1 Dzipfhumu 13:18 - Bhibhiliya Nya Guage

¹⁸ Aholu muprofeti nya gikhosane a di mu embela, khuye: Eni neni nyi muprofeti, ngilozi yi nyi embede khu magana ya Pfhumu Nungungulu, khiyo: Mu bweledze u wuya naye gaya gwago, gasi uye a ta hodza guhodza ni gu sela mati, aholu uye a di gu mu liphela.

1 Dzipfhumu 13:18 Iomraidhean Croise

Genesi 27:24

Ambari ulo a di mu wudzisa nyaluphye, khuye: “Ina kamwe khu lisine khuwe gyanana gyangu Esawu, gani?” Jakobe a di hakha, khuye: “Ina kheni.”

Genesi 3:13

Pfhumu Nungungulu a di wudzisa nyamayi, khuye: “Ginani u giridego?” Nyamayi a di hakha, khuye: “Nyoga khiyo yi nga nyi senga, eni nyi wu hodza.”

1 Dzipfhumu 13:19

Muthu wa Nungungulu a di bwelela naye, aya hodza ni gusela mati ndrangani gwaye.

1 Dzipfhumu 20:35

Moyo nya sanana sa vaprofeti, khu guruma ga Pfhumu Nungungulu, a di embela moyo nya vabangaladzi vaye, khuye: “Nyi vete gibhakela; aholu mwama wule a di bomba gu mu veta.

1 Dzipfhumu 22:22

Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

Mavingu 12:19

Magana nya lisine ma gu simama kala gupindruga, aholu lidimi li ganelago malipha, kha li vbohi hwindzo.

Mavingu 12:22

Pfhumu Nungungulu a ngu vengana ni va nya malipha, aholu a gu tsakiswa khu avo va ganelago lisine.

Mavingu 19:5

Fakazi nya malipha gima kha yi na hamuga tsayiso, ni wule a ganelago malipha kha na vbuluga.

Isaya 36:10

Gu diga isoso, ina wa gu alakanya gukhuwe nya gu tela guta sasela litigo leli, nyamba rumwa khu Pfhumu Nungungulu, gani? Kholu uye Pfhumu Nungungulu kamwe a nyi embede, khuye: Indra tigoni mule u ya sasela.

Isaya 9:15

Hungo khu madhota ni vale nya guthavisege, muprofeti a va hevbudzago malipha, khuye a gu ngila.

Jeremiya 23:14

Aholu vbakari ga vaprofeti va Jerusalema nya gu wona silo nya guthise ngudzu; va gu gira wuphuphulu gumogo ni malipha, va gu kutsedzela vale va girago guvivba, gasi va si digi guvivba gwawe; vatshavbo nya gu va wona va gu fanana ni Sodhoma, ni vavbanyi va Jerusalema, va gu fanana ni Ghomora.

Jeremiya 23:17

Va gu simama va embela vale va bombago magana yangu, khavo: Pfhumu Nungungulu a ngu ganela, khuye: Mu na khalega khu gurula; va tiyisa gambe vale va si khathaligo khu magana yaye, khavo: “Li mwalo libango li na gu mi dugelelago.”

Jeremiya 23:32

Eni Pfhumu Nungungulu nya gu dwana ni vaprofeti va resago dzindroro nya malipha, va pengisa vathu vangu, khu malipha yawe nya gukanganyise; aholu na siri eni nyi va rumidego ni gu va ninga nayo yoyu. Khu guralo, gimwalo giphaso va resago ga vathu; a ngu ganela Pfhumu Nungungulu.

Jeremiya 29:31

Rumela gu embedwa vatshavbo va vbagedwego mayelano khu Simaya, Muneyemi, khuwe: Kha nga olu Simaya, a nga dzi gira muprofeti avbo gwanu, mu khodwa gwaye khu malipha na sa rumwa kheni,

Jeremiya 29:32

Pfhumu Nungungulu a ngu ganela kharati, khuye: Simaya Muneyemi nyi na mu tsayisa gumogo ni livelego laye; mwalo ni moyo nya gitugulwana gyaye a na gu khalago tigoni momu, avo gima kha va na wona makategwa nyi na gu girelago vathu vangu, uye ganede magana nya gu vale Pfhumu Nungungulu. A ngu ganela Pfhumu Nungungulu.

Jeremiya 5:12

Va di ganedza Pfhumu Nungungulu, khavo: “Gima kha hi na dugeledwa khu libango; gima kha hi na sasedwa khu matshari, ambari gufa khu ndzala.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Ezekiyeli 13:8

Khu guralo, Pfhumu Nungungulu a ngu ganela kharati, khuye: Khu kotani nya magana yanu nya wukanganyisi, ni mawonelo yanu nya malipha, nyi na mi wugela. A ngu ganela Pfhumu Nungungulu.

Mitengo 22:35

Aholu Ngilozi ya Pfhumu Nungungulu yi di hakha Bhalahama, khiyo: “Indra ni vama vava aholu indra u ya ganela basi igyo nyi na gu rumago gu ya ganela.” Bhalahama a di simama a hongola ni vasingalagadzi va Bhalaki.

Matewu 24:24

kholu va na dugelela Vakristo ni vaprofeti nya malipha, va na gu girago siliwugiso nya sikhongolo, gule nya gu, samba gwadi, ambari sihathwa si na pengiswa niso.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

Vagalatiya 1:8

Gani khu mani mumbe muthu a na tago ata mi tivisa yimbe Ivhangeli nya guhambane ni eyi hi mi tivisidego ethu, a na vadwe. Ambari nari eni mune, ambari nari ngilozi nya gute khu Ndzadzini!

1 Thimoti 4:1

Aholu Liphuvbo nya Guage li ngu ganela lisine, li gukhilo khu gikhati nya guhegise vambe va na diga gukhodwa, va yingisa maphuvbo nya malipha, va landra sihevbulo sa Sathane.

1 Thimoti 4:2

Va na landrisela ava va hevbudzago malipha khavo lisine, ava mapimo yawe ma fudego.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.

Valamuli 13:3

Ngilozi ya Pfhumu Nungungulu yi di wonega ga nyamayi yoyu, yi mu embela, khiyo: “Nyi ngu gu wona gukheni u gyumba gima u si gu khuri mimba; gasi olu u na khura mimba u velega gyanana nya gikhwathana.