1 Dzipfhumu 13:26 - Bhibhiliya Nya Guage

²⁶ Muprofeti a nga mu bweledzago na pwide mahungu yaya a di ganela, khuye: “Uyoyo khu muthu wa Nungungulu a nga hambanisago magana ya Pfhumu Nungungulu! Pfhumu Nungungulu a di mu ningela a songwa khu nghala, kha nga idzo magana ya Pfhumu Nungungulu ma nga bani ma mu leletede khidzo.

1 Dzipfhumu 13:26 Iomraidhean Croise

2 Samuweli 12:10

Khu guralo, litshari gima kha li na nga duga nyumbani gwago, kholu u nyi yeyiside, u dzega ngadza Uriya, nya Muhiti, a khala mwangadzi wago.

2 Samuweli 12:14

Aholu kha nga u gorosidego Nungungulu khu iso u giridego, khu lisine mwamana a gu velegedego a nafa.

1 Dzipfhumu 13:25

Gu di vbindra khu vbale vathu nya gukari, va di wona girumbi gyaye na gi de tshandzala ndzilani, gumogo ni nghala yi nga bani na yiri vbagirumbitunu, va dita ganela dhoropani umo a nga bani na guvbanya umo muprofeti nya gikhosane.

1 Dzipfhumu 13:27

Muprofeti a di embela sanana saye, khuye: “Nyi ghabhateseleni buru yangu.” Avo va di yi ghabhatisa.

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Mavingu 11:31

Muthu nya gululame a na mana tshatshazelo waye mafuni momo; ahati va nya guvivbedwa khu monyo ni sighohi va na gira kharini?

Ezekiyeli 9:6

Songetelani sikhosane, madzaha ni dzimbiri, vanyamayi ni sanana. Aholu mu nga khuhi ni moyo nya vale va gu na ni gifungo. Phelani khu Wulangani gwangu nya Guage.” Khavbo avbo, avo va di phela khu vathangeli va nga bani vari mbeli nya Nyumba ya Nungungulu.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

1 Vakorinto 11:30

Khigyo gi giridego gu manega vbakari gwanu nya vangi va vbedego tshivba, va dwalago, ni vambe nya vangi va fudego.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?