1 Dzipfhumu 11:7 - Bhibhiliya Nya Guage

⁷ Khavbo avbo, Solomoni a di vbaha gigomoni gu nga khedzanago ni Jerusalema, giluvelo nya guphasele avbo Khemosi, nungungulu nya manyala wa Mowabhi, ni Moloki, manyala ya na Amoni.

1 Dzipfhumu 11:7 Iomraidhean Croise

Genesi 33:2

A di thangisa mbeli sithumi ni sanana sawe, gulandrela Liya ni sanana saye, Rakeli ni mwanaye Josefe, va di hegisela.

2 Samuweli 15:30

Khu guralo, Dhavhidhe a di gwela gigomo nya miolivha na gu lila na sa ambala silato, na fenengede hungoni; vathu vatshavbo va nga bani va mu landrela va di fenengela navo hungoni, va lila gumogo naye.

1 Dzipfhumu 11:5

Kholu Solomoni a di khozela Asitaroti, nungungulu wa Vasidhoni, ni Malikomi, nungungulu nya manyala wa va na Amoni.

1 Dzipfhumu 11:6

Khu guralo, Solomoni a di thuma mithumo yi vivbidego mbeli ga Pfhumu Nungungulu, kha nga landra gwadi ndzila ya Pfhumu Nungungulu, kha nga babe waye Dhavhidhe.

1 Dzipfhumu 11:8

A di gira gambe kharato ni ga vagadzi vaye va mambe mayigo, a di va vbisela libani ni gu girela miphaso vanungungulu vawe.

1 Dzipfhumu 15:12

Kholu a di tutumisa vatshavbo vama va nga bani va gu gira wubhayi nya nayo (wukhongeli) bwelo khavbo a khungumulela satshavbo sifananiso si nga bani si giridwe khu vababe waye.

2 Dzipfhumu 23:10

A di nyenyezisa gambe Tofeti, wulanga nya guvbisedwe avbo, wu guromo kovani ga sanana sa Himoni, gasi gu si manegi ni moyo a yelago gu vbisa gyanana gyaye nya gikhwathana mwendro nya nyamahegyane a phasela Moloki.

2 Dzikoronika 21:11

Uye giride gambe malanga nya gukhugege musigomoni sa Judha, a kutsedzela va na Judha ni vavbanyi va Jerusalema gu ndreya ndzilani; a ghohisa kharati va na Judha.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Isaya 44:19

Vbakari gwawe mwalo ni moyo a alakanyago uye a gu ni guti mwendro gupimisa, gasi a ganela, khuye: “Gipandre nya mapulango nyi khuthide khigyo nilo nyi phula guhodza, magala yakone nyi vawula khayo nyama, nyi hodza; ina nyi ngu dzi kodza gu dzega gipandre gi tshadego nya mapulango nyi gira gifananiso nya gu dzi nyenyezise, gani? Ina nyi ngu yela gu khidzima nyi khozela gifananiso nya simbo, gani?”

Jeremiya 32:31

Kholu gukhugela litshigu li phedwego gu vbahwa lidhoropa leli kala na muhuno, va nyi goroside va wusa likhulo langu nya likhongolo, khu guralo, Eni nyi na li dusa mbeli gwangu.

Jeremiya 32:35

Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Jeremiya 48:13

Mowabhi a na thedwa dzitshoni khu nungungulu waye Kemosi, kha nga Israyeli a nga thedwago dzitshoni khu Bheteli, a gu nungungulu waye a nga bani a gu mu tumba.

Jeremiya 48:46

Libango gwanu enu va na Mowabhi! Enu va na Khemosi, mu vbohedwe khu litshigu lanu nya mahegiso! Sanana sanu nya sikhwathana nesi nya vanyamahegyane, si na yiswa wugumbini.

Ezekiyeli 18:12

A tshanisa sisiwana ni vahamugi, a gira wuvafa, a si bweledzi esi a fiyaridego. A khozela sifananiso ni gu gira mithumo nya guvivbe.

Dhaniyeli 11:31

Gu na duga masotshwa yaye nya gukari, ma nyenyezisa nyumba nya miphaso, gumogo ni likhokhola, va fuvisa ni phaso nya litshigu ni litshigu, va thela manyala nya guthise.

Dhaniyeli 12:11

Gukhugela avbo gu na gu fuviswago phaso nya litshigu ni litshigu, gu vegwa manyala nya gunyenyeze, gu na vegwa likhumi na mavili mazana ni livbandre na mana magumi matshigu (1.290).

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Mikeya 1:5

Satshavbo si na girega khu kotani nya guyeyise ga Jakobe ni sighoho sa nyumba ya Israyeli, khu gevbini gighoho gya Jakobe? Ina khandri Samariya? Khu wevbini wulanga nya miphaso nya vanungungulu nya malipha va Judha? Khandri Jerusalema, gani?

Zakariya 14:4

Khu litshigu lolo, a na ema khu migondro yaye mugigomoni nya Miolivha gi guromo mbeli nya lidhoropa la Jerusalema, khu phuvbo ga Khugadambo. Gigomo nya Miolivha gi khedzanidego ni Jerusalema khu Khugadambo kala Muhwadambo, gu na manega kova nya wukhongolo ngudzu. Gimbe gipandre nya gigomo gi na thegela Wuronga, gimbe gi thegela Marandzi.

Mitengo 21:29

Libango avbo gwago Mowabhi! Mu vbede, enu vathu va nungungulu Kemosi! Giride madzaha yanu ma thava, ni dzimbiri dzanu dzi khala dzikhumbi ga Seyoni, mufumeli wa Vaamori

Mitengo 33:52

gu vbwetega mu tutumisa mbeli gwanu vavbahi vatshavbo va tigoni momo, mu phalalegisela sifananiso satshavbo nya vanungungulu vawe nya gugirwe khu simbi mu khungumulela malanga yawe yatshavbo nya gukhugege.

Matewu 26:30

Na va embidelede nombelo nya ndzimo, va di duga va gu hongola gigomoni nya Miolivha.

Mithumo 1:12

Khavbo avbo, Vapostoli va di bwelela va gu hongola Jerusalema khu gigomoni nya miolivha, gi khalago vbafuvbi ni Jerusalema, gipimo nya guningane pfhuka wu dzumedziswago gu gimbila khu litshigu nya Sabhadho.

Mithumo 1:9

Na ganede esi, a di gwela Ndzadzini na va gu mu wona, lipfhi li dita va tshira mahoni gwawe.

Mithumo 7:43

Mu di rwala tabherinakeli ya Moloki, ni gifananiso nya nyeledzi ya nungungulu Rafani, a gu sifananiso nya gugirwe khu mandza yanu mu fela gu si khozela. Khu nandru yoyo, nyi na mi vbagedzisa mu yiswa hwindzo guvbindra Bhabhiloni.’

Dhewuteronome 13:14

ma gu tshuka ma manega mahungu nya nga ayoyo, mu fanede gu dzi garadza khu gu wudzisela gwadi; gwa gu wonega nari lisine na gu giregide vbakari gwago manyala yoyo,

Dhewuteronome 27:15

Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela. Vathu vatshavbo va na hakha, khavo: “Amen!”

Valamuli 11:24

Ina u nga bomba gu dzega iso nungungulu wago Khemosi a gu ningago, gani? Ethu nethu hi na sayisa iso Pfhumu Nungungulu a dzegedego vambe a hi ninga.