.

1 Dzipfhumu 17:9

“Khuga, u hongole tigoni ga Sarepita wa Sidhoni, u ya khala iyoyo; nyi leletede nyamayi nya noni gasi a ta gu ninga guhodza.”

Joba 34:29

Aholu, Uye a gu degula, khu mani a na mu rwegago nandru? A gu siha khovbe yaye, khu mani a na mu wonago? Khu guralo, Uye a ngu fuma vathu gumogo ni mayigo.

Joba 38:41

Khu mani a dongiselago guhodza vamahigonganye, gikhati sifondro sawe si lilago ga Nungungulu, na si gulegalega khu gu hamuga guhodza, gani?

Dzindzimo 147:9

Khuye a hodzisago sirengo, ni gu lisedzela sifondro nya mahigonganye gikhati si lilago.

Jona 2:1

Jona a di lombelela ga Pfhumu Nungungulu waye, nari ndrani nya ndzandzi.

Mitengo 20:8

Dzega ndronga u rana tshangano, uwe ni ndriyago Aroni, mu na ganela ni giwindri na mu gu wonwa khu vatshavbo, igyo gi na dusa mati; khu guralo, u na va dusela mati khu giwindrini, u ninga tshangano wu sela avo ni sifuyo sawe.

Matewu 4:11

Khavbo avbo, Sathane a di mu diga a hongola; dzingilozi dzi dita dzita mu thumela.

Matewu 4:4

Jesu a di mu hakha, khuye: “Gu lovidwe gupwani: Muthu kha vbanyi khu guhodza basi, aholu, khu mahungu yatshavbo ma dugago khu ga Nungungulu.”