1 Dzipfhumu 15:4 - Bhibhiliya Nya Guage

⁴ Ambari khu kharato, khu lihaladzo ga Dhavhidhe, Pfhumu Nungungulu waye, a mu ningide mwenge nya guwenengedze Jerusalema, hwane gwaye, a di emisa mwanaye a tiyisa Jerusalema.

1 Dzipfhumu 15:4 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 19:29

Avbo Nungungulu a nga bani a gu khungumula madhoropa ya panini, a di alakanya Abrahama, a gu vbulugisa Loti gumbemba, madhoropa a nga bani a gu vbanya umo ma khungumudwa.

Genesi 26:5

kholu Abrahama yingiside lito langu, a wuya a gu landrisa sileletelo sangu ni milayo yangu.”

2 Samuweli 21:17

Aholu Abhisayi, mwamana wa Zeruwa, a di mu vbulugisa khu gu paya mufilisitiya a mu songa. Vathu va Dhavhidhe va di mu khongotela va mu embela gu va si hongoli naye nyimbitunu, gasi a si tshimi kandriya ya Israyeli.

1 Dzipfhumu 11:12

Aholu, kha nyi na nga gira olu na wu nga gu vbanya, khu kotani nya lihaladzo nyi gu nalo ni babe wago Dhavhidhe; nyi na wu dusa khu mandzani ga mwamana wago.

1 Dzipfhumu 11:32

Aholu uye a na tshala ni lihundzu limwedo basi, khu kotani nya lihaladzo nyi gu nalo ni githumi gyangu Dhavhidhe, ni lihaladzo nyi gu nalo khu Jerusalema, lidhoropa nyi li hathidego vbakari nya mahundzu yatshavbo ya Israyeli.

1 Dzipfhumu 11:36

Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

2 Dzikoronika 21:7

Aholu Pfhumu Nungungulu kha nga gola gupfhungumula nyumba ya Dhavhidhe, khu kotani nya gidzumeledzwano a nga bani giride naye, kholu a di ganede naye khuye, a na mu ninga sanana si na khalago mwenge nyamba tshimega kala gupindruga.

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Dzindzimo 18:28

Pfhumu Nungungulu, khuwe kandriya yangu, Nungungulu wangu, wenengedza gidema gyangu.

Dzindzimo 87:5

Na va gu ganela khu lidhoropa la Siyoni va na ganela, khavo: “Oyu ni wule va velegedwe iyo;” uye a vbeledego Gukhugega khuye a li tiyisago.

Isaya 14:32

Va na ningwa phindrulo muni avo va rumedwago khu va nya mayigo vovo? Pfhumu Nungungulu khuye a vbahidego lidhoropa la Siyoni, gasi va mana wuthavelo vale va tshanisekago vbakari ga vathu vaye.

Isaya 37:35

Kholu Eni nyi na vhikela lidhoropa leli, gasi gu li vbulugisa, khu kotani nya lina langu, ni lihaladzo nyi gu nalo khu githumi gyangu Dhavhidhe.

Isaya 62:7

ambari gu mu ningani guhefemula kala a wusedza Jerusalema gu khala nga gilo gi zundzegago tigoni.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 33:2

Pfhumu Nungungulu a girago silo sesi, Pfhumu Nungungulu a wumbago esi gasi gu si tiyisa, lina laye a gu uye Pfhumu Nungungulu, a ngu ganela kharati, khuye:

Matewu 16:18

Eni neni nyi ngu gu embela, kheni: Uwe khuwe Pedro; vbatshani nya giwindri gegi nyi na vbaha libandla langu. Ni tshivba nya mufumo nya lufu kha yi na li gira gilo.

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Varoma 11:28

Ha gu khedza khu Mahungu nya Yadi, va khade valala va Nungungulu khu kotani gwanu. Aholu avo va ngu simama gu khala sihathwa sa Nungungulu khu kotani ya vababe vawe.

Dhewuteronome 4:37

Khu guralo, khu kotani nya lihaladzo ga vababe vago, hathide uwe livelego lawe, a gu dusa khu tigoni ga Egipito, uye mune wurumba khu tshivba yaye nya yikhongolo,

Gutuledwa 22:16

“Eni Jesu, nyi rumede ngilozi yangu umo nya mabandla, gasi guta mi fakazela silo sesi. Eni nyi Khamba ni Mbewu nya lihundzu la Dhavhidhe, nyi Thandra nya Wuronga nya guwenengedze ngudzu.”