1 Dzipfhumu 13:5 - Bhibhiliya Nya Guage

⁵ Giluvelo gi di pandrega, nguma wu vbalaga, kha nga giyeyedzo gi nga girwago khu muthu wa Nungungulu, na gu rumedwa khu Pfhumu Nungungulu.

1 Dzipfhumu 13:5 Iomraidhean Croise

1 Dzipfhumu 13:3

Khu litshigu lile kamwe, muthu wa Nungungulu a di gira giwonegiso, khuye: “Egi khu giwonegiso Pfhumu Nungungulu a ganedego, khuye: Giluvelo gi na pandrega, ni nguma wu guromo vbatshani nya igyo wu na vbiyedwa.”

1 Dzipfhumu 13:4

Avbo mufumeli Jerobhowamo, a nga yingisago magana ya muthu wa Nungungulu a nga bani na gu ma huwelela khu giluvelo gya Bheteli, a di thawuludza mandza vbagiluvelotunu a rumela, khuye: “Mu moleni!” Aholu libogo a nga li thawuludzago, li di khwanyela li banga nyamba petega gambe.

1 Dzipfhumu 13:6

Khavbo avbo, mufumeli a di embela muthu wa Nungungulu, khuye: “Lombelela mbeli ga Pfhumu Nungungulu wago, u lombelela khu eni, gasi libogo langu li tshulega.” Muthu wa Nungungulu a di mu lombelela ga Pfhumu Nungungulu, libogo la mufumeli li di hawuluga li khalega kha nga gale.

1 Dzipfhumu 17:16

Wuguvbi kha wa nga vbela gifugoni, ni mafura kha ma nga vbela mu gigasini; kha nga guganela ga Pfhumu Nungungulu, a nga ganelago khu ga Eliya.

1 Dzipfhumu 22:28

Aholu Mikeya di hakha, khuye: “Wa gu wuya khu gurula, gu yeyedza gupwani Pfhumu Nungungulu kha ganela khavbo gwangu. A engedza gambe, khuye: Mayigo yatshavbo guvbweta ma yingisa esi nyi ganelago!”

1 Dzipfhumu 22:35

Litunga li di tshinga khu tshivba ngudzu litshigu latshavbo, mufumeli a di ema karetani mbeli ga Vaasiriya. Ni silambo a difa, novba nya gilondra wu di goga wu banga karetani.

Amosi 3:14

Khu litshigu nyi natago nyita tsayisa Israyeli khu kotani nya sighoho saye, nyi na khungumula siluvelo sa Bheteli ni dzikeho nya siluvelo dzi na pidwa dzi thega vbavbatshi.

Marko 16:20

Vapizane va di khuga khu vbale va gimbila va tivisa Ivhangeli malangani yatshavbo. Pfhumu a di thumisana navo, a tiyisa magana yawe khu siliwugiso va nga bani va gu gira. Amen.

Dhewuteronome 18:22

Dziti gwadi nya gukhuwe muprofeti yoyu a gu ganela khu lina la Pfhumu Nungungulu, aholu magana yaye ma si landriswi, ni gumba dugelela kha nga idzo a nga profetago khidzo, gu yeyedza gupwani magana yoyo khandri ya Pfhumu Nungungulu; a ma ganede khu matshandza yaye muprofeti yoyu; u nga thedwi hwanga khuye.”