1 Dzipfhumu 13:34 - Bhibhiliya Nya Guage

³⁴ Egi khigyo givangelo nya gighoho nya ndranga ya Jerobhowamo, gu kala yi mbembiswa ni gu fuviswa mafuni.

1 Dzipfhumu 13:34 Iomraidhean Croise

1 Dzipfhumu 12:26

Jerobhowamo a di pimisa khu monyoni gwaye, khuye: “Olu kamwe mufumo wu na wuya nyumbani ga Dhavhidhe.

1 Dzipfhumu 12:30

Khu magirelo yaya, gu di vanga gighoho nya gikhongolo ngudzu, kholu vathu va di hongola tigoni ga Dhani, guya khozela gimombyana.

1 Dzipfhumu 14:1

Khu gikhati gile, a di dwala Abhiya mwamana wa Jerobhowamo.

1 Dzipfhumu 14:10

Wona nya gukhuwe, nyi na wusa libango nyumbani ga Jerobhowamo. Nyi na wandra mandzani ga Jerobhowamo, vathu vatshavbo nya vama nya vakhongolo navo nya vadugwana, dzikhumbi navo nya gutshulege tigoni ga Israyeli, nyi na vbiyela situgulwana satshavbo sa nyumbani ga Jerobhowamo, gukhwatshi ndzilo yi vbiyedwago hiyo bhi.

1 Dzipfhumu 14:11

Ni wevbini muthu a lumbago Jerobhowamo, a gu fela dhoropani, a na hodzwa khu dzimbwa, avo va na felago khabini, va na rothedwa khu sinyoni sa damboni, kholu pfhumu Nungungulu ganede isoso.

1 Dzipfhumu 14:16

Israyeli a na ningedwa khu kotani nya sighoho si nga girwago khu Jerobhowamo, esi a nga gira a ghohisa khiso va na Israyeli.”

1 Dzipfhumu 14:7

Indra uya embela Jerobhowamo, khuwe: Pfhumu Nungungulu wa Israyeli, a ngu ganela kharati, khuye: Nyi gu duside vbakari nya vathu nyi gu gira muthangeli vbakari ga vathu vangu, va na Israyeli.

1 Dzipfhumu 15:25

Khu mwaga nya wuvili nya gufume ga Asa, mufumeli wa Judha, Nadhabhi, mwamana wa Jerobhowamo, a di phela gu fumela Israyeli, fumide myaga mivili tigoni ga Israyeli.

1 Dzipfhumu 15:26

A di gira ugo guvivbidego mahoni ga Pfhumu Nungungulu, a landrela dzindzila nya sighoho si nga girwago khu babe waye, a nga ghohisa va na Israyeli vatshavbo.

1 Dzipfhumu 21:22

Nyi na gira ndranga yago kha nga idzo nyi giridego ndranga ya Jerobhowamo, mwamana wa Nebhati, kha nga ndranga ya Bhahasa, mwamana wa Ayiyasi, kholu u wuside likhulo langu bwelo khavbo, u ghohisa ni va na Israyeli.”

2 Dzipfhumu 10:29

Ambari khu guralo, Jewu kha nga hambana ni sighoho sa Jerobhowamo, mwamana wa Nebhati, uye a nga ghohisa va na Israyeli, khu gu wumba simombyana nya ndralama, si nga bani siri Bheteli ni Dhani.

2 Dzipfhumu 10:31

Aholu, Jewu kha nga khathala gilo khu gu gimbila khu nayo wa Pfhumu Nungungulu wa Israyeli, ambari gu hambana ni sighoho sa Jerobhowamo, a nga ghohisa Israyeli.

2 Dzipfhumu 17:21

Avbo Pfhumu Nungungulu a nga hambanisago va na Israyeli ni nyumba ya Dhavhidhe, avo va di emisa Jerobhowamo, mwamana wa Nebhati; Jerobhowamo a di ndreyisa va na Israyeli, va si landreli Pfhumu Nungungulu, a va ghohisa khu gu gira gighoho nya gikhongolo.

Mavingu 13:6

Gululama gu ngu hetedza muthu a gu ni mavbanyelo nya yadi, aholu gighohi gi ngu mbemba khu mithumo yaye.

Jeremiya 28:16

Khu guralo, Pfhumu Nungungulu a ngu ganela kharati, khuye: Wona nya gukhuwe Eni nyi na gu dusa mafuni, u nafa ndrani nya mwaga yoyu, kholu u profetide malipha u wugela Pfhumu Nungungulu.”

Hoseya 10:8

Malangani nya gukhugege ya Bheti-Avheni, a gu tsindza nya giwono gya Israyeli, gu na pfhungumudwa; miba ni sirangalabwa, si buga vbatshani nya siluvelo sawe. Khavbo avbo, va na embela sigomo, khavo: “Hi fenengedzeni!” Ga sigomwana, khavo: “Hi futeleni!”