1 Dzipfhumu 12:16 - Bhibhiliya Nya Guage

¹⁶ Avbo vatshavbo va na Israyeli, va nga wona gukhavo mufumeli kha va yingisi, vathu va di engedza va ninga phindrulo ga mufumeli, khavo: “Gasi giavelo muni hi gi manego ethu ga Dhavhidhe? Thomba muni hi gu nayo ni mwamana wa Jese? Va na Israyeli, bwelelani mitshatshani gwanu! Uwe Dhavhidhe, wonelela wabune ndranga yago!”

1 Dzipfhumu 12:16 Iomraidhean Croise

2 Samuweli 15:13

Khu guralo, gu dita muthu ga Dhavhidhe ata mu embela mahungu yoyo, khuye: “Vatshavbo va na Israyeli va dzi emisede gu landrela Abhisalamo.”

2 Samuweli 16:11

Dhavhidhe a di engedza a embela Abhisayi, ni vathu vaye, khuye: “Ambari gyanana gya mahembeni gwangu gi vbwetago gu nyi songa, a na tandrega kharini mubhejami yoyu? Mu digeni a nyi hembulula kha nga a rumidwego khu Pfhumu Nungungulu.

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

1 Dzipfhumu 11:11

Khu guralo, Pfhumu Nungungulu a di embela Solomoni, khuye: “Kha nga olu u giridego esi, u ngamba sayisa gidzumeledzwano gyangu ni sileletelo sangu, nyi gu rumidego, khu lisine nyi na dusa mufumo wago, nyi wu ningela ga githumi gyago.

1 Dzipfhumu 11:13

Aholu kha nyi na wandra watshavbo mufumo, nyi na tshiyela mwanago lihundzu limwedo, khu kotani nya lihaladzo nyi gu nalo ni githumi gyangu Dhavhidhe, ni lidhoropa la Jerusalema nyi li hathidego.”

1 Dzipfhumu 11:34

Aholu kha nyi na wandra watshavbo mufumo mandzani gwaye, kholu nyi na wu tiyisa mandzani gwaye, matshigu yatshavbo nya guvbanye gwaye, khu kotani ya githumi gyangu Dhavhidhe, oyu nyi mu hathidego, bwelo khavbo a sayisa milayo ni sileletelo sangu.

1 Dzipfhumu 11:35

Aholu, nyi na wu dusa mandzani ga mwanaye, nyi ninga uwe likhumi mahundzu.

1 Dzipfhumu 11:36

Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

1 Dzipfhumu 11:39

Khu magirelo yoyo, nyi na poyila livelego la Dhavhidhe, aholu khandri kala gupindruga.

1 Dzipfhumu 22:17

Khavbo avbo, uye a di ganela, khuye: Nya gu wona vatshavbo va na Israyeli va legalegago musigomoni, kha nga dzinvuta nyambana muhavisi, Pfhumu Nungungulu a di nyi embela, khuye: Vathu va gu mwalo waye. Muthu ni muthu a na bwelele gaya gwaye khu gurula.”

1 Dzipfhumu 22:36

Gupfolani nya lidambo, lito li di pwala lizumboni gwatshavbo ga sanana sa Israyeli, li laledza, khilo: “Muthu ni muthu a na bwelele dhoropani gwaye ni tigoni gwaye nya mavelego!”

2 Dzikoronika 10:16

Avbo vathu vatshavbo va na Israyeli va nga wona gukhavo, mufumeli kha va yingisi, va di ganedza, khavo: “Giphaso muni hi gi manago ethu ga Dhavhidhe? Yi mwalo thomba ethu hi yi manago ga mwamana wa Jese! Muthu ni muthu a na hongole gaya gwaye. Olu, uwe Dhavhidhe, dzi wonele ni ndranga yago. Khu guralo, va na Israyeli vatshavbo va di hongola magaya gwawe!”

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Mavingu 15:1

Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.

Isaya 7:17

Aholu Pfhumu Nungungulu a na resa gwago, vbakari ga vathu vago, gumogo ni dzindranga dza babe wago, khiyo ga mufumeli wa Asiriya, matshigu nya gu gima ma si gu manegi, gukhugela litshigu Efrayimi a nga dzi pambulago ga Judha.

Isaya 7:2

Khu guralo, ndranga ya Dhavhidhe yi di tiviswa gupwani: “Siriya hungide pwanano ni va na Efrayimi.” Khavbo avbo, monyo wa Akazi, wu di ndrendremela gumogo ni vathu vaye, gu fanana ni misimbo ya khabini ya gu bani yi kutsungwa khu phuvbo.

Jeremiya 33:21

kharato gambe gu na kodzega gu hambanisa gidzumeledzwano gyangu ni Dhavhidhe, githumi gyangu, khu magirelo yoyo, gasi khu melegoni gwaye gu si manegi gambe gitugulwana nya gukhale vbagikhalotunu gwaye nya wufumu; gambe gu di hadza gu hambaniswa gidzumeledzwano gyangu ni va na Levhi, a gu vaphasi nya mhamba, va nyi thumelago.

Ezekiyeli 37:16

“Mwamana wa muthu, dzega gipandre nya lipulango u lova avbo, khuwe: Ga Judha ni ga va na Israyeli, vabangaladzi vaye; khu hwane dzega gimbe gipandre nya lipulango u lova avbo, khuwe: Josefa, i ndronga ya Efrayimi, ga va na Israyeli vatshavbo ni vabangaladzi vaye.

Marko 3:24

Mufumo wu dzi kabanisago khu mitsawa yi wugelanago khu gyawe, mufumo wowo kha wuyi danga.

Luka 19:14

Aholu vathu va tigoni mule va di gu mu khalela lidiwo, khu kharato, va di rumela mwango, khavo: ‘Kha hi dzini gu fumedwa khu muthu yoyu.’

Luka 19:27

Gasi khu kotani ya valala vava vangu, va ngamba dzina gu fumedwa kheni, va reseni avba muta va pila migolo na nyi gu va wona.’ ”

Johane 13:8

Pedro a di engedza gambe, khuye: “Gima khu na nyi handza migondro!” Jesu a di mu hakha, khuye: “Nyamba gu handza khu lumbi tsawa wangu.”

Valamuli 8:35

Gambe kha va tsetsa ndranga ya Jerubhahali, ambari gu khathala khu wuwadi watshavbo Gidhiyoni a giredego Israyeli.

Valamuli 9:28

Gahali, mwamana wa Ebhedhi, a di ganela, khuye: “Gasi khuye mani uye Abhimeleki omu dhoropani ga Sikemi nya gukala ethu hi mu yingisa? Ina khandruye mwamana wa Jerubhahali? Ina Zebhuli khandruye ndrunayaye, gani? Guhegula ningani githawo vathu va Hamori, babe wa Sikemi! Gasi Abhimeleki ha gu yela gu mu ninga githawo khu kotani nya ginani?