1 Dzipfhumu 14:23 - Bhibhiliya Nya Guage

²³ Kholu avo navo, va di vbaha siluvelo malangani nya sigomo, ni gifananiso gya Asitaroti musigomoni gwatshavbo ni vbavbatshi nya misimbo yatshavbo nya gunyuge.

1 Dzipfhumu 14:23 Iomraidhean Croise

1 Dzipfhumu 12:31

Jerobhowamo a di vbaha siluvelo nya vanungungulu nya malipha musigomoni, a emisa vaphasi nya mhamba va vbakari nya vathu nya vanyalidede, va nga bani va siri sanana sa Levhi.

1 Dzipfhumu 14:15

Pfhumu Nungungulu a na bayisa gambe Israyeli gu khwatshi tshava yi gimbidziswago khu mati; Uye a na dusa Israyeli khu tigoni momu nya gwadi a nga bani a ningide vababe vaye, a va phalalegisa a va yisa khisikheyi nya tsongo wa Ewufrate, kholu khiyo iyoyo va na dzi girelago sifananiso nya vanungungulu nya liphanga, va wusa likhulo la Pfhumu Nungungulu.

1 Dzipfhumu 15:12

Kholu a di tutumisa vatshavbo vama va nga bani va gu gira wubhayi nya nayo (wukhongeli) bwelo khavbo a khungumulela satshavbo sifananiso si nga bani si giridwe khu vababe waye.

1 Dzipfhumu 20:23

Dzindruna dza mufumeli wa Siriya dzi di mu embela, khidzo: Vanungungulu vawe, vanungungulu va musigomoni; khidzo va nga hi palago khidzo; aholu ha gu va dhumela panini, ethu khethu hi na va pala.

1 Dzipfhumu 3:2

Matshigu yoyo vathu va di gu phasela malangani nya sigomo, kholu yi di si gu vbahwi nyumba yi lumbago lina la Pfhumu Nungungulu.

1 Dzipfhumu 3:3

Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

2 Dzipfhumu 10:26

va ya dusa madingo nya sithombe sa nyumbani ga Bhahali va si vbisa.

2 Dzipfhumu 16:4

Uye gambe phasede ni gu vbisa libani malangani nya gukhugege, musigomwanani ni dzitshinani nya misimbo yatshavbo yi thelago mahagane.

2 Dzipfhumu 17:16

Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

2 Dzipfhumu 17:19

Ambari Judha nuye, kha nga vegedza milayo ya Pfhumu Nungungulu waye; va di landrela sihena esi si nga emiswago khu va na Israyeli.

2 Dzikoronika 24:18

Va di hambana ni Nyumba ya Pfhumu Nungungulu wa vababe vawe, va thumela madingo nya sifananiso nya vambe vanungungulu nya malipha. Khu kotani nya gighoho gegi, gu dita ga Judha ni Jerusalema, likhulo la Nungungulu.

2 Dzikoronika 28:4

Giride gambe miphaselo nya gusonge sirengo ni gu vbisa libani malangani nya sigomo gumogo ni vbavbatshi nya misimbo yatshavbo nya gunyuge.

Ekisodha 34:13

Aholu mu na pfhungumulela malanga yawe nya miphaso, mu pandrelela sifananiso sawe, mu kokelela sihuru sawe nya miphaso.

Isaya 57:5

enu mu dzi furumedzago khu sifananiso vbavbatshi nya misimbo nya minvula ni vbavbatshi nya misimbo yatshavbo yi nyugago, mu songa sanana sanu mikovani, mu gira khiso miphaso mitsongoni, ni dziphagoni nya siwindri, gani?

Jeremiya 17:2

Sanana sawe sa gu alakanya siluvelo sawe, ni umo nya sifananiso sa Asera, ni vbavbatshi nya misimbo nya gunyuge ni musigomoni.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Ezekiyeli 6:13

Va na nyiti gukhavo kheni Pfhumu Nungungulu, gikhati sirumbi sa vathu vawe si na gu mbambamelago vbakari nya sifananiso sawe, ni bambe nya siluvelo sawe, ni musigigomoni gwatshavbo ni dzitshokhani gwatshavbo nya sigigomwana, vbavbatshi nya misimbo yatshavbo nya gunyuge, ni ga miguhu yatshavbo nya guaname, ni malangani yatshavbo va nga bani va gu vbisela umo libani sifananiso sawe nya vanungungulu.

Ezekiyeli 6:3

u va embela, khuwe: Enu sigomo sa Israyeli, upwani magana ya Pfhumu Nungungulu, a ngu ganela kharati ga enu sigomo, sigomwana, mitsongo ni mikova, khuye: Nyi womo vbafuvbi ni gu resa dzinyimbi dzi ta mi saselago; nyi na khungumula siluvelo sa vanungungulu vanu nya malipha.

Ezekiyeli 6:6

Ni evbini mu na ya vbahago umo, madhoropa ma na khungumudwa, ni siluvelo nya wuhedheni si na pandreledwa si khala marumbi, ni siluvelo sawe nya libani si na khungumudwa ni yatshavbo mithumo ya mandza yanu yi na fuviswa.

Hoseya 10:1

Israyeli a diri lithembwe nya gunone nya miuvha, li nga bani li ninga mihandro. Avbo gu nga andra mihandro yaye, a di andrisa gambe ni sihuru saye nya miphaso, avbo litigo laye li nga bani li gu engedzelana gunona, khu guralo, va di gira sithombe nya wumburi.

Levhi 26:1

“Mu nga dzi gireleni vanungungulu nya malipha, ambari gu emisani sifananiso nya guvatwe ni sihuru, tigoni gwanu mu nga dzi gireleni siwindri mu si mburisela gasi mu si khozela; kholu Eni kheni Pfhumu Nungungulu wanu.

Mikeya 5:14

Nyi na dusa vbakari gwago sihuru sa vanungungulu vago, nyi khungumula madhoropa yago.

Dhewuteronome 12:2

Mu naya khungumulela muphelo malanga yatshavbo va phaselago umo vanungungulu vawe vathu muya va fumelago: Vbatshani nya sigomo nya gulaphe ni sigomwana, ni vbavbatshi nya misimbo nya gunyuge;

Dhewuteronome 16:22

U nga tsitsi lidingo nya gifananiso, kholu khiso a si nyenyego Pfhumu Nungungulu wago.