1 Dzipfhumu 14:11 - Bhibhiliya Nya Guage

¹¹ Ni wevbini muthu a lumbago Jerobhowamo, a gu fela dhoropani, a na hodzwa khu dzimbwa, avo va na felago khabini, va na rothedwa khu sinyoni sa damboni, kholu pfhumu Nungungulu ganede isoso.

1 Dzipfhumu 14:11 Iomraidhean Croise

1 Dzipfhumu 13:34

Egi khigyo givangelo nya gighoho nya ndranga ya Jerobhowamo, gu kala yi mbembiswa ni gu fuviswa mafuni.

1 Dzipfhumu 15:29

Me ni gu khala vbagikhalotunu nya wufumu, a diya mbembisa ndranga yatshavbo ya Jerobhowamo, nyamba tshiya ni moyo nya guvbanye, kha nga guganela ga Pfhumu Nungungulu, ugo a ganedego khu ga githumi gyaye Ayiya wa Silo.

1 Dzipfhumu 16:3

Wona nya gukhuwe nyi na mbembisa situgulwana sa Bhahasa ni livelego la nyumbani gwago, nyi gira kha nga idzo nyi nga girago ndranga ya Jerobhowamo, mwamana wa Nebhati.

1 Dzipfhumu 16:4

Ni wevbini muthu wa nyumbani ga Bhahasa a na felago dhoropani, a na hodzwa khu dzimbwa, ni oyu a na gu felago khabini, a na rothedwa khu sinyoni sa damboni.”

1 Dzipfhumu 21:19

U na mu embela, khuwe: Pfhumu Nungungulu wari, khuye: “Guhegula u songide, olu wa gu vbweta gu dzega thomba ya muthu a gu mwalo nandru, gani? U engedza gambe u mu embela, khuwe: Pfhumu Nungungulu a ngu ganela, khuye: Wulangani wu dandzedwego novba wa Nabhoti khu dzimbwa, dzi naya dandzela gambe novba wago.”

2 Dzipfhumu 9:9

Kholu nyumba ya Akabi, nyi na yi gira kha nga idzo nyi nga gira nyumba ya Jerobhowamo, mwamana wa Nebhati, kha nga nyumba ya Bhahasa, mwamana wa Ayiya.

Isaya 40:5

Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 66:24

Va na duga vaya wona sirumbi nya vathu va nga nyi wugelago; kholu siwungu sawe gima kha si na ngafa, ambari nilo wawe, kha wu na tshimega; gu na bani guri tshanisa ga vathu vatshavbo.

Jeremiya 15:3

Pfhumu Nungungulu a ngu ganela khuye, nyi na va rumela dzimhango dzina nya sitsayiso a gu edzi: Va na songwa khu matshari, sirumbi sawe si ndrindrwa khu dzimbwa, nyama yawe yi rothedwa khu sinyoni sa damboni ni gu hodzwa khu sirengo sa khabini si va vbiyela.

Jeremiya 34:20

nyi na va ningela mandzani ga valala vawe ni ga vatshavbo va vbwetago gu va sasela, sirumbi sawe nyi na si ningela si khala guhodza nya sinyoni sa damboni ni sirengo sa khabini.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?