1 Dzipfhumu 16:7 - Bhibhiliya Nya Guage

⁷ Lito la Pfhumu Nungungulu li dita ga muprofeti Jewu, mwamana wa Hanani, li ta wugela Bhahasa gumogo ni ndranga yaye; khu kotani nya sighoho a giridego mbeli ga Pfhumu Nungungulu, a mu gorogisa khu mithumo ya mandza yaye, gasi a mu gira a fanana ni ndranga ya Jerobhowamo, khu kharato a di mu mbembisa.

1 Dzipfhumu 16:7 Iomraidhean Croise

1 Dzipfhumu 14:14

Aholu Pfhumu Nungungulu a na wusa tigoni ga Israyeli, mufumeli a na gu tshiphisago nyumba ya Jerobhowamo khu litshigu limwedo! Aholu isoso si na girega kamwe olu.

1 Dzipfhumu 16:8

Khu mwaga nya maguvili na livbandre na moyo (26) nya gufume ga Asa, mufumeli wa Judha, Ela, mwamana wa Bhahasa, a di phela gu fumela Israyeli, nari khu dhoropani ga Tiriza, fumide myaga mivili.

2 Dzipfhumu 17:13

Pfhumu Nungungulu a di embede va na Israyeli ni va na Judha, khu vaprofeti vaye vatshavbo ni vatuguli nya misihalo vaye vatshavbo, khuye: “Vbindrugedzani dzindzilani gwanu nya guvivbe, mu landrisa sileletelo sangu ni milayo yangu, kha nga idzo wu rumago khidzo Nayo nyi ningidego vababe vanu, owu nyi mu rumedego khu ga sithumi sangu, a gu vaprofeti.”

2 Dzikoronika 16:7

Khu gikhati gyogyo gya gimwegyo, a dita muprofeti Hanani ga Asa, mufumeli wa Judha, ata mu embela, khuye: “Kha nga olu u tumbidego mufumeli wa Siriya, u si tumbi Pfhumu Nungungulu wago, khu guralo, nyimbi ya mufumeli wa Siriya, yi tsitimugide mandzani gwago.

Dzindzimo 115:4

Sifananiso sawe khu ndralama ni parata, thumo nya mandza nya vathu.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Isaya 2:8

Litigo lawe gambe, li tade khu sihuru nya sifananiso, va gu khozela thumo nya mandza yawe, iso va si giridego kamwe khu dzinyala dzawe.

Hoseya 1:4

Khavbo avbo, Pfhumu Nungungulu a di embela Hoseya, khuye: “Mu riye lina la Jezireyeli, kholu kha nyi na hwela gu tsayisa mufumo wa Jewu, nyi fuvisa mufumo wa linyumba la Israyeli.

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.