1 Dzipfhumu 14:10 - Bhibhiliya Nya Guage

¹⁰ Wona nya gukhuwe, nyi na wusa libango nyumbani ga Jerobhowamo. Nyi na wandra mandzani ga Jerobhowamo, vathu vatshavbo nya vama nya vakhongolo navo nya vadugwana, dzikhumbi navo nya gutshulege tigoni ga Israyeli, nyi na vbiyela situgulwana satshavbo sa nyumbani ga Jerobhowamo, gukhwatshi ndzilo yi vbiyedwago hiyo bhi.

1 Dzipfhumu 14:10 Iomraidhean Croise

1 Dzipfhumu 13:34

Egi khigyo givangelo nya gighoho nya ndranga ya Jerobhowamo, gu kala yi mbembiswa ni gu fuviswa mafuni.

1 Dzipfhumu 16:11

Me ni gu khala vbagikhalotunu nya wufumu, a khala mufumeli, a di rumela guya sasela ndranga yatshavbo ya Bhahasa, nyamba tshiya ni muthu moyo nya girambo nya mwama, ga valongo vaye ni ga dzipari dzaye.

1 Dzipfhumu 16:3

Wona nya gukhuwe nyi na mbembisa situgulwana sa Bhahasa ni livelego la nyumbani gwago, nyi gira kha nga idzo nyi nga girago ndranga ya Jerobhowamo, mwamana wa Nebhati.

1 Dzipfhumu 21:21

Wona nya gukhuwe nyi na resa libango mbeli gwago, nyi na vbiyela livelego lago latshavbo, nyi na vbedza vama vatshavbo va nyumbani ga Akabi, madzaha ni vakhongolo, dzikhumbi ni vatshulegidego va tigoni ga Israyeli.

2 Dzipfhumu 14:26

Kholu Pfhumu Nungungulu a di wona tshanisa nya yikhongolo ya na Israyeli, kholu a diri mwalo nya gu tshale, nya tshivba nuye nya gusolege, gu diri mwalo ni moyo nya gu va phasedzele.

2 Dzipfhumu 21:13

Nyi na pima Jerusalema khu ngodzi nya lipimo nyi nga pimago khiyo Samariya, ni pimo nya nyumba ya Akazi; nyi na guha Jerusalema, kha nga idzo muthu a guhago mbiya a yi fenengedza.

2 Dzipfhumu 9:37

Girumbi gya Jezabheli, gi na khala kha nga gitoromu mahangeni ya Jezireyeli; avbo gu na gumba ganedwa gambe gupwani: “Oyu khu Jezabheli.”

Joba 20:7

uye a na hina gu fanana ni ndzilo yaye kala gupindruga, ni vale va mu wonego va na khavo: “Gasi olu womo hayi!”

Dzindzimo 83:10

U nga va mbembisa dhoropani ga Eni-Dhori; sirumbi sawe si hinidego mafuni.

Isaya 14:19

Aholu uwe wa gu dzudzugwa hwindzo ni lithowo lago, u fanana ni litamo nyamba phasa gilo, girumbi gyago gi na rinywa phalani nya siwindri, gi fenengedzwa khu sirumbi sa avo va nga songwa khu matshari, avo sirumbi sawe si relelago phalani, si pfareledwa khu siwindri.

Isaya 14:23

Nyi na li gira li khala wuvbahelo nya mapfhuguli. Li na vbindrugedza li khala wulanga nya mati nya guhine, nyi na li vbiyela khu piyelo nya gumbembise, a ngu ganela Pfhumu Nungungulu nya Tshivba Yatshavbo.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Jeremiya 32:18

Uwe u ngu pwela wuhindzi mazanazana nya situgulwana, gambe u ngu tsayisa sanana khu kotani nya sighoho sa vavelegi; uwe Nungungulu u khongolo nuri ni tshivba, lina lago khuwe Pfhumu Nungungulu nya Tshivba Yatshavbo!

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Ezekiyeli 26:4

Ayo ma na khungumula mabhiyo ya Tiro, gambe va na theselela makhokhola yaye; eni nyi na vbiyela kudzudzwane waye, nyi gira khuwo giwindri nya gutiye.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Sofoniya 1:17

Nyi na pwisa wuvi vathu, avo va na gimbila khu gu phiphithela nga sikhumu, kholu va ghohede Pfhumu Nungungulu, novba wawe wu na vbalaga nga kudzudzwane ni sirumbi sawe si na khala nga ndzilo.

Malakiya 2:3

Nyi na tsayisa situgulwana sanu, nyi gwiringela khovbeni gwanu, swanyi nya sirengo mu nyi luvago khiso, mu na dzudzugwa vbavbandze gumogo ni swanyi nya mibuzo yanu.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.

1 Samuweli 25:22

Nungungulu a na nyi tsayise khu tshivba, nya gukala nyi diga mwama moyo basi a vbanya vbakari nya avo kala gugya mindru.

1 Samuweli 25:34

Kholu, nyi ngu tiyisa mbeli ga Pfhumu Nungungulu wa Israyeli, a nyi himbedzedego gu gu girela guvivba, naripwani khwa nga vbiredzela gu nyi khinga, mindru vbadzimindrutunu, ndrangani ga Nabhali, na ga sa tshala ni moyo basi mwama.”