1 Dzipfhumu 13:9 - Bhibhiliya Nya Guage

⁹ Kholu Pfhumu Nungungulu a nyi leletede kharati khu magana yaye, khuye: “U nga hodzi guhodza, ni gu sela mati ni gu wuya khu ndzila u nga hongolago khiyo.”

1 Dzipfhumu 13:9 Iomraidhean Croise

1 Dzipfhumu 13:1

Khu guruma ga Pfhumu Nungungulu, gu dita muthu wa Nungungulu khu Judha aya Bheteli, gikhati Jerobhowamo a nga bani nari vbagiluvelotunu gasi gu vbisa libani.

1 Dzipfhumu 13:10

Khu guralo, a di bwelela khu yimbe ndzila nyamba bela khiyo a nga hongolago khiyo Bheteli.

1 Dzipfhumu 13:16

Muthu wa Nungungulu a di ganela, khuye: “Kha nyi dzi kodzi gu hongola nago, nyiya hodza, ambari gu sela mati wulangani wowu.”

1 Dzipfhumu 13:19

Muthu wa Nungungulu a di bwelela naye, aya hodza ni gusela mati ndrangani gwaye.

1 Dzipfhumu 13:8

Aholu muthu wa Nungungulu a di phindrula mufumeli, khuye: Ambari nari gupwani u di nyi ninga gipandre nya ndranga yago, gima nya sa dzumela gu hongola nago, ambari gu hodza guhodza ni gu sela mati wulanga wowu.

Joba 23:12

Kha nya hambana ni sileletelo sa kanani gwaye, magana yaye nyi ma vegedzide ndrani nya monyo wangu.

Dzindzimo 141:4

U nga digi monyo wangu wu dogorela guvivba; nyi nga hengeli ni va nya guvivba mithumoni gwawe, mwendro gu hodza navo mibuzo yawe.

Mitengo 16:26

A di embela tshangano, khuye: “Ndreyani mitshatshani nya vathu vava nya guvivbedwe khu myonyo, mu nga khumbi ni gimwegyo gi va lumbago, mu nga mbembiswa khu kotani nya sighoho sawe.”

Johane 13:17

Kha nga olu mu sitigo silo sesi, mu na bani mu kategile mwa gu si landrisa.

Johane 15:14

Enu mu dzipari dzangu mwa gu girani iso nyi mi rumago.

Varoma 16:17

Nyi ngu mi tivisani, vandruye, gukheni dzi woneleni ga vale va wusago guhambana ni gu yala gukanakana sihevbuloni mu hakhidego. Gimbilelani hwindzo navo,

1 Vakorinto 5:11

Gasi eni nyi mi lovede gukheni mu si thangini wupari ni wule a gukhuye mukhodwa ga Kristo nari muthu nya wubhayi, nya lidiwo, nya guphasele vanungungulu nya malipha, nya guvale, ni guleva ni guba. Muthu nya nga yoyo mu nga hodzelani naye, ambari gu khala naye meza mweyo.

Vaefeso 5:11

Mu nga hengeli gumogo ni vale va vbanyelago gidemani, mithumoni yawe nyamba phasa gilo; aholu yi ganedzeni nyamba yi vegedzela.

Gutuledwa 18:4

Nyi dipwa gambe lito khu ndzadzini, na li gu ganela, khilo: “Dugani enu vathu vangu khu dhoropani momo, gasi mu si hengeli naye sighoho saye, mu patwa nenu sitsayisoni gwaye.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.