1 Dzipfhumu 13:3 - Bhibhiliya Nya Guage

³ Khu litshigu lile kamwe, muthu wa Nungungulu a di gira giwonegiso, khuye: “Egi khu giwonegiso Pfhumu Nungungulu a ganedego, khuye: Giluvelo gi na pandrega, ni nguma wu guromo vbatshani nya igyo wu na vbiyedwa.”

1 Dzipfhumu 13:3 Iomraidhean Croise

1 Dzipfhumu 13:4

Avbo mufumeli Jerobhowamo, a nga yingisago magana ya muthu wa Nungungulu a nga bani na gu ma huwelela khu giluvelo gya Bheteli, a di thawuludza mandza vbagiluvelotunu a rumela, khuye: “Mu moleni!” Aholu libogo a nga li thawuludzago, li di khwanyela li banga nyamba petega gambe.

2 Dzipfhumu 20:8

Ezekhiya a di embela Isaya, khuye: “Khu gevbini giwonegiso gi yeyedzago gupwani Pfhumu Nungungulu a na nyi vbanyisa, ni gukhuye khu litshigu nya wuraru nyi na gwela Nyumbani ga Pfhumu Nungungulu, na?”

Ekisodha 4:1

Aholu Mosi a di phindrula, khuye: “Ahati avo va gumba khodwa gwangu, va si yingisi lito langu va ganela, khavo: Pfhumu Nungungulu gima kha dzi wonegisa gwago!”

Ekisodha 7:10

Khavbo avbo, Mosi ni Aroni va diya ga Faro va ya gira idzo va nga rumwago khu Pfhumu Nungungulu, Aroni a di rinya ndronga yaye mbeli ga Faro ni ga dzindruna dzaye, ndronga yi di vbindrugedza yi khala nyoga.

Isaya 38:22

Khavbo avbo, Ezekhiya a di va wudzisa, khuye: “Khu gevbini giyeyedzo gyakone nyi na khodwago khigyo kheni nyi na gwela nyiya Nyumbani ga Pfhumu Nungungulu?”

Jeremiya 44:29

Pfhumu Nungungulu a ngu ganela, khuye: Eyi yi na bani yiri ndzila nya gu yeyedze ga enu nyi na gu mi tsayisago ga wulanga wowu, gasi mu dziti nya gukhenu magana yangu ma ngu tadzisega, khu gu wonani libango li na gu thegelago vbatshani gwanu.

Johane 2:18

Khavbo avbo, Vajudha va di mu wudzisa, khavo: “Giyeyedzo muni u hi ningago gasi hi khodwe nya gukhethu u na ni fanelo nya gugire esi?”

1 Vakorinto 1:22

Kholu Vajudha va gu lomba siliwugiso, Vagreki va gu vbweta guti.

Valamuli 6:17

Gidhiyoni a di engedza gambe a ganela, khuye: “Nya gu bani nyi manide makategwa mahoni gwago, nyi ninge giyeyedzo nya gu khigyo, khuwe kamwe u ganelago ni eni.

1 Samuweli 2:34

Iso si na giregago ga sanana sago, Hofini ni Fineya, si na bani siri giyeyedzo gwago; vatshavbo va nafa litshigu limwedo, gasi u khodwa gukhuwe esi nyi ganedego lisine.