1 Dzipfhumu 13:32 - Bhibhiliya Nya Guage

³² Kholu ma na tadzisega magana ya Pfhumu Nungungulu a nga huwelelago khu mahungu nya giluvelo gi guromo Bheteli, gumogo gambe ni dzinyumba dzatshavbo dzi guromo musigomoni sa madhoropani ga Samariya.”

1 Dzipfhumu 13:32 Iomraidhean Croise

1 Dzipfhumu 12:29

A di vega gimombyana gimwegyo Bheteli, gimbe aya gi vega Dhani.

1 Dzipfhumu 12:31

Jerobhowamo a di vbaha siluvelo nya vanungungulu nya malipha musigomoni, a emisa vaphasi nya mhamba va vbakari nya vathu nya vanyalidede, va nga bani va siri sanana sa Levhi.

1 Dzipfhumu 13:2

A dita laledza vbagiluvelotunu khu magana ya Pfhumu Nungungulu, khuye: “Giluvelo, giluvelo! Pfhumu Nungungulu, a ngu ganela kharati, khuye: Khumo nya lihundzu la Dhavhidhe, gu na velegwa gyanana gi na ranwago pwani Josiya, uye a na songa vbatshani gwago, vaphasi nya mhamba va malangani nya sigomo va gu vbiselago libani, va na gu vbisela khu marambo nya vathu.”

1 Dzipfhumu 16:24

A di renga gigomo gya Samariya ga Semeri khu dzitaleta dzimbili nya parata. A di vbaha lidhoropa mugigomoni momo, a li rana khuye Samariya, khu kotani nya lina la Semeri, a nga bani ari mune nya gigomo gyogyo.

2 Dzipfhumu 17:29

Aholu litigo ni litigo li di gira vanungungulu vaye, va vega dzinyumba dza malangani nya gukhugege, dzi vbahidwego khu va Samariya, litigo ni litigo dhoropani gwaye va nga bani va vbanyela umo.

2 Dzikoronika 25:13

Aholu tsawa nya vama nya masotshwa owu Amaziya a nga va bweledzago khu gumba vbweta gu hongola navo nyimbitunu, va diya sasela madhoropa ya na Judha, gukhugela Samariya kala Bheti-Horoni; va di sasela magumararu mazana (3.000) vathu ni gu phanga thomba nya yingi ngudzu.

Ezira 4:10

ni mambe mafumbu ayo mulovi nya ndruma Osinapari, a va residego khumo va luvedego umo a va resa madhoropani ya Samariya, ni mambe ya khisikheyi nya tsongo wa Ewufrate.”

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Mithumo 8:14

Vapostoli va nga bani va romo Jerusalema, na va tivisidwe gupwani Samariya va hakhide magana ya Nungungulu, va di rumela iyoyo Pedro ni Johane.