1 Dzipfhumu 12:10 - Bhibhiliya Nya Guage

¹⁰ Madzaha ma nga dandrago naye, ma di mu embela, khayo: Vathu va ngatago avbo gwago va ta, khavo: Hi vbevbugisele rwalo hi rwegidwego khu babe wago; u na va phindrula, khuwe: Ginyalana gyangu gi khongolo guvbindra giwunu gya babe wangu.

1 Dzipfhumu 12:10 Iomraidhean Croise

1 Dzipfhumu 12:11

Kha nga olu babe wangu a mi rwegidego rwalo nya gulemele, eni nyi na engedzela rwalo wanu, wu lemela ngudzu guvbindrisa; babe wangu a di mi tsayisa khu lipitso, eni nyi na mi tsayisa khu dzihume.

1 Dzipfhumu 12:9

A di va embela, khuye: “Mwari khenu nyi va ninga phindrulo muni vathu vava va nga, khavo: Hi vbevbugisele rwalo hi rwegidwego khu babe wago?”

Mavingu 10:14

Vathu nya gugengele va gu siha guti gwawe, aholu khu kanani ga muthu nya gipumbu, gu duga gumbembisa.

Mavingu 28:25

Muthu nya makolo a ngu wusa mayunga, gasi uye tumbago a Pfhumu Nungungulu a na dugelela.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.