1 Dzipfhumu 14:9 - Bhibhiliya Nya Guage

⁹ aholu, uwe u di nyi girela guvivba guvbindra vatshavbo va gu hegudzidego guta mafuni momu, kholu u di dzi girela vambe vanungungulu ni sifananiso nya gunyiviligiswe, u nyi pfhurarela gasi u wusa likhulo langu.

1 Dzipfhumu 14:9 Iomraidhean Croise

1 Dzipfhumu 12:28

Hwane nya gu bani a dzi wudziside, mufumeli a di gira simombyana sivili nya ndralama; a embela vathu, khuye: “Enu mu ngu garala khu gu gwela Jerusalema, kha mu va woni ava vanungungulu vanu, enu va na Israyeli, va nga mi dusani khu tigoni ga Egipito.”

1 Dzipfhumu 14:16

Israyeli a na ningedwa khu kotani nya sighoho si nga girwago khu Jerobhowamo, esi a nga gira a ghohisa khiso va na Israyeli.”

1 Dzipfhumu 14:22

Va na Judha va di gira ugo gu vivbidego mahoni ga Pfhumu Nungungulu; va di mu gorosa ngudzu guvbindra iso si nga girwago khu vavelegi wawe, khu gu ghoha va ghohidego.

1 Dzipfhumu 15:29

Me ni gu khala vbagikhalotunu nya wufumu, a diya mbembisa ndranga yatshavbo ya Jerobhowamo, nyamba tshiya ni moyo nya guvbanye, kha nga guganela ga Pfhumu Nungungulu, ugo a ganedego khu ga githumi gyaye Ayiya wa Silo.

1 Dzipfhumu 15:30

Isoso, si giregide khu kotani nya sighoho sa Jerobhowamo, a ghohidego bwelo khavbo a ghohisa ni Israyeli watshavbo, a gu wusa kharati likhulo la Pfhumu Nungungulu wa Israyeli.

1 Dzipfhumu 15:34

A di thuma mithumo nya guvivbe mahoni ga Pfhumu Nungungulu, a di gimbila khu ndzila nya sighoho sa Jerobhowamo, a nga ghohisa ni vana Israyeli vatshavbo.

1 Dzipfhumu 16:25

Oniri, a di gira ugo guvivbidego mbeli ga Pfhumu Nungungulu, a di gira silo nya guvivbe ngudzu guvbindra vatshavbo va mu thangedego gufuma.

1 Dzipfhumu 16:30

Akabi a di gira ugo guvivbidego mbeli ga Pfhumu Nungungulu, ngudzu guvbindra avo va mu thangedego gufuma.

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

1 Dzipfhumu 16:33

Akabi giride gambe gifananiso gya Asitaroti, a engedzela gu gorosa Pfhumu Nungungulu wa Israyeli, khu gu gira silo nya gunyenyeze ngudzu guvbindra vafumeli vatshavbo va na Israyeli, va mu thangedego gufuma.

2 Dzipfhumu 21:3

A di vbahedza malanga nya gukhugege, ayo ma nga bani ma khungumudwe khu babe waye Ezekhiya, a emisa siluvelo sa Bhahali, a gira gifananiso nya lidingo, nya nga igyo gi nga girwa khu Akabi, mufumeli wa Israyeli; a di khidzimela sivangwa satshavbo sa ndzadzini, a si khozela.

2 Dzipfhumu 23:26

Ambari khu guralo, likhulo la Pfhumu Nungungulu, gima kha la nga bosa, kholu li di gu khondra khu tshivba, kholu a di gu gorogela Vajudha, khu kotani nya satshavbo a nga gorogiswago khiso khu Manasi.

2 Dzipfhumu 3:3

Khu guralo, a di namarela ga sighoho sa Jerobhowamo mwamana wa Nebhati, a nga ghohisa Israyeli watshavbo; a si hambani naso.

2 Dzikoronika 11:15

A dzi emisela abune vaphasi vaye nya mhamba, va malangani nya sigomo, nya gukhozele vanungungulu nya madhimoni, ni simombyana a nga si girago.

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

Nehemiya 9:25

Va di phanga madhoropa ma bhiyidwego, ni wulime nya gunone; ni gu wandra dzinyumba dzi tadego khu sombo nya lisima, ni milambo nya gukembwe nya mati, ni marembwe nya vhinya ni miolivha, ni misimbo nya yingi nya mihandro; va di hodza kala va khura, va nona, va tsaka khu kotani nya wuwadi wago nya wukhongolo.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Dzindzimo 106:29

Va di gorosa Nungungulu khu mithumo yawe nya guvivbe; gu di manega tungu vbakari gwawe.

Dzindzimo 50:17

nari gu uwe u ngu nyenya sihevbudzo sangu, ni gu vengela magana yangu, gani?

Dzindzimo 78:40

Dzinyondro dzingani va nga wugelago Nungungulu mugiwulani va mu pwisa wuvi tigoni mule nya gihala!

Dzindzimo 78:56

Ambari ulo, va na Israyeli va di tiya gu wugela Pfhumu Nungungulu, va mu linga, va si yingeli milayo yaye.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Ekisodha 34:17

U nga dzi gireli vanungungulu nya gupfhudwe khu sikete.

Jeremiya 32:18

Uwe u ngu pwela wuhindzi mazanazana nya situgulwana, gambe u ngu tsayisa sanana khu kotani nya sighoho sa vavelegi; uwe Nungungulu u khongolo nuri ni tshivba, lina lago khuwe Pfhumu Nungungulu nya Tshivba Yatshavbo!

Jeremiya 7:18

Sanana sa gu funya dzikhuni, vavelegi va vasa nilo, vanyamayi va suga wuguvbi gasi gu gira sibaba nya gulumbe nungungulu nya nyamayi a ranwago pwani Pfhumugadzi ya Ndzadzini. Gu diga nya isoso, va guya ningela miningelo nya wadwa ga vambe vanungungulu, va fela gu nyi gorosa va nyi wusela likhulo.

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Ezekiyeli 23:35

Khu guralo, Mune Pfhumu Nungungulu a ngu ganela kharati, khuye: “Kha nga olu u nyi divadego, ni gu nyi pfhurarela, u na tsayiswa khu gunyenyeza ni wubhayi u giridego.”

Ezekiyeli 8:17

Khavbo avbo, uye a di nyi embela, khuye: “Mwamana wa muthu, u si wone isoso, gani? Ina silo nya nga isoso, si vbevbugide ga va na Judha gu gira silo nya manyala nya nga esi, gani? Khandri va gu nyi gorosa? Wona! Avo va gu hidzimisa litamo vbafuvbi ni dzithonvu dzawe!

Ezekiyeli 8:3

Uye a di thawuludza gilo nya gufanane ni libogo a nyi mola khu ndzudzu. Liphuvbo li di nyi vega vbakari ni vbakari nya mafu ni ndzadzini, khu siwoniso sa Nungungulu, ilo li di nyi yisa Jerusalema, vbanyangwatunu nya mwanya wa Wuronga nya laba la ndrani, avbo gu nga bani gu vegidwe gifananiso gya nungungulu nya malipha, gi nga girisago wufu Nungungulu.

Levhi 19:4

Mu nga khozelini vanungungulu nya malipha, gambe mu nga dzi gireleni vanungungulu nya gupfhudwe khu sikete. Eni kheni Pfhumu Nungungulu wanu.

1 Vakorinto 10:22

Mwendro ha gu vbweta gukhethu Pfhumu a goroga? Mwa gu alakanya gukhenu hi na ni tshivba guvbindra uye, gani?

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.

Dhewuteronome 9:24

Enu mu va gu kanyisa Pfhumu Nungungulu, gukhugela litshigu nyi phedego gu mitini.

Valamuli 5:8

Avbo va na Israyeli, va nga bani va vbweta vambe vanungungulu, nyimbi yi di bela dzinyangwani gwawe, gu di si manegi gitshangu mwendro litshari, vbakari nya magumana magumi mazana (40. 000) ya Israyeli.