1 Dzipfhumu 13:13 - Bhibhiliya Nya Guage

¹³ Khavbo avbo, a di embela sanana saye, khuye: “Nyi ghabhateseleni buru yangu.” Va di mu ghabhatesela, a yi khilela.

1 Dzipfhumu 13:13 Iomraidhean Croise

2 Samuweli 19:26

Uye a di hakha, khuye: “Uwe muemeli ni mune wangu, githumi gyangu khigyo gi nga nyi kanganyisa; kholu githumi gyago gi di gu, khigyo: Nyi na va embela va nyi ghabhatela buru nyi na khilela khiyo, nyi hongola ni mufumeli, kholu eni githumi gyago nyi gilima.

1 Dzipfhumu 13:12

Babe wawe a di va wudzisa, khuye: “Khu yevbini ndzila a bedego, khiyo?” Sanana saye si di mu yeyedza ndzila a bedego khiyo muthu wa Nungungulu a ngatago khu Judha.

1 Dzipfhumu 13:14

A di landra muthu wa Nungungulu, aya mu mana na khade vbavbatshi nya nguhu, a mu embela, khuye: “Khuwe muthu wa Nungungulu u dzudego khu tigoni ga Judha, gani?” Uye a di hakha, khuye: “Kheni.”

1 Dzipfhumu 13:27

Muprofeti a di embela sanana saye, khuye: “Nyi ghabhateseleni buru yangu.” Avo va di yi ghabhatisa.

Mitengo 22:21

Khu guralo, Bhalahama a di khuga ni dzimindru ngudzu, a ghabhata buru yaye a hongola gumogo ni vasingalagadzi va Mowabhi.

Valamuli 10:4

Uye a diri ni magumararu sanana si nga bani si gu khilela magumararu dziburu, na vari ni magumararu madhoropa va nga bani va ma rana khu lina la Havoti-Jayiri kala na muhuno; va guromo tigoni ga Gileyadhi.

Valamuli 5:10

Enu mu khiledego dziburu nya guage, enu mu khalago vbamalawutunu nya wumburi, ni enu mu gimbilago dzindzilani, phalalegisani mahungu yaya.