1 Dzipfhumu 14:8 - Bhibhiliya Nya Guage

⁸ Eni nyi wandride mufumo nyumbani ga Dhavhidhe, gasi nyi wu ningela ga uwe, aholu uwe khwa gira kha nga githumi gyangu Dhavhidhe, a nga bani na gu yingisa milayo yangu, a landrisa dzindzila dzangu khu monyo waye watshavbo, a gira basi silo nya gululame mahoni gwangu,

1 Dzipfhumu 14:8 Iomraidhean Croise

1 Dzipfhumu 15:5

Kholu Dhavhidhe a di gimbide khu ndzila nya gululame mbeli ga Pfhumu Nungungulu, gima kha nga ndreya ga sileletelo satshavbo, matshigu yatshavbo nya guvbanye gwaye, vbavbandze basi ga iso si nga mu dugelelago ga Uriya nya lifumbu nya Muhiti.

1 Dzipfhumu 3:14

Wa gu gimbila khu dzindzila dzangu, u sayisa sileletelo ni milayo yangu, kha nga babe wago Dhavhidhe, nyi na gu ninga guvbanya matshigu nya gulaphe.”

1 Dzipfhumu 3:3

Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

2 Dzikoronika 17:3

Pfhumu Nungungulu a diri ni Josafati, kholu uye a di gimbila khu dzindzila nya guhegule dza babe waye Asa, kha nga vbweta vanungungulu nya Vabhahali.

2 Dzikoronika 28:1

Akazi a diri ni magumavili myaga gikhati a phedego gufuma. Fumide likhumi na livbandre na moyo myaga Jerusalema. Kha nga thuma mithumo ya yadi mbeli ga Pfhumu Nungungulu, kha nga babe waye Dhavhidhe,

Mithumo 13:22

Nungungulu, na duside Sawule vbagikhalotunu nya wufumu, a di va tulela gu hatha Dhavhidhe kha nga mufumeli wawe. Khuye a nga mu thulago, khuye: ‘Nyi mane Dhavhidhe, mwamana wa Jese, mwamana a tsakisago monyo wangu, a nga londrowodzago guhaladza gwangu gwatshavbo.’

Mithumo 13:36

Wonani, Dhavhidhe fude hwane nya gu na enedzile matshigu nya thumo waye, na gu landrisa guhaladza gwa Nungungulu. Na dzingidwe, a di ya lala ni vababe vaye a gu hina.