1 Dzipfhumu 17:18 - Bhibhiliya Nya Guage

¹⁸ Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

1 Dzipfhumu 17:18 Iomraidhean Croise

Genesi 44:16

Khavbo avbo, Judha a di hakha, khuye: “Hi na ganela khethu ginani ga pfhumu yangu? Hi na ganela kharini ni gu dzi vhikela kharini? Nungungulu wonegiside guvivba ga ethu sithumi sago. Olu hi na khala dzikhumbi dzago ethu hatshavbo gumogo ni wule a nga manwago ni gikombe.”

Genesi 50:15

Vandruye va Josefa, avbo va nga wonago gukhavo babe wawe fude, va di ganela, khavo: “Khu lisine olu Josefa gikhati nya gu a hi wugela, a hi bweledzela guvivba gwatshavbo hi mu giredego!”

Genesi 50:17

Ganelani kharati ga Josefe, khenu: Tsetselela guvivba u giredwego khu vandriyago ni gighoho gyawe. Kholu va gu girede guvivba; gasi olu hi ngu gu lomba gukhethu u tsetselela gihoso gya sithumi sa Nungungulu wa babe wago. Josefe a di lila na va nga gu mu embeledzela.

2 Samuweli 16:10

Mufumeli a di khuye: “Ginani nyi gu nagyo nanu enu madzahanu ya Zeruwa? Mu digeni a hembulule, Pfhumu Nungungulu a gu bani a mu rumide gukhuye vala Dhavhidhe, khu mani a na mu embelago, khuye: Khu ginani u girago isoso?”

2 Samuweli 19:22

Aholu Dhavhidhe a di hakha, khuye: “Gasi mahungu muni nyi gu nawo nanu enu madzahanu ya Zeruwa, na? Ina muhuno litshigu nya gufe muthu wa na Israyeli, gani? Ina eni kha nyi dziti gukheni muhuno nyi emisedwe gu khala mufumeli wa Israyeli, gani?”

1 Dzipfhumu 12:22

Khavbo avbo, magana ya Nungungulu ma dita ga Semaya, muthu wa Nungungulu ma ta khayo:

1 Dzipfhumu 13:1

Khu guruma ga Pfhumu Nungungulu, gu dita muthu wa Nungungulu khu Judha aya Bheteli, gikhati Jerobhowamo a nga bani nari vbagiluvelotunu gasi gu vbisa libani.

1 Dzipfhumu 17:17

Khu hwane nya silo sesi, gu di dwala gyanana gya nyamayi yoyu nya mune ndranga; madwali yaye ma di tshingisa ngudzu, avbo a nga bani na si kodzi ni gu hefemula.

1 Dzipfhumu 17:19

Eliya a di mu embela, khuye: “Nga nyi ninga mwamana wago!” Uye a di mu dzega khu vbamarumbitunu ga mayi waye, a gwela naye vbatshani, nyumbani a nga bani na gu khala umo, aya mu ladzisa vbadawutunu gwaye;

1 Dzipfhumu 18:9

Aholu Obhadhiya a di hakha, khuye: “Gasi ginani nyi ghohidego eni, nya gukala u ningela githumi gyago mandzani ga Akabi gasi a nyi songe?

1 Dzipfhumu 20:28

Muthu wa Nungungulu, a di hongola ga mufumeli wa Israyeli, aya mu embela, khuye: “Pfhumu Nungungulu a ngu ganela kharati, khuye: Olu Vaasiriya va ganelago, khavo: Pfhumu Nungungulu khwa sigomoni, nasiri Nungungulu wa panini, eni nyi na ningela mandzani gwago, gyatshavbo gidzemo gegi nya gikhongolo, khavbo mu na dzitigo nya gukhenu, Eni kheni Pfhumu Nungungulu.”

2 Dzipfhumu 1:9

Khavbo avbo, mufumeli a di vbiredza gu mu rumela muthangeli waye nya gikwata nya livbandre magumi, gumogo ni masotshwa yaye nya livbandre magumi. Aya ga Eliya a nga bani na khade tshokatunu nya gigomo, a mu embela, khuye: “Muthu wa Nungungulu, mufumeli a leletede gukhuye u tshiga khu guvbiredza!”

2 Dzipfhumu 3:13

Aholu muprofeti Elizewu, a di embela mufumeli wa Israyeli, khuye: “Gasi mahungu muni nyi gu nawo nago uwe, na? Indra ga vaprofeti vababe wago ni ga vaprofeti vamayi wago.” Aholu mufumeli wa Israyeli a di mu hakha, khuye: Ahihi, kholu Pfhumu Nungungulu, khuye a residego vafumeli vava va vararu gasi guta va ningela mandzani gwa va na Mowabhi.

2 Dzikoronika 35:21

Khavbo avbo, Neko a di rumela myango gasi guya mu embela, khuye: “Eni nyi mwalo gilo nago uwe mufumeli wa Judha! Muhuno kha nyi teli guta dwana nago uwe, aholu nya gu tela guta dwana ni mufumo wowu wu nyi dwanisago. Nungungulu a nyi embede khuye vbiredza. Dzi vegedze u nga dwani ni Nungungulu a gu ni eni, kholu uye a nga gu thesa u padwa.”

Joba 13:23

Gasi singani sihoso ni sighoho nyi giridego? Nyi yeyedze iso nyi hosidego niso nyi ghohidego.

Joba 13:26

U nyi vetide khu silo nya guvbise ngudzu, u nyi tsayisa khu sighoho sa wudzahani gwangu.

Mitengo 5:15

mwama a na dzega mwangadzi waye gumogo ni mideva miraru nya wuguvbi nya mavbila, nyamba wu thela mafura, ambari libani a mu yisa ga muphasi nya mhamba, kholu ningelo nya wufu, a gu ningelo nya gualakanye sighoho.

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Marko 5:7

a khusedza lito a ganela khu tshivba, khuye: “Ginani nyi nga gu ghohela, uwe Jesu, Mwamana wa Nungungulu a guromo Ndzadzini? Nyi ngu gu lomba khu lina la Nungungulu gukheni u nga nyi tshanisi!”

Marko 6:16

Aholu Herodhi, na pwide silo sesi, a di ganela, khuye: “Khu Johane nyi nga ruma gu a pidwa ngolo, khuye a wugidego khu ga vafudego.”

Luka 4:34

“Ginani hi nga gu ghohela, Jesu wa Nazareta? Wa gu tela guta hi mbembisa, gani? Eni nyi ngu guti gwadi gukheni: Khuwe Gihathwa gya Nungungulu.”

Luka 5:8

Na wonide esi, Simoni Pedro a di dzi thesa migondroni ga Jesu, khuye: “Leya uya hwindzo gwangu, Pfhumu, kholu nyi gighohi!”

Luka 8:28

Na wonide Jesu, a di dzi thesa migondroni gwaye, na gu gulumela khu tshivba, khuye: “Ginani nyi nga gu ghohela, Jesu, Mwamana wa Nungungulu a Khusegidego ngudzu? Nya gu lomba gukheni u nga nyi tshanisi.”

Johane 2:4

Jesu a di hakha, khuye: “Nyamayi! Gasi ginani u gi vbwetago avbo gwangu? Gikhati Gyangu gi si gu vbohi.”

Valamuli 13:6

Khavbo avbo, nyamayi wule a diya embeledzela satshavbo mwama waye, khuye: Dzude muthu wa Nungungulu avbo gwangu, khovbe yaye a di fanana ni ngilozi nya guthavisege ya Nungungulu, kha nya mu wudzisa kheni a gu dugela hayi, ambari uye kha nyi embela lina laye.

1 Samuweli 16:4

Khu guralo, Samuweli a di gira iso a nga embedwago khu Pfhumu Nungungulu, a ta Bhetlehema. A di khingwa khu madhota ya dhoropani, na va gu ndrendremela va mu wudzisa, khavo: “Guta gwago khwa gurula, gani?”